100.000 esker guztioi!!!

Hamalau hilabete igaro dira gure web hau berritu genuenetik eta, oraintxe bertan, 100.000 bisiten kopurua gainditu berri dugu.

Gure komunitate txikiarentzat izugarria da web honek duen hazkunde geometrikoa; bisitarien kopurua etengabe hazten ari da eta sarean dugun presentzia inoiz baino garrantzitsuagoa da. Mila esker ematen diguzuen babes horrengatik.

Duela gutxi web honen urteurrenaren berri eman genizuen. Mezu hartan, ikasturte hau baliatu nahi genuela hobekuntza sakonak ezartzeko aipatzen genuen eta, dagoeneko, horietako batzuk inplementatu ditugu:

• Agenda jarri dugu eta hurrengo bost ekitaldien laburpena albo barran erakusten ditugu
• Media izeneko orria sortu dugu bideo, argazki, eta aurkezpenen ugarirekin
• Argitaratutako mezu eta orri guztiak, urte eta hilabeteen arabera antolatuta, ikusteko beste orri bat jarri dugu.
• Seme-Alabak izeneko aldizkari guztiak biltzen dituen beste orri bat ere jarri dugu.
• Euskaraz Bizi Proiektuari buruzko orrialdean, Argitxorekin jolasean aritzeko jarraibideak eta abestiak jarri dizkizuegu.
• Txanela Proiektuari buruzko orrialdean, proiektu hori eta konpetentzietan oinarritutako hezkuntza lotzen dituen informazioari buruzko dokumentazioa jarri dizuegu. Leku berean, Brailez eginiko Txanela proiektuko materialen irudi batzuk ere jarri dizkizuegu.
• Ikasys proiektuari buruzko informazio orri berri bat ere sortu dugu.
• Atal, orri, etiketa, bilaketen emaitzetan eta beste esparrutan, aurrera eta atzera egiteko zenbakizko menua orriaren behealdean.
• Irudien gida atalean, Flickr zerbitzuan galduta ez ibiltzeko bideo tutorialak (euskaraz eta gaztelaniaz) txertatu ditugu.
• Mezu eta orri guztietan, web zerbitzu ugari batera zabaltzeko aukera ematen dituen botoia ezarri dugu.
• Mezu bakoitzaren azpian, zerikusia duten beste mezuen proposamena ere inplementatu dugu.
• …

Ikusten duzuenez, ez gaude geldi eta ez daukagu hor gelditzeko asmorik, ez horixe. Izan ere, diseinu berri eta eleanitz batean ari gara lanean eta, gauzak ongi joanez gero, urte berriarekin batera estreinatu nahi dugu. Ea lortzen dugun. Nolanahi ere, zuen ekarpenen zain gelditzen gara.

Amaitzeko, ez genuke mezu hau utzi nahi web honekin zuzenean lotutako zerbitzu bat aipatu gabe: Flickr argazkiak. Une honetan, ia 18.000 argazki ditugu bertan eta, egunero, bisita kopuru izugarria jasotzen ari gara. Ia 300.000 aldiz ikusi dira gure argazkiak. Ez al zaizue ikaragarria iruditzen? Zalantzarik gabe, argazkiak igotzen denbora asko igarotzen duten irakasle eta ikasleen meritua da. Mila esker zuei!!!

Azken urteotako ohiturari jarraituz, asko izango dira 2008-09 ikasturterako aurreikusita ditugun berrikuntzak. Hauetatik lehena une honetan ikusten ari zaretena da, alegia, ikastolako webgune berria.

Jabetuko zineten bezala, asko dira oraindik txoko honi egin beharreko hobekuntzak, bai egitura baita diseinuaren aldetik ere. Datozen egunetan ikastolako irakasleok gogor ekingo diogu lan honi; ea asteburutik bueltan zuen gustukoa izango den diseinu berri eta polita ematea lortzen dugun denon artean.

Hurrengo egunetan txoko honetan bertan izango dituzue berrikuntza honen inguruko detaile gehiago.