Gauza jakina da gure artean gero eta etorkin gehiago dagoela. Horietako asko ostalaritzan ari dira lanean, eta bezeroek euskaraz eskatzen dutenean ezin erantzunda geratzen dira, edota gaztelaniaz hitz egiteko esaten diete bezeroei.

Horretaz jabeturik, euskaraz ez dakiten Ostalaritza ikastaroa antolatu du Ordiziako Udalak. Zerbitzua euskaraz bideratu ahal izateko bitartekoak eskaini nahi dizkie herriko tabernei eta jatetxeei, Ordiziako ostalaritzak eskaintzen duen zerbitzu ona are gehiago hobetuko duelakoan.

Ikastaroan, besteak beste, honakoak ikasiko dituzte ikasleek: edariak eta pintxoak euskaraz zerbitzatzen, bezeroak kontua eskatzen duenean ulertzen eta kobrantza egiten, mahaiaren erreserba egiten, eguneko menua eskaini eta eskaera ulertzen, eta abar.

Hona, labur-labur, ikastaroari buruzko informazioa:

• 60 ordukoa izango da ikastaroa.
• Astean bi orduko bost saio emango dira: astelehenetik ostiralera, 9:00etatik 11:00etara.
• Ikastaroa apirilaren 12an hasiko da eta maiatzaren 20ean amaitu.
• Ikastaroa Ordizian bertan emango da, Goiztiri-AEK euskaltegian (Dorrea etxea).
• HABEk argitaratutako Ostalaritza liburua erabiliko da.
• Matrikula: 10€. Baina %80ko gutxieneko asistentzia duenari 10€ horiek itzuli egingo zaizkio.
• Izen-ematea: Ordiziako Udaleko Euskara Zerbitzuan (Herritarren Arretarako Udal Bulegoan, Kale Nagusia 24; 943 80 56 22), martxoaren 31a baino lehen.

Inguruetako herrietako bizilagunak ere onartuko dira ikastaroan, lekua dagoen neurrian. Hargatik, inguruetako Udaletara informazioa bidali du Ordiziakoak, haien taberna/jatetxeetan eragin dezaten.

Gaur goizean, LH 5. mailako ikasleak eta irakasleak, udalak luzatutako “Zuhaitz eguna” ospatzeko ekintzaren gonbitera joan gara. Eguraldia bikain portatu da gurekin eta oso goiz ederra pasatzeko aukera izan dugu.

Orexa parkeko lorategian, Santa Amalia kaleko etxe parean, ilara batean gorostiak landatu ditugu. Denak, zuhaitz emeak ziren, hazi gorriak baitzituzten.

Gure lana erraztearren, joan aurretik, herriko lorategiko langileek zuloak eginda zituzten eta behar genuen materialak prest zituzten. Gure lana hauxe izan da: landarea zuloan sartu, alboetan zegoen lurra aitzurraz puskatu eta zuloa betetzen joan, ondoren ondo zapaldu.

Hemendik aurrera, gure konpromisoari eutsiz, landatutako zuhaitzen haziera zainduko dugu.

Gaur goizean ateratako argazki bilduma ere jartzen dizuegu.

Informazio iturria: Ordiziako Udala

Astelehenean, martxoak 1, Nazioarteko Emakumeen eguna ospatzeko antolatu diren ekitaldiak hasiko dira. Egitaraua Kimetz emakumeen elkarteak eta Ordiziako Udaleko Ongizate sailak antolatu dute. Bi erakundeek ekintzetan parte hartzera gonbidatzen dute, bereziki, hilaren 8an Goierriko emakume guztiei zuzenduta ospatuko den fem-kafean.

Bideoforum saio batek emango dio hasiera egitarauari, astelehenean, 17.30etan, Jubilatuen egoitzako areto nagusian. ‘Bagdag Kafe’ (Alemania, 1987) pelikula emango da eta solasaldia Silvia Camio psikologoak zuzenduko du.

Ostegunean, hilak 4, Patxi Moralesen pintura tailerreko emakume ikasleak kalera irtengo dira margotzera, urtero legez. Goizean egindako lanak ikasgai egongo dira Barrenako sarrera-aretoan hilaren 8tik 18ra bitartean. Hilaren 4an baita, 15.30etan, ibilaldia irtengo da Arboledatik. Ondoren, partehartzaileen artean txokolate jana izango da.

Ostiralean, hilak 5, Urrup antzerki taldeak Dario Fo-ren ‘Aquí no paga nadie’ lana antzeztuko du Herri Antzokian, 19.00etan.

Emakumeen eguna hilaren 8an ospatzen da. Goierriko emakumeen elkarteek fem-kafe ekitaldia antolatu dute, ‘world kafe’ bezala ere ezaguna. Topaketa Barrenan izango da, 18.00etan.

Fadoak entzuteko aukera izango da hilaren 10ean. Ventos de Saudade taldeak ‘Arratseko fadoak’ errezitaldia eskainiko du Barrenako areto nagusian, 17.00etan.

Ekitaldiak martxoaren 12an bukatuko dira, bigarren bideoforum saioarekin. ‘El silencio del agua’ (Iran, 2003) filma izango da aitzaki munduko beste emakumeen errealitatearen inguruan mintzatzeko. Hitzordua Barrena da, 16.30etan.

Fuente: Ayuntamiento de Ordizia

El lunes 1 de marzo comienzan los actos para conmemorar el Día Internacional de las Mujeres, organizados por la asociación de mujeres Kimetz y el departamento de Servicios Sociales del Ayuntamiento de Ordizia. Ambas entidades invitan a participar en los eventos. Especialmente, en el fem-café que tendrá lugar el día 8, con y para todas las mujeres de Goierri.

Una sesión de videoforum abrirá el telón del programa el lunes, a las 17.30 horas, en el salón de actos del Hogar del Jubilado. Se pasará la película ‘Bagdad Café’ (Alemania, 1987). La tertulia estará dirigida por la psicóloga Silvia Camio.

El jueves día 4 las alumnas del taller de pintura de Patxi Morales, como cada año, saldrán a pintar a la calle. Las obras realizadas durante esa mañana permanecerán expuestas entre los días 8 y 18 en la entrada del palacio Barrena. Por la tarde del día 4 tendrá lugar una marcha a pie que saldrá a las 15.30 desde la Arboleda, para concluir con una chocolatada.

El día 5, viernes, el grupo de teatro Urrup representará la obra de Darío Fo ‘Aquí no paga nadie’. La representación será en la sala Herri Antzokia a las 19.00 h.

El lunes 8 de marzo se celebra el día internacional de la Mujer. Las asociaciones de Goierri han organizado un fem-café, evento conocido también como ‘world café’, en Barrena. El encuentro comenzará a las 18.00 horas.

El día 10 el salón de actos de Barrena acogerá a las 17.00 h. el recital de fados ‘Arratseko fadoak’ con el grupo Ventos de Saudade.

Finalmente, el día 12 también en el salón de Barrena, la película ‘El silencio del agua’ (Irán, 2003) servirá para dar paso a un nuevo video-forum. El tema de debate será el acercamiento a otras realidades de mujeres. La cita será a las 16.30 en Barrena.

El programa culminará este mismo día, con una cena.

Gaur HItzaro Euskara Elkarteak duen web orrian, albiste hau irakurri eta bere interesa dela bide,hona ekartzea erabaki dugu.

Hitzaro elkarteak Ordiziarko Udaleko Euskara Zerbitzuarekin eta AEKrekin batera egiten duen Mintzalaguna egitasmoa martxan da irailaz geroztik. Egitasmoaren funtsa da euskaldun berrei euskaraz trebatzeko espazio naturalak sortzea. Horretarako ingurune beretsuko euskaldun berrien taldeak sortu dira euskaldun zaharrekin batera mintzapraktika egin dezaten.

Azken ikasturtean baina, euskaldun berriekin aritzeko euskaldun zaharren bila dabil elkatea, egitasmoan parte hartzen duen pertsona kopurua handia baita.

Taldeotan txertatzeko interesa bazenu, deitu Hitzarora (943 16 23 66).

Asko gustatu zaigu Goierri Telebistak Ordiziari buruz eskaintzen digun bideoa eta hori dela eta, hona ekartzea erabaki dugu. Gainera, gure herria aurkezteko aukeratutako Eñaut Gereñu, gure ikasle ohia izanik, ez dugu ezkutatuko ilusio handia egin digula eta harrotasun puntu bat ere sentiarazi digula.

Goierri telebistak bideoa txertatzeko koderik eskaintzen ez duenez, bideo jaitsi eta beste gune batera igo dugu hona ekartzeko eta zuen esku jarri ahal izateko.

Bideo honetan, Eñautek duen ikuspegitik, Ordiziako txokoak, ezaugarriak, ohiturak… azaltzen dizkigu. Ea zuei guri bezain beste gustatzen zaizuen.

Eguraldiak bat ere lagundu ez duen arren, urtero bezala, euskal inauteriak Ordiziara iritsi dira Jakintza Ikastolaren eskutik. Hotzak, elurrak, hezetasunak eta giro desatseginak ez dute lortu gure ikasleen animoa zapuztea eta, azkenean, emanaldi politak eskaini dizkigute bai Haur Hezkuntzako ikasleek baita Lehen Hezkuntzakoek eta DBH 1ekoek ere.

Lehen Hezkuntzako ikasleak Beti Alai frontoian aritu dira eta Haur Hezkuntzakoak Villa Eugeniako barruko jolastokian. DBH 1eko ikasleen Akelarrea, berriz, bi emanaldietan ikusteko aukera izan dugu.

Zakuzaharrak, Miel-Otxin, Sorginak, Txorimaloak, Kotilungorriak, Baserritarrak, Iñudeak eta artzainak, Luzaideko bolantak, Txori-izugarriak, Abaltzisketako txantxoak, Joaldunak… denak bikain aritu dira eta bildutako ikusleen errekonozimendua jaso dute txalo zaparrada beroen bitartez. Gure ikasleen ahalegina eta ilusioa ez zen gutxiagorako. Zorionak guztiei!!!

Grabatutako bideo eta argazkiekin uzten zaituztegu.

Bideoa:

Bideo hau Full HD kalitatean ekoiztu eta igo dugunez, kalitate osoz ikusteko, “Play” botoia sakatu eta gero, erreproduzigailuaren barraren eskuinaldean “360p” agertzen dela ikusiko duzue. Bada, sagua bere gainean jartzerakoan, beste aukera batzuk agertzen direla ikusiko duzue. Zenbakia zenbat eta altuagoa orduan eta kalitate hobea. Hori bai, bideoa kargatzeko ere zenbat eta kalitate handiagoa orduan eta denbora gehiago bideoa kargatzeko. Konexio ona baduzue edo denbora baduzue, merezi duelakoan gaude. Pantaila osoan jarri eta gozatu!!!

Goierri Telebistak argitaratu duen bideoa:

Goierri Telebistaren web orrian argitaratu duten bideoa

Argazkiak:

Urtero legez, Euskaraz Bizi Eguna herriko txoko eta bazter guztietara eraman dugu. Egun honekin, gure ikastolak Ordiziako kale, denda eta txoko guztietara euskararen aldeko aldarrikapen garbia eraman nahi du: Euskaraz Bizi nahi dugu!!!

Gaur goizean zuzeneko emisioa eskaini dugu web orri honetan bertan eta horretaz gain, argazki sorta handi bat eta beste bideo bat ere ekoiztu dugu. Horiek guztiak jarraian ikus ditzakezue.

ZUZENEKO EMISIOKO BIDEOAK

ARGAZKIAK:

BIDEOA:

Datorren otsailaren 12an, ostiral arratsaldean, EUSKAL INAUTERIAK ospatuko ditugu.

Hona hemen nola mozorrotuko garen eta maila bakoitzak dantza non egingo duen:

Desfilea:

Olano parean elkartuko gara 15:00etan desfileari hasiera emateko eta amaiera Barandiaran plazan izango da, 16:30ean. Gogoratu haurrak bertan jaso beharko dituzuela.

Ibilbidea ondorengo hau izango da:

Villa Eugenia – Filipineta kalea – Fray Andres – Kale Nagusia – Santa Maria kalea – Barandiaran Enparantza.

Amaieran merienda goxoa izango da Barandiaran enparantzan: guztiontzat txokolate beroa!

Oharra: Eguraldi txarra eginez gero LHkoek ospakizuna frontoian egingo dute eta HHkoek Villa Eugenian ospatuko dute 15:15ak aldera.

Ordiziako Herri Antzokiko otsaileko pelikulen programazio osoa eskaintzen dizuegu film guztien trailerrekin.

TODOS ESTAN BIEN

ostirala/viernes 5: 22:15
larunbata/sábado 6: 19:30 – 22:15
igandea/domingo 7: 19:30 – 22:15
astelehena/lunes 8: 19:30

NIKO ETA IZARRETARAKO BIDEA

igandea/domingo 7:: 16:45

CELDA 211

ostirala/viernes 12: 22:15
larunbata/sábado 13: 19:30-22:15
igandea/domingo14: 19:30-22:15
astelehena/lunes15: 19:30

DONDE VIVEN LOS MONSTRUOS

igandea/domingo14: 16:45

TENIENTE CORRUPTO

larunbata/sábado 20: 19:30-22:15
igandea/domingo 21: 19:30-22:15
astelehena/lunes22: 19:30

DOS CANGUROS MUY MADUROS

igandea/domingo 21: 16:45

¿QUÉ FUE DE LOS MORGAN?

ostirala/viernes 26: 22:15
larunbata/sábado 27: 19:30-22:15
igandea/domingo28: 19:30-22:15
astelehena/lunes 1: 19:30

ALVIN Y LAS ARDILLAS 2

igandea/domingo 28: 16:45

CINE ALTERNATIVO LOS MIÉRCOLES EN FUNCIÓN ESPECIAL A LAS 21:30h

LOS CONDENADOS

asteazkena/miércoles 3: 21:30

CAPITAN ABU RAED

asteazkena/miércoles 10: 21:30

EL SECRETO DE ESMA

asteazkena/miércoles 17: 21:30

KATYN

asteazkena/miércoles 24: 21:30

Aurreko ostegunean, urtarrilaren 28an, ETB 3ko 4. Denbora saioan, erreportaje bat eskaini zuten Ordiziako Errugby Taldeak ikastetxeetan, harrobia sustatzeko, egiten duen lanari buruz.

Erreportajea grabatzeko gure ikastola aukeratu eta DBH 1eko talde batekin Majori Kiroldegian eginiko saioa grabatu zuten. Bideo originalean bestelako gaiak jorratzen dira eta oso luzea izan zitekeenez, aipatutako erreportajea (ia 10 minutukoa) atera dugu eta hemen jartzen dizuegu.