Kontseiluak Euskalgintzaren mapa direktorioa aurkeztu du eta euskalgintza.org web orrian diotenaren arabera hauxe da egitasmo honen izaera eta asmoa:

Oro har, euskararen normalizazioa lortzeko lan egiten duten erakundeek osatzen dute euskalgintza.

Eta zer kontsideratu behar da herriko euskalgintza? herri bakoitzean euskararen garapen osoa lor dadin eragiten eta bultzatzen inplikatzen diren gizarte erakundeen bilgunea da.

Jakina, Euskal Herri osoan euskalgintzaren egoera ezberdina da eta, ondorioz, ez dira modu berean osatzen euskalgintzaren bilguneak. Oro har, euskararen normalizazioa bultzatzen lan egin nahi duen orori zabaltzen zaizkio euskalgintzaren bilguneko ateak. Hala, gorago aipatu definizioaren arabera, herrietako taldeek zehaztuko dute herri bakoitzean nola osatzen den euskalgintza.

Kontseiluak sortu duen Euskalgintzaren mapa direktorioaren bidez, euskararen normalizazioa lortzeko lanean ari diren elkarte eta erakundeen ekintzak eta egituraketa azaldu nahi dira, eta beren arteko harremanak erraztu eta esperientziak trukatzeko lanabesa izan nahi du.

Gune berri hau jendearen partaidetzan oinarritzen denez, bere ateak zabalik utzi ditu izena eman eta parte hartu nahi duen ororentzat. Baten batek parte hartzeko asmoa baldin badu, gunearen helbide honetan xehetasun guztiak topatuko ditu.

Astelehen honetan, gure ikastolako Batxilergoko ikasleak, Eibartik etorritako Tagzania guneko kideen laguntzaz, Ordiziako open mapa osatzen aritu ziren OpenStreetMap proiektuan.

Tagzaniatik etorritako lagunen artean, gure ikasle izandako Mikel Kerejeta ordiziarra topatu genuen eta, honekin batera, Interneten aski ezagunak diren Gari Araolaza eta Dani Reguera etorri ziren. Luxu bat!

Gure ikasleei azalpen labur bat eman ondoren, lanari ekin zioten eta denborak gehiagorako eman ez bazuen ere, nahiko aurreratuta ikusi dugu gure herriko mapa. Hemen ikus dezakezue maparen animazio txiki bat

Ekitaldi honek sarean bere oihartzuna izan du eta Sustatun Mapping Party honen inguruko artikulu hau argitaratu dute. Tagzaniako gunean, berriz, albistea bi hizkuntzetan topa dezakegu; gazteleraz eta ingelesez.

Tagzaniako lagunek argitaratutako argazkiak Flickr-en topatu ditugu eta hemen azpian jartzen dizkizuegu.

Mila esker mapa askeen aldeko gisa honetako ekimenak abian jartzeagatik eta gure ikastolako ikasleekin erakutsitako pazientzia eta kemenarengatik.

Gure DBH 1eko ikasleek, lan bikaina burutuz, Euskal Herriko Ikastolen mapa digitala ekoiztu dute.

Iaz, ikasle batek hasiera eman zion lan honi, baina amaitzeko astirik izan ez zuenez, aurtengo ikasleek hasitako lanari heldu eta lan kolaboratzaile bat burutuz, mapa amaitu egin dute.

Gure ikastola, IKTen erabilera ohiko lanetan, aitzindari izan da eta, horren ondorioz, proiektu askoren bultzatzaile eta dinamizatzaile izan da. Euskal Herriko Ikastolen maparik ez zegoela ikusita, gure ikasleek erantzukizuna berea eginez, gogoz heldu diote erronkari eta oso lan interesgarria burutu dute.

Egia esateko, mapa ez dago erabat amaituta. Akats eta hutsune txiki batzuk ditu oraindik, baina sarea erabiliz, beste ikastoletako jendearen elkarlana eskatu dugu. Zoritxarrez, jasotako erantzuna ez da espero genuena izan eta berriro gure ikasleek egin beharko dute beste batzuek egiten ez dutena.

Datorren ikasturtean, ikasle berriek aurtengo mapari berriro helduko diote eta orain agertzen den informazioa osatzen eta aberasten jarraituko dute. Zorionak guztioi eta mila esker egindako ekarpen bikain honengatik.

Ikusi mapa handiagoa