Irene Usabiaga ikastolako txirrindulariak kadete mailako Espainiako txapelketaren erlojupeko proba eta errepidekoa irabazi ditu. Ostegunean nagusitu zen erlojupekoan, 41 kilometro ordu pasako batez bestekoarekin proba erraz irabaziz. Judit Vidal kataluniarrari 31 segundo kendu zizkion. Ostiralean jokatu zen errepideko proba, eta esprintean irabazi zuen Usabiagak. Proba horretan ere Vidal kataluniarra izan zen bigarren.

Zorionak Irene!!!

Iturria: Goierriko Hitza

Aurreko larunbatean, Gasteizen ospatutako XXVIII. Euskadiko Eskolarteko Jokoetan, gure ikastolako mutil infantilak Atletismoko taldeko txapeldunak suertatu ziren. Oso lehia gogorra izan zen, batez ere, euren lagunak diren Oiangureneko atletekin.

Zoritxarrez, erreleboen frogan, institutoko ikasleen hanka-sartze txiki batek zapuztu zuen ordura arte egindako txapelketa bikaina. Ez dakigu sailkapena nolakoa izango zen hori gertatu izan ez balitz, baina garbi dago txapelduna eta bigarrena Ordiziako bi ikastetxeak izango ginela.

Dena den, bertara joan ziren Ordiziako ordezkari guztiei gure zorionik beroenak luzatu nahi dizkiegu eginiko erakustaldi zoragarri horrengatik eta, arerioak izan arren, erakutsitako adiskidetasuna eta kiroltasunarengatik.

Bestalde, gure ikastolako hiru neskek Gipuzkoako selekzioarekin parte hartu zuten eta hirurak Euskadiko Tituluarekin itzuli ziren Ordiziara. Itzela, benetan!!

Horra hor gure ordezkariek lorturiko emaitzak:

Neska Infantilak:

MARIA ACOSTA URKIZO Txapelduna 3000 metroko frogan 11.04.49 denbora bikainarekin.
ALBA TORRES ARRUABARRENA Txapelduna Pisu jaurtiketan 8,70 metroko markarekin.
SARA COBOS DE JUAN Txapelduna 3 Km martxan 19.18.61 denbora bikaina lortuz.

Mutil Infantilak:

JAVIER VALDIVIELSO 80 metroko frogan hirugarrena 10.37 denbora eginez.
IKER NIETO 500 metroko frogan Txapelduna 1.14.43 denbora eginez.
MARKEL SAMANIEGO DE JUAN 1000 metroko frogan hirugarrena 3.07.82 denborarekin.
JOSU AGIRRE 80 metro hesiak frogan laugarrena 16.50 denbora lortuz.
MATTIN KORTA Altueran bigarrena 1,50 jauziarekin.
BEñAT AZURMENDI Luzeran bostgarrena 4,77 metroko jauzia eginez.
MIKEL BEKUONA Pisuan zortzigarrena 8,67 metroko jaurtiketarekin.
JAKINTZA IKASTOLA 4×80 erreleboetan Txapelduna 40.72 denborarekin.

Emaitza horiekin, Jakintza Ikastolako taldeak Euskadiko Taldeko Txapelketa irabazi zuen 29 punturekin.

Zorionak guztioi!!!

Ana Usabiaga txirrindulari ordiziarrak urrezko bi domina lortu ditu Espainiako pistako Txapelketan. Palma de Mallorcan jokatu ziren atzo txapelketako probak, eta euskal ordezkariek lan bikaina egin zuten. Izan ere, taldekako probetan lortutako garaipenez gainera, Leire Olaberriak eta Eneritz Iturriagak ere domina bana lortu zituzten.

Goierri Telebistan ateratako albistearen bideoa

Usabiagak, taldekako abiadura proba irabazi zuen goizean, Ainhoa Pagola tolosarrarekin batera; 38,09eko denbora egin zuten. Arratsaldean berriz, taldekako jazarpen proban lortu zuen urrezko domina, Leire Olaberriarekin eta Eneritz Iturriagarekin batera. Hirukoak, 3:42.24ko denbora egin zuen.

Iturria: Goierriko Hitza

Ordiziako I. Kirol Sariak banatu dira ekitaldi xume eta hunkigarri batean. Guztira 11 sari banatu dira, kirolari, talde, klub, elkarte eta laguntzaileek jaso dituzte Ordiziako kirolaren aldeko ekarpena egin izanaren diplomak. Ekitaldiaren antolatzaileak izan dira klubetako eta herriko kirolarekin zerikusia duten erakundeetako ordezkariak. Antolatzaileek eta Ordiziako Udalak urtero banatu nahi dituzte sari horiek.
Gure aurreko mezu honetan aipatu genizuen bezala, hauexek izan dira aurtengo sarituak:

KIROLARI NABARMENDUAK

ANA USABIAGA BALERDI
ALAZNE FURUNDARENA SARRIEGI
EÑAUT GEREÑU MUJIKA
ODEI MAIZ BARANDIARAN
GORKA UGALDE MORENO
MAIDER MADRAZO BERIAIN

TALDE NABARMENDUAK

EMAKUMEZKOEN ARETO FUTBOLA
EMAKUMEZKOEN SOFBOLA

KIROL IBILBIDEAGATIK SARITUTAKOAK

ANGEL INSAUSTI
BOXING ZIKLO KLUBA
CHAPEL GORRI KIROL ELKARTEA

Zorionak guztioi Ordizia eta Ordiziako gazteriaren alde egiten duzuen lanarengatik.

Gure ikastolak atzo jaso zuen Gipuzkoako Kirolak sariak oihartzuna izan du sarean eta ohiko hedabideetan. Oraingo honetan, gure ikastolako IKT taldekoen blogean argitaratu duten mezua hona ekartzea erabaki dugu. Gainera, atzo grabatutako bideoa hobeto ikus dezazuen, definizio altuan jartzen dizuegu. Argazki sorta ere bideoaren azpian jartzen dizuegu.

Gipuzkoako Foru Aldundiaren ustez, Jakintza ikastola izan da eskola kirola garatzeko orduan, gehien nabarmendu den ikastetxea amaitzear dagoen 2008ko urte honetan. Azken urte hauetan asko izan dira ikastolako kirol batzordean parte hartu duten kideak; horien guztien lanari esker jaso du gure ikastolak sari garrantzitsu hau. Lerro hauen bitartez gure ikastolako ikasleak zoriondu nahiko nituzke, txiki-txikitatik kirola egitearen aldeko jarrera hain garbia adierazteagatik; gure ikastolako gurasoak, kirola egitearen kultura euren seme-alabeei transmititzeaz gain, kirol formakuntzan ere parte hartzeagatik. Aipamen berezia ikastolako mendi irteerak antolatzen dituen guraso taldearentzat; ikaragarria da burutzen ari diren lana. Martxan duten bloga ikustea besterik ez dago egiten ari diren lanaren dimentsioa ulertzeko. Zorionak, zuena ere bada sariaren zati bat eta!

Irakasle asko izan dira ere, modu batera edo bestera kirolaren sustapenean euren laguntza eskaini dutenak. Zeregin honetan norbait nabarmendu beharko bagenu, hori Arantza De Juan irakaslea da. Urte piloa darama ikastolako kirol batzordeko arduradun nagusi bezala eta sari hau bere lanaren errekonozimendu publikoa suposatzen du. Lan eskerga Arantzak (eta bere famili osoak) burutzen duena, egun batean bai eta bestean ere bai, ikastolako ikasle guztiek kirola praktika dezaten. Zorionak Arantza! Zurea da sari honen atzean dagoen merezimendurik handiena. Eskerrak ematen dizkizut ikastolarekiko adierazten duzun konpromiso eta egiten duzun lanarengatik. Mila esker!

Nolanahi ere, aipamen gehiago honako tokietan topa ditzakezue:
Gipuzkoa Kirolak
Euskaljakintza
Kirolgi
Diario Vasco

Donostiako Kursal Aretoan ospatu den ekitaldian, gure ikastolako kirol arduraduna den Arantza de Juan izan da Foru Aldundiak banatzen dituen “Gipuzkoa Kirolak” Saria jasotzera oholtzara igo dena.

Sari garrantzitsu hau gure ikastolan, kirolaren esparruan, burutzen ari den lana aitortzera dator. Izan ere, ikaragarria da eskola kirolaren antolakuntzan mugitzen ari diren ikasle, ikasle-ohi eta gurasoak. Arantza de Juan, kirol koordinatzailearen eskutik borondatezko laguntzaileen “batailoi” bat dago ikaragarrizko lana egiten gure seme-alabekin.

Horientzat guztientzat da sari hau.

Ekitaldian ateratako argazkiak ere hementxe jartzen dizkizuegu:

Sari hauen inguruko informazio gehiago Diario Vascon

Gure mendizaleek 2008ko azken irteeraren kronika laburra eta argazkiak argitaratu dituzte eta, beti bezala, hona ekartzen dizuegu.

Neguan sartzearekin batera, bukaera eman diogu aurtengo ikastolako mendi egutegiari. Eguraldia dotore portatu zaigu urteko azken txangoan, ederki argitu eta goxatu bai gaitu eguzkiak ibilaldian zehar. Ez naiz gauza mendia zein ikusgarria zegoen hitzez adierazteko eta irudiez baliatu beharko zarete esan nahi dudanaz jabetzeko.
Urtea azkenetan dugunez, ikastolako mendizale taldea osatzen dugun partetik, URTE BERRIA osasuntsu, askatasunean eta bakean igaro dezazuen opa dizuegu.

Pista estaliko Europako txapelketan parte hartzen ari da Ana Usabiaga ordiziarra egunotan. Irailaren 3an hasi zen lehia Pruszkow-n (Polonia), eta gaur bukatuko da. Usabiaga hiru modalitatetan parte hartzekoa zen, emakumezko juniorren artean: jazarpenean, puntuaketan ta scratch-ean. Errepideko denboraldia azkenera gerturatzen ari da, eta neguan ziklo-kroseko egutegiari helduko dio. Pistan aurten urte oparoa ari da izaten gaztearentzat: Munduko txapelketan, Hegoafrikan, europar onena izan zen scratch-ean (6. orokorrean), eta puntuaketan 5. egin zuen. Maiatzean, berriz, mugarri historikoa ezarri zuen Espainiako txapelketan, Tafallan (Nafarroa). Zazpi domina kolkoratu zituen, sei urrezkoak. Polonian, momentuz, estatuko 2.000 metroko marka ondu du Usabiagak (2:32,04).