Ekainaren 30a egun berezia izan zen Jakintza ikastolarentzat, bereziki bertako irakasleentzat. Ez da egunero suertatzen hiru lankide jubilatzea. Arrate, Antton eta Mikelek aurrez jasoa zuten ikasleen agurra eta ekainaren 30ean beren lankideena jaso zuten.

Hiru irakasle hauek, eredu ezin hobeak dira Jakintza ikastolako irakasleontzat eta ongi merezia zuten gure begirunea eta esker ona.

Berez egun eguzkitsua eta sargoria zenari sentimendu eta emozio ugari elkartu zitzaizkion ekainaren 30ean. Ikasturteko lanik handienak amaitu eta gero, eguerdian elkartu ginen langile guztiok aretoan. Datorren ikasturteko plangintzaren lerro nagusiak azaldu ondoren ekin genion hiru jubilatuei agurra egiteari.

Oso polita izan zen etapa ezberdinetatik sortu ziren koplak entzutea. Arrate, Antton eta Mikelek nahikoa lan izan zuten emozioa kontrolatzen eta lankideen mezuak arretaz entzuten.

Ikastolako lanak amaitu ondoren, sekulako tropela joan ginen Liernira, a zer nolako mahikada osatu genuen. 60 lagun elkartu ginen hiru jubilatuen bueltan. Giro ederrean bazkaldu ondoren, hori bai, esan behar dugu ez genuela berotasun faltarik izan, abanikoa zutenek, majo astindu zuten trastea eta ez zutenek berriz, izerdi tantak gainetik nola kendu asmatu ezinik igaro genuen arratsa.

Etorri zen kafearen ordua eta bere bueltan noski, opariak banatu eta bertsoak kantatzeko unea iritsi zen. Berriro emozioak pil pilean eta begi inguruak bustita bat baino gehiago.

Lankideen besarkada eta musuez gain opari eta emozioz gainezka etxeratu ziren Arrate, Antton eta Mikel.

Bihotz bihotzez mila esker Jakintza ikastolari eskaini diozuen guztiagatik eta zorterik onena hirurontzat hemendik aurrera izango duzuen bizimodu berrian.

Jarraian, bakoitzari eskainitako bertsoak, grabatutako bideo ateratako argazki sortarekin uzten zaituztegu:

BERTSOAK

Anttonentzat

Legorretan jaio arren
Amezketan du ohea
Berezko txispa duena
hitz jario dotorea
Berrogei urtez gurekin
a zer nolako zortea
Gazteei irakatsiaz
mundu berri ta hobea
Euskara ikur nagusi
bihotz barnean gordea
Jakin duena bereizten
garoa eta otea
Guretzat utzi duena
euskalgintzaren dotea
Jakintzaren baratzean
paregabeko lorea

Arraterentzat

Jakintzaren baratzean
urte luzeetan jarduna
haurren irria ureztatuz
argi izan edo iluna
Jatortasuna ereinez
pasatzen zenun eguna
Ttakun-ttakun datorkizu
erretretan oihartzuna
Ametsen itsaso hortan
goza ezazu laguna
olatu onenak hartuz
surflari trebeen modura
ta ez ahaztu sekula
esan behar dizuguna
pila maite zaitugula
gure Arrate kuttuna

Mikelentzat

Tekno ta mate irakatsiz
modurik atseginean
Zutabe distiratsua
zientzien jardunean
Mikel lan hoiek utzita
aro berrian sartzean
Familia ta baratza
edo erleak zaintzean
Urteak bizitzaz bete
goza une bakoitzean
Ikasleen maitasuna
gorde bihotz barrenean
Gurea ere baitoa
haienen aldamenean
Ezti gozoa ekarriz
etorri nahi duzunean

BIDEOA

ARGAZKIAK

Jakintza Dantza Taldeak eta Hitzaro Euskara Elkarteak antolatuta eta Ordiziako Udalak lagunduta, “Dantza Ikastaro” bat burutuko da larunbatero Milagrosan arratsaldeko 15:30etatik 17:00etara.

Matrikula: 35 euro (azken eguna: martxoak 16)

Izen ematea: Hitzaron (943162366 edo hitzaro@gmail.com)

Ikastaroa martxoaren 20an hasiko da eta aurreikusita dago maiatzaren 29an amaituko dela. Beraz, interesatuta baldin bazaude, badakizu, lehenbailehen izena eman, espartinak armairutik atera eta oinak arindu. Anima zaitez!!!

Bada jada denboraldi bat, gurasoekiko komunikazioa eta harremana hobetze aldera, ikastolako oharrak posta elektronikoaren bidez bidaltzeko asmoa agertu genuela.

Egia esateko zailtasun dezente izan ditugu eta uste baino gehiago luzatu zaigu pentsatutakoa martxan jartzea. Oraintxe hasi berriak gara gure oharrak posta bidez zuei helarazten eta jakin badakigu hasiera honetan izango direla arazo bat baino gehiago. Poliki poliki eta denon laguntzarekin espero dezagun, aurrerantzean normaltasun osoz egitea posta bidezko komunikazioa.

Hori esanik, beste bi gauza komentatu nahi dizkizuegu. Alde batetik, zuen posta elektronikoa sarri sarri begiratu behar duzuela, bestela arriskua dago atzerapen handiarekin jasotzeko gure mezuak. Bestetik, posta elektronikoa, tresna ezin hobea da zuengandik sortzen diren oharrak, mezuak edo ekarpenak ikastolari helarazteko. Horretarako nahikoa duzue ikastolako posta helbide hau ikastola@jakintza.net erabiltzea.

Hace ya bastante que se decidió usar el correo electrónico para mandar las notas y avisos de la ikastola con la intención de mejorar la comunicación entre vosotr@s, padres/ madres y la ikastola.

En realidad, hemos tenido bastantes dificultades y nos hemos retrasado más de lo que esperábamos. Acabamos de empezar a mandar las notas y avisos por e-mail y somos conscientes de que todavía tendremos algún que otro problema. Esperamos que poquito a poco y con la colaboración de tod@s, conseguiremos una buena comunicación.

Por lo tanto, os agradeceríamos revisarais vuestro correo electrónico bastante a menudo para que os lleguen los avisos a tiempo, sin retraso. Por último, animaros a usar el correo electrónico ikastola@jakintza.net para hacernos llegar vuestros avisos, mensajes o aportaciones.

Urtero legez, Euskaraz Bizi Eguna herriko txoko eta bazter guztietara eraman dugu. Egun honekin, gure ikastolak Ordiziako kale, denda eta txoko guztietara euskararen aldeko aldarrikapen garbia eraman nahi du: Euskaraz Bizi nahi dugu!!!

Gaur goizean zuzeneko emisioa eskaini dugu web orri honetan bertan eta horretaz gain, argazki sorta handi bat eta beste bideo bat ere ekoiztu dugu. Horiek guztiak jarraian ikus ditzakezue.

ZUZENEKO EMISIOKO BIDEOAK

ARGAZKIAK:

BIDEOA:

Datorren otsailaren 12an, ostiral arratsaldean, EUSKAL INAUTERIAK ospatuko ditugu.

Hona hemen nola mozorrotuko garen eta maila bakoitzak dantza non egingo duen:

Desfilea:

Olano parean elkartuko gara 15:00etan desfileari hasiera emateko eta amaiera Barandiaran plazan izango da, 16:30ean. Gogoratu haurrak bertan jaso beharko dituzuela.

Ibilbidea ondorengo hau izango da:

Villa Eugenia – Filipineta kalea – Fray Andres – Kale Nagusia – Santa Maria kalea – Barandiaran Enparantza.

Amaieran merienda goxoa izango da Barandiaran enparantzan: guztiontzat txokolate beroa!

Oharra: Eguraldi txarra eginez gero LHkoek ospakizuna frontoian egingo dute eta HHkoek Villa Eugenian ospatuko dute 15:15ak aldera.

Datorren asteartea, otsailaren 9an gure Ikastolan Euskaraz Bizi Eguna ospatuko dugu. Goiza Ikastolako eraikinetatik kanpo igaroko dugu herrian zehar, “EUSKARA GURE ALTXORRA” lemapean, gure hizkuntza eremu ezberdinetan erabiltzen: jolasean, erosketak egiten, ikuskizunez gozatzen, ondo pasatzen …

Horretarako egitaraua prest dago jadanik, baita Mertxe Aizpuruak egindako horma-irudia ere, egun horretan herriko denda eta txoko guztietan banatuko duguna.

Asteartean, 09:50etan abiatuko gara Saninazioko eraikinetik eta Plaza Nagusian bilduko gara Haur Hezkuntzako txikitxoekin jaiari hasiera emateko. Bertan Manuk hitz batzuk esango ditu eta horrela emango diogu hasiera jaiari.

Hasierako hitz hauen ondoren herrian zehar sakabanatuko gara:

• Lehen Hezkuntzako 1. eta 2. mailako ikasleak Plaza Nagusian geldituko dira jolasean.
• Bigarren ziklokoak berriz, Frontoira abiatuko dira Herri Kiroletan aritzeko, DBH4ko ikasle talde batekin.
• Hirugarren ziklokoek erosketak egingo dituzte herriko dendetan, aurretik, etxean bete beharko dute zerrenda, behar dutena bakarrik erosteko. Hauek ere laguntzaileak izango dituzte lan horretarako, DBH3ko ikasleak.
• DBH 1 eta 2ko ikasleek gure aurtengo mezua zabalduko dute herrian zehar, “EUSKARA GURE ALTXORRA”. Denda, bulego eta txoko ezberdinetan Ikastolak atera duen horma-irudia eta egutegiak banatuko dituzte.
• Haur Hezkuntzako ikasleak, DBH4ko ikasleekin batera, erosketak egingo dituzte arratsaldean merienda goxoa egiteko.

Taldeak herrian zehar ibili ondoren, 11:30etan Plaza Nagusian elkartuko dira berriro, Izaro pailazoaren ikuskizunez eta gure Ikastolako abesbatzak eskainiko dituen abestiez gozatzeko.

Festa TTIPI-TTAPA NATOR NI Argitxoren abestia kantatzen amaituko dugu, beraz, ondo ikasi. Eta ez ahaztu, egun horretan Ikastolako txandala eta Argitxoren bisera jantzita ekarri.

DBH 3 eta 4 ikasleek pilotalekuan emango diote bukaera festari kirola eginez.

Urtero bezala, urte sasoi honetan matrikulazioa burutzeko epea zabaltzen da derrigorrezko ikasketen adinean dauden neska-mutilentzat. Gure ikastolaren proiektua gertutik ezagutzeko antolatu ditugun bileren informazio guztia jarraian irakur dezakezue.

Como todos los años, en esta época del año llega la hora de realizar la matriculación para todas l@s niñ@s en edad de educación obligatoria. A continuación, os ofrecemos los detalles sobre las reuniones que hemos organizado para conocer de cerca nuestro proyecto.

Aurrematrikulazio epea / Plazo de prematriculación: otsailaren 1etik-12ra / del 1 al 12 de febrero
Informazio bilerak / Reuniones informativas: otsailaren 3an / 3 de febrero

• 17:00etan euskaraz / a las 17:00 en euskara
• 18:30ean gazteleraz / a las 18:30 en castellano
• Haurtzaindegi zerbitzua izango da / Habrá sevicio de guardería

Gurekin elkarrizketatu nahiko bazenu edo gure proiektua bertatik bertara ezagutu nahiko bazenu, prest gauzkazu eta atsegin handiz egingo genuke. Aldez aurretik gurekin harremanetan jarri hauetako bideren bat erabiliz:

En caso de querer entrevistarse o conocer directamente nuetro proyecto, estamos preparad@s y lo haremos gustosamente. Previamente, háznoslo saber usando cualquiera de las siguientes opciones:

• Harremanetarako formularioa betez / Rellenando el formulario de esta web
• Posta elektroniko honetara mezu bat bidaliz / enviando un correo a esta dirección: ikastola@jakintza.net
• Telefono hauetara dei eginez / Llamando a cualquiera de estos teléfonos: 943 16 05 40 (11 luzapena) edo 943 16 16 76
• Faxez / Fax: 943 16 07 90

Eta erabakia garbi baldin baduzu, azpiko formularioa bete dezakezu aurre-matrikulazioa burutzeko. Ahalik eta azkarren harremanetan jarriko gara.

Y si la decisión la tienes lo suficientemente clara, puedes rellenar el formulario de la parte inferior para realizar la pre-matrícula. Nos pondremos en contacto lo más rapidamente posible.

cforms contact form by delicious:days

Aurtengo matrikulazioari buruz argitaratu dugun guztia.

Todo lo publicado sobre la matriculación de este año.

Urtero legez, usadioari eutsiz, gure Lehen Hezkuntzako ikasleekin Ordiziako kaleetara atera gara. Tarteka euriak bisita egin digun arren, eguraldia nahiko ongi portatu dela esan dezakegu. Giro bikaina bizi izan dugu Ordiziako kaleetan eta gure ikasleak pozik aritu dira. Gures ustez, hori ikusita, Olentzero oso zintzoa izango da beraiekin eta zoriontasuna eramango du etxe guztietara. Hala bedi!!!

Atzo esan genizuen bezala, zuzeneko emisioa prestatuta genuen zuei guztioi eskaintzeko. Telefono baten kamararekin burutu behar genuen eta halaxe egin dugu, baina lehen aldia izanik, hankasartze txiki bat izan dugu eta emisioa beste kanal batetik atera zaigu eta ez guk aurreikusita genuen kanaletik. Beraz, zuzeneko emisioa atera, atera da, hori bai, okerreko bidetik.

Nolanahi ere, eta horrelakoak saihestu nahirik, zuzeneko emisioko bideoak Youtuben gorde ditugu eta bideo-kamararekin grabatutako bideo eta argazkien azpian jartzen dizkizuegu.

BIDEOA

ARGAZKIAK

ZUZENEKO EMISIOKO BIDEOAK

Iazko ikasturtearen amaieran, Gipuzkoako Foru Aldundiko arduradunak gure ikastolarekin harremanetan jarri ziren sarean duten Gipuzkoa Telebistarako erreportaje txiki bat egiteko. Software librea hezkuntzan zen jorratu nahi zuten gaia eta gure ikastolak eginiko ibilbidea, Elgoibarko IMH Makina Erremintaren Institutua eta EHUko Informatika Fakultatearekin batera, islatu nahi omen zuten.

Denbora luze igaro bada ere, dagoeneko argitaratu dute bideoa euskaraz nahiz gazteleraz.

BIDEOA EUSKARAZ

A finales del pasado curso, responsables de la Diputación Foral de Gipuzkoa se pusieron en contacto con nuestra ikastola con la intención de elaborar un pequeño reportaje para Gipuzkoa Telebista, la televisión online de la Diputación. Software libre en educación era el tema que querían tratar y para ello querían conocer el recorrido de nuestra ikastola en el tema del Software Libre junto con el Instituto de Máquina Herramienta de Elgoibar y la Facultad de Informática de la UPV.

Aunque se haya hecho esperar , ya tenemos el video en la red y con versiones en castellano y euskara.

BIDEOA GAZTELERAZ

Urteari agur esteko unea iritsi da ikastolara eta giro bikain batean murgildu gara goiz osoan zehar hori ospatzeko. Ikastalde ezberdinak kidetutako taldeekin elkartu eta era askotako jarduerak burutu dituzte: zirkoa, altxorraren bila, kirol jarduerak, jolas tradizionalak, lehiaketak, ikuskizunak…

Ikasgela ezberdinen artean burutzen diren kidetze jarduera hauekin, maila eta adin ezberdinetako ikasleen arteko bizikidetza eta ikasleen erantzukizuna eta ardura sustatzeaz gain, euskararekiko konpromisoa ere indartzea dugu helburu. Ikasle helduek, burutu nahi dituzten jarduerak prestatu eta antolatzeaz arduratu, euskararen erabilera sustatzeko estrategiak zehaztu eta saio erakargarria burutzeko ahalegin guztiak egiten dituzte. Emaitza, nola ez, ia beti bikaina izaten da eta, gaurkoan, txorixo ogitartekoaz lagunduta, ez da gutxiago izan.

Lehen Hezkuntza eta Bigarren Hezkuntzako ikasleek giro bikaina bizi badute, txori batek esan digunez, Villa Eugeniako ikasleek zorte hobea izan omen dute. Izan ere, Olentzero Jauna bertatik pasatu da eta opari ugari utzi omen ditu. Guk hori ikusteko aukerarik izan ez dugunez, Haur Hezkuntzan egon direnei utziko diegu han gertatukoa beste mezu batean konta dezaten.

Momentuz, Saniazion ateratako argazkiekin uzten zaituztegu.

ARGAZKIAK