Aurreko astean, Lehen Hezkuntza, DBH eta Batxilergoko gurasoentzat bi saio antolatu ziren “Teknologia, ikaskuntza, sare sozialak…” bezalako gaiak jorratuz eta, aste honetan, bi saio horien jarraipena izango dugu. Gainera, Haur Hezkuntzako gurasoen txanda ere iritsi da, ostegunean hasiko baitira bizikidetzari buruz antolatutako saioak.

Antolatuta dauden saio guztien egitarauak jaitsi nahi izanez gero, jarraian horretarako aukera eskaintzen dizuegu:

EGITARAUAK JAITSI

• DBHko egitaraua (PDF 1 Mb)
• LHko egitaraua (PDF 1 Mb)
• HHko egitaraua (PDF 1,4 Mb)

Saioen kronologia errespetatuz, honako hau izango da aste honetan izango dugun egitaraua:

Bigarren saioa (Martxoaren 8an, astelehena, DBHkoentzat eta 9an, asteartea, LHkoentzat)

Ordua: 18:00etan

Tokia: Saninazioko Areto nagusian

Hizlariak: Jokin Lacalle (astelehenean) eta Mikel Etxarri (asteartean)

• Planteatzen zaizkigun egoera / arazo berriak

• Arazo / egoera berriak

• Identitate digitala:

• Zer da?

• Zer garrantzia du?

• Nola eraikitzen da?

• Komunikazioa / inkomunikazioa

• Bazterketa / Integrazioa

• CiberBullying

• …

• Nola jokatu?

• Gurasoen erantzukizuna

• Etxerako arauak / gomendioak

HAUR HEZKUNTZAKO GURASOENTZAT

BIZIKIDETZA

Lehen saioa (Martxoaren 11n, osteguna)

Ordua: 18:00etan

Tokia: Villa Eugenian

Hizlaria: Beatriz Ezeiza

Une honetan, eskolaren erronketako bat harreman hobeak bilatzea eta sortzea da. Bizikidetza positiboa ez da bat batean sortzen, gizarteak eta taldeak eraiki behar baitu. Gutxieneko baldintza sozial eta instituzional batzuk behar ditu, askoren artean lortutako akordioaren eta adostasunaren emaitza delako. Hori dela eta, gure ikastolan ahalegin berezi bat egiten ari gara hori jorratzeko eta antolaturiko saio hauek, horren lekuko garbi bat baino ez dira.

EGITARAUA

Zer da bizikidetza?

• Zergatik du gaur egun horrenbesteko garrantzia?
• Bizikidetza egoki bat izatearren haurrak hainbat arau barneratu behar ditu. Zergatik eta zertarako?
• Zeintzuk balore bereganatu beharko lituzke ikasleak besteekin bizitzen ikasteko?
• Egunerokotasunean edozein gatazken aurrean aurkitzen garenean, emozioen identifikazio eta erregulazioaren garrantzia,Hainbat teknika.
• Gatazken konponketarako osagai garrantzitsuenak:
  • Trebetasun sozialak
  • Entzute aktiboa
  • Kontzientzia soziala edo enpatia.
  • Elkarrizketa
  • Asertibitatea
  • Hainbat gatazka konpontzeko prozesua

La pasada semana, organizamos dos sesiones sobre temas como “Tecnología, aprendizaje, redes sociales…” para las familias de Primaria, Secundaria y Bachillerato y esta semana tendrán continuación con otras dos sesiones. Además, llega el turno para las familias de Educación Infantil ya que este jueves a las 6 de la tarde comenzará la primera sesión organizada sobre el tema de la convivencia.

Si deseais descargar los programas de las sesiones, a continuación tenéis la opción:

DESCARGAR PROGRAMAS

• Programación de ESO-Bachillerato (PDF 1 Mb)
• Programación de Primaria (PDF 1 Mb)
• Programación de Infantil(PDF 1,4 Mb)

Respetando la cronología de las sesiones, este es el programa de esta semana:

Segunda sesión (8 de marzo, lunes, para ESO y 9 de marzo, martes, para Primaria)

Hora: 18:00

Lugar: Salón de actos de San Ignacio

Ponentes: Jokin Lacalle (lunes) y Mikel Etxarri (martes)

• Situaciones y problemas nuevos
• Identidad digital
• Integración, incomunicación…
• Ciber Bullying
• Papel y responsabilidad de los padres y madres
• Recomendaciones

PARA LAS FAMILIAS DE EDUCACIÓN INFANTIL

CONVIVENMCIA

Primera sesión (11 de marzo, jueves)

Hora: 18:00

Lugar: Villa Eugenia

Ponente: Beatriz Ezeiza

En estos momentos, uno de los retos de la escuela es buscar una mejor convivencia, pero la convivencia positiva no surge de manera espontánea, es la sociedad y sus grupos quienes la deben generar. Para ello, son necesarias un mínimo de condiciones tanto sociales como institucionales ya que para un buen fruto es preciso el acuerdo de much@s. Es por ello por lo que la ikastola está haciendo un esfuerzo especial para desarrollar dicho tema y estas sesiones son un claro ejemplo de ello.

PROGRAMACIÓN

¿Qué es la convivencia?

• ¿Porqué tiene tanta importancia?
• Para una correcta convivencia se deben interiorizar unas normas. ¿Porqué y para qué?
• ¿Qué valores hay que interiorizar para aprender a convivir?
• Ante cualquier conflicto de la vida cotidiana, identificar y regular las emociones. Técnicas.
• Componentes principales de la resolución de conflictos:
  • Habilidades sociales
  • Escucha activa
  • Conciencia social o empatía.
  • Diálogo
  • Asertividad
  • Proceso de resolución de conflictos

Gaur goizean, LH 5. mailako ikasleak eta irakasleak, udalak luzatutako “Zuhaitz eguna” ospatzeko ekintzaren gonbitera joan gara. Eguraldia bikain portatu da gurekin eta oso goiz ederra pasatzeko aukera izan dugu.

Orexa parkeko lorategian, Santa Amalia kaleko etxe parean, ilara batean gorostiak landatu ditugu. Denak, zuhaitz emeak ziren, hazi gorriak baitzituzten.

Gure lana erraztearren, joan aurretik, herriko lorategiko langileek zuloak eginda zituzten eta behar genuen materialak prest zituzten. Gure lana hauxe izan da: landarea zuloan sartu, alboetan zegoen lurra aitzurraz puskatu eta zuloa betetzen joan, ondoren ondo zapaldu.

Hemendik aurrera, gure konpromisoari eutsiz, landatutako zuhaitzen haziera zainduko dugu.

Gaur goizean ateratako argazki bilduma ere jartzen dizuegu.

Asteburu zoragarria gure mendizaleek Somporten eskiatzen igaro zutena. Euren blogean hango argazkiak eta kronika argitaratu dute eta hona dakarkizuegu.

Ez zebilen inor asko larunbat goizeko seiak aurretik Ordiziako kaleetan. Ordurako, Arboledako inguruan aparkatuta zeuden bi autobusetara pixkanaka hurbiltzen hasiak ginen Jakintzako mendizaleok, loaren besoetatik erabat askatu gabe gure begiek ikusten zutena sinistu ezinik, kaleetako argien gainetik negu honetan asko agertu ez diren izarrak sumatzen baitziren.

Seiak eta laurden izango ziren, bi autobus ehun lagunen ilusioz kargaturik herritik atera zirenean. Ekialdera bidaiatuz egunsenti dotore batez gozatu ahal izan genuen, gainezka zegoen Esako urtegiaren inguruan.
Eguna ez zen berdin argitu ordea bazter guztietan, hodeiak mendietan trabatuta zeuden eta Somporten espero ez genuen eguraldia topatu genuen. Dena den, etsipena ahaztu eta berehala ekin genion taula gainean harantz eta honantz ibiltzeri eta azkenean ederki pasa genuen elurretan eguraldiak hobera egin zuen eta.

Iluntzean Jacako kaleetan zehar bueltatxo bat egiteko denbora ere hartu genuen eta afaldu ondoren bat baino gehiago loak harrapatu zuen oheratzeko denborarik hartu gabe.

Elurrak eta haize-bolara zakar eta bortitzak izan ziren igandeko protagonistak eta nahiko zapuztu ziguten eguna. Batzuek kanpora irten orduko itzuli ziren barrura, bestek bueltatxo bat eman ondoren etsi genuen eta gutxi batzuk oraindik han ibiliko ziren beraiengatik izan balitz.

Halakoa da mendia eta dan bezala maite dugu, horregatik, Pirinioetara hurrengo txangoa prestatzeari ekin diogu ilusioz beterik eta izen emateko epea zabaldu dugu.

Aurrekoan bezala, parte hartu nahi duzuenok blog honetan izena eman beharko duzue. Hemen edo alboko txartelean klikatu eta azalpen gehiago izango dituzue.

Datorren astelehenean, hilaren 1ean, arratsaldeko 6:00etan Saninazioko Areto Nagusian, DBHko gurasoentzat antolaturiko lehen hitzaldia ospatuko dugu. Hurrengo egunean, hilaren 2an, LHko gurasoen txanda izango da.

Teknologia Berriak, jada ez dira horren berriak. Gure egunerokotasunaren parte bat bilakatu zaizkigu eta gure seme-alabak beraiekin jaio dira. Jaiotzez digitalak dira. Etorkizunean, teknologia horiek eta iritsiko direnak bultzatuta, gure seme-alabek topatuko duten errealitate berriaren aurrean, gurasook badugu zer esan eta zer egina. Asmo horrekin, bi hitzaldi antolatu ditugu ondorengo egitaraua dutelarik:

EGITARAUAK JAITSI

• DBHko egitaraua ( PDF 1 Mb)
• LHko egitaraua ( PDF 1 Mb)

Lehen saioa (Martxoaren 1a DBHkoentzat eta 2a LHkoentzat)

• Hitzaldi hauen zergatia

• Azken urteetako eboluzioa:

• Gizartean

• Hezkuntzan

• Interneten

• XXI. Mendeko gizartea

• Behar berriak

• Lan egiteko eredu berriak

• Informazio eta ezagutza eraikitzeko bide berriak

• Komunikazio aukera berriak

• …

• Egungo egoera

• Gure errealitatea ezagutzen

Bigarren saioa (Martxoaren 8a DBHkoentzat eta 9a LHkoentzat)

• Planteatzen zaizkigun egoera / arazo berriak

• Arazo / egoera berriak

• Identitate digitala:

• Zer da?

• Zer garrantzia du?

• Nola eraikitzen da?

• Komunikazioa / inkomunikazioa

• Bazterketa / Integrazioa

• CiberBullying

• …

• Nola jokatu?

• Gurasoen erantzukizuna

• Etxerako arauak / gomendioak

Hitzaldi hauen hizlariak IKT munduan eskarmentu handia duten eta gure ikastolako irakasleak diren Jokin Lacalle eta Mikel Etxarri izango dira. Jokin izango da DBHko hitzaldien ardura eramango duena eta Mikel Lehen Hezkuntzakoa.

Gaiak, gure seme-alaben oraina eta etorkizunerako, duen garrantzia aintzat harturik, guraso guztiak animatu nahi ditugu saio hauetara etor daitezen.

Berriro ere, gure mendizaleen kronika batekin gatoz. Ikusiko duzuen bezala, gure mendizale ausart hauek ez dira erraz kikiltzen diren horietakoak eta elurra eta izotzari aurre eginez, igandean ez zuten barkatu eta Arabako lautada izoztuaren barrena ibili ziren. Horra hor eguneko kronika:

Igandean, Olano mendira igotzeko asmoak elurraren erruz zapuztu zitzaizkigun, baina ordainetan edo, lautada izoztuaz gozatzeko aukera izan genuen. Asparrena udalerriko Egino eta Araia arteko zelai zabalek Siberia aldeko paisaien antza zuten:

Burruntziak nonahi eta antzigarra zuhaitzetako adarretara itsatsita. Abereak eta basapiztiak buru makur, apal, gosez eta hotz, muturren aurrean pasatzen zihoan “hankabidunen” taldeari begira. Tropel koloretsu hartako txikienen jolasgura ulergaitz izango zuten.

Haurrak eta otsokumeak elurra pozez hartzen duten bakarrak direla aspaldi entzun nuen…

Bideoa:

Argazkiak:

Asko gustatu zaigu Goierri Telebistak Ordiziari buruz eskaintzen digun bideoa eta hori dela eta, hona ekartzea erabaki dugu. Gainera, gure herria aurkezteko aukeratutako Eñaut Gereñu, gure ikasle ohia izanik, ez dugu ezkutatuko ilusio handia egin digula eta harrotasun puntu bat ere sentiarazi digula.

Goierri telebistak bideoa txertatzeko koderik eskaintzen ez duenez, bideo jaitsi eta beste gune batera igo dugu hona ekartzeko eta zuen esku jarri ahal izateko.

Bideo honetan, Eñautek duen ikuspegitik, Ordiziako txokoak, ezaugarriak, ohiturak… azaltzen dizkigu. Ea zuei guri bezain beste gustatzen zaizuen.

Eguraldiak bat ere lagundu ez duen arren, urtero bezala, euskal inauteriak Ordiziara iritsi dira Jakintza Ikastolaren eskutik. Hotzak, elurrak, hezetasunak eta giro desatseginak ez dute lortu gure ikasleen animoa zapuztea eta, azkenean, emanaldi politak eskaini dizkigute bai Haur Hezkuntzako ikasleek baita Lehen Hezkuntzakoek eta DBH 1ekoek ere.

Lehen Hezkuntzako ikasleak Beti Alai frontoian aritu dira eta Haur Hezkuntzakoak Villa Eugeniako barruko jolastokian. DBH 1eko ikasleen Akelarrea, berriz, bi emanaldietan ikusteko aukera izan dugu.

Zakuzaharrak, Miel-Otxin, Sorginak, Txorimaloak, Kotilungorriak, Baserritarrak, Iñudeak eta artzainak, Luzaideko bolantak, Txori-izugarriak, Abaltzisketako txantxoak, Joaldunak… denak bikain aritu dira eta bildutako ikusleen errekonozimendua jaso dute txalo zaparrada beroen bitartez. Gure ikasleen ahalegina eta ilusioa ez zen gutxiagorako. Zorionak guztiei!!!

Grabatutako bideo eta argazkiekin uzten zaituztegu.

Bideoa:

Bideo hau Full HD kalitatean ekoiztu eta igo dugunez, kalitate osoz ikusteko, “Play” botoia sakatu eta gero, erreproduzigailuaren barraren eskuinaldean “360p” agertzen dela ikusiko duzue. Bada, sagua bere gainean jartzerakoan, beste aukera batzuk agertzen direla ikusiko duzue. Zenbakia zenbat eta altuagoa orduan eta kalitate hobea. Hori bai, bideoa kargatzeko ere zenbat eta kalitate handiagoa orduan eta denbora gehiago bideoa kargatzeko. Konexio ona baduzue edo denbora baduzue, merezi duelakoan gaude. Pantaila osoan jarri eta gozatu!!!

Goierri Telebistak argitaratu duen bideoa:

Goierri Telebistaren web orrian argitaratu duten bideoa

Argazkiak:

Ekitaldi bikaina burutu zuten Jakintzako ikasleek Donostiako nazioarteko kros ospetsuan, era berean, Gipuzkoako txapelketa izan zena. Bai bakarka eta bai taldeka emaitza ikusgarriak lortu zituzten txapela ugari lortuz. Garaipenez gain azpimarratzekoa ere ikastolan krosen eta atletismoaren inguruan sortzen ari den giroa, non bakarkako kirola izanik gure ikasleek taldearekiko duten konpromisoa guztiz azpimarragarria den, Gipuzkoako ikastetxeen artean aitzindari bihurtuz.

Horra hor gure ikasleek lorturiko emaitza bikainak:

Sailkapenak:

Alebin emakumeak

1. Ane Iribarria; 12. Paula Razkin; 13. Ihintza Mendizabal; 16. Aizpea Oiarbide; 17. Ane Garmendia; 23. Dorleta Oiharbide; 31. Lide Urrestarazu; 36. Maitane Perez; 58. Leire Garmendia; 59. Olatz Esnaola

Ikastetxeen sailkapena: Jakintza ikastola Ordizia txapeldunak

Alebin gizonak

8. Xabier Zabala; 10. Iraitz Garmendia; 30. Bingen Erauskin; 38. Xabier Muriel; 59. Jon Unanue

Ikastetxeen sailkapena: Jakintza ikastola Ordizia txapeldunak

Infantilak emakumeak

1. Ana Samaniego

Infantil gizonak

9. Adel Ben Liloud; 12. Jon Rodriguez; 21. Iñigo de Juan; 32. Iker Unanue;

Ikastetxeen sailkapena: Jakintza hirugarrenak

Kadete gizonak

6.Markel Samaniego de Juan

Jubenil gizonak

6. Iñigo Jauregi; 28. Iñigo Etxarri

Junior gizonak

2. Unai Cobos

Zorionak parte-hartzaile guztiei eta hau guztia aurrera ateratzea lagundu duzuen guztioi.

Orain, egun horretan ateratako argazki batzuekin uzten zaituztegu.

Urtero legez, Euskaraz Bizi Eguna herriko txoko eta bazter guztietara eraman dugu. Egun honekin, gure ikastolak Ordiziako kale, denda eta txoko guztietara euskararen aldeko aldarrikapen garbia eraman nahi du: Euskaraz Bizi nahi dugu!!!

Gaur goizean zuzeneko emisioa eskaini dugu web orri honetan bertan eta horretaz gain, argazki sorta handi bat eta beste bideo bat ere ekoiztu dugu. Horiek guztiak jarraian ikus ditzakezue.

ZUZENEKO EMISIOKO BIDEOAK

ARGAZKIAK:

BIDEOA:

Datorren otsailaren 12an, ostiral arratsaldean, EUSKAL INAUTERIAK ospatuko ditugu.

Hona hemen nola mozorrotuko garen eta maila bakoitzak dantza non egingo duen:

Desfilea:

Olano parean elkartuko gara 15:00etan desfileari hasiera emateko eta amaiera Barandiaran plazan izango da, 16:30ean. Gogoratu haurrak bertan jaso beharko dituzuela.

Ibilbidea ondorengo hau izango da:

Villa Eugenia – Filipineta kalea – Fray Andres – Kale Nagusia – Santa Maria kalea – Barandiaran Enparantza.

Amaieran merienda goxoa izango da Barandiaran enparantzan: guztiontzat txokolate beroa!

Oharra: Eguraldi txarra eginez gero LHkoek ospakizuna frontoian egingo dute eta HHkoek Villa Eugenian ospatuko dute 15:15ak aldera.