2010-2011 ikasturterako Ikastolen Elkarteak argitaratutako ikasmaterialen katalogoa jada kalean da eta hemen jartzen dizuegu ikusteko edo jaisteko aukera izan dezazuen.

2010-2011 ikasturteko ikastolen Ikasmaterialen katalogoa jaitsi (PDF 3Mb)

Katalogoa ikusteko, klikatu irudian

Igande honetan, maiatzaren 9an, Senpereko aintziran iparraldeko ikastolen aldeko jaia ospatuko da. Eguraldia kaskarra badugu ere, ziur iganderako atertu eta berotuko duela. Gutxienez, horixe da gure desioa. Izan ere, denok dakigun bezala, iparraldeko ikastolen egoera ez da nahiko genukeen bezain ona eta guztion laguntza ezinbestekoa dute aurrera egiten jarraitu ahal izateko.

Bertara joateko asmoa duenak, mezu honetan esan genizuen bezala, autobusa antolatuta dago. Momentuz, bertara joateko behar duzuen informazio guztia jartzen dizuegu:

ABESTIA

Abestia entzun edo jaitsi beheko estekan klik eginez.

Herri Urrats 2010 – Kanta

Euskara mihian, irria begian !

(Hitzak : Eztitxu Oillarburu / Bost gehio eta Mikel Hats )
Bost gehio eta Mikel hats

KANTAREN LETRA

Hemen ahotsek kantu han zangoek fandango,
Jendeak solasean euskaraz nahiago,
Ikurriñak airean,
Aintzirako aldean,
Aurten ere bagira Herri Urratsen frango,
Senpere airos dugu nehoiz baino gehiago.

Atzo ikastola zen gurasoen ametsa,
Hainbat urtez eraman zuten proiektu gaitza,
Baina elkartasunez,
Esperantza ukanez,
Gauzatzen lortu zuten miresten zen emaitza,
Hauei esker euskaraz gaur ikasten gabiltza.

Gazte xuti, bada lan, oraindik elgarrekin,
Etengabe gainditzen diren oztopoekin,
Gure eskutan doa
Euskaldunon geroa
Hizkuntza erabiliz adin guziek berdin
Belaunaldiz jauzika euskara bizi dadin !

Errepika:
Herria bihotzan atxiki nahian
Bizi, hazi, euskara mihian ta irria begian

BIDEOA

EGITARAUA

ARABA

• 10H Katalanak
• 11H Herri Kirolak
• 12H30 Mutxikoak
• 13H30 Herri Urrats kantuz
• 15H La mal coiffée
• 16H30 Bizardunak
• 18H Xutik

GIPUZKOA

• 10H Poliki
• 10H30 ASCA
• 11H30 Poliki
• 12H KSI
• 13H Dantzaz
• 14H30 Ander Lipus
• 15H Capoeira liberdade
• 16H30 Tipul eta putil

LAPURDI

• 10H Bertsolariak
• 11H Pil Pil
• 12H Mikel hats
• 13H30 Xabier San Sebastian
• 15H Garen
• 16H Jean Mixel Bedaxagar – Mixel Aroce
• 16H30 Abolicao Capoeira
• 17H Salsa berde

NAFARROA

• 10H Bostgehio
• 11H Bertsolariak
• 11H30 Sorotan Babies
• 13H Anari
• 14H30 Mutxikoak
• 15H30 Zea Mays
• 16H30 Abolicao Capoeira
• 17H30 Zezenaren taldea

HAURREN XOKOA

• 11,00 : Oinak arin
• 12,00 : bertsolari gazteak
• 14,00 : Goloka park
• 15,00 : Kiki Koko Moko

IBILBIDEAN ZEHAR

• Zo-Zongó
• Hankaluzeak
• Ziganteak
• Txarangak
• Dantza taldeak

IBILBIDEA

Aurtengo ekitaldia ate joka dugunez, jakin ezazue maiatzaren 9an, igandez, ospatuko dela iparraldeko ikastolen festa. Urtero legez, leku paregabean, Senpereko aintziraren bueltan elkartuko gara milaka eta milaka lagun. Aspaldiko errealitatea denez ikastolen arteko elkarlaguntza, aukera paregabea dugu igandean, iparraldeko ikastolei gure elkartasuna luzatzeko.

Maiatzaren 9ko ekitaldira joateko erraztasunak eman asmoz, eta behar adina jende bilduko balitz, autobusa antolatuko genuke Lazkaoko San Benito ikastolarekin batera. Autobus zerbitzua nahi duzuenok, ikastolako bulegoan hartu behar dituzue txartelak. 10 euro kostako da autobusa. Jakin ezazue maiatzaren 4ean amaitzen dela txartelak jasotzeko epea.

Bestalde, Herri Urratseko antolatzaileek adierazi digute jendearen beharra dutela aurtengo lanak aurrera ateratzeko. Aipatu digute, goizeko 11:00etatik-14:30etara txosnatan, zikiroa banatzeko jendearen premia dutela. Zuetako norbait prest balego horretarako, ikastolako bulegoan izena eman besterik ez dauka (943160540 telefonoan), maiatzaren 7a baino lehen.

El 9 de mayo, domingo, se celebrará una nueva edición de Herri Urrats. Alrededor del lago de Senpere, un año más, se realizarán diversas actividades para ayudar económicamente a las ikastolas de Iparralde. Una ocasión inmejorable para volver a mostrar nuestro apoyo y solidaridad a las mismas.

Para poder acudir a Senpere y en el caso de que se apunte suficiente gente, organizaremos un autobús junto con la ikastola San Benito de Lazkao. L@s interesad@s podréis adquirir los billetes en la secretaría de la ikastola antes del 4 de mayo. El precio del billete es de 10 euros.

Los responsables de la organización del Herri Urrats nos han comunicado que para ese domingo necesitan colaboradores para poder llevar a cabo todas las actividades. En concreto, se necesita gente para el turno de 11:00 a 14:30 de la mañana para repartir comida en las txosnas. Si queréis ofrecer vuestra ayuda a las ikastolas de Iparralde, podéis apuntaros en la oficina de la ikastola (943160540) antes del 7 de mayo.

Aurreko astean, Agurainen ospatuko den “Araba Euskaraz” kanta aurkeztu genizuen. Mezu horretan, kanta horren bertsio ezberdinak eta partiturak ere eskaini genizkizuen.

Bada, oraingo honetan, karaoke bertsioarekin gatozkizue. Gozatu eta praktikatu!!!

Ikastolen Elkarteak hilero argitaratzen duen Ikastola aldizkaria kalean da jada. 180. alea honetan, honako hauek dira jorratzen diren gai nagusiak:

• Elkarrizketa: Frantxua Maitiarekin solasean.
• Erreportajea: Mozorroak ikastolan hasi ziren.
• Araba: Armentia, markak egin dituen ikastola.
• Bizkaia: Bizkaiko hirugarren ikastolarik handiena, arkadia bat.
• Gipuzkoa: Laskorain, ikastola solidarioa.
• Iparraldea: 10. urteurrena ospatuko du aurten Lardizabal kolegioak.
• Nafarroa: Gurasoak aldamioan.

Aldizkaria jaisteko, klikatu azpiko irudian:

Ikastola Aldizkaria 180 (PDF 3,2 MB)

Aldizkaria ikusi:

www.ikastola.net web orritik hartutako informazioa.

AURKEZPENA

Noiz: 2010eko martxoaren 9, 10 eta 11n

Non: Gasteizko Europa Jauregian

Nola iritsi: mapa ikusi

Izen ematea: otsailaren 16tik martxoaren 6ra

Informazio gehiago:

• Arantza Munduate: 944317883
• Belen Baztarrika: 943445108

SARRERA:

Hezkuntza arloko aldeketek eta erreformek ezinbestean joan behar dute berrikuntzara eta hobekuntzara zuzenduak. Alabaina, ez da nahikoa daukagunarekiko desberdina izango litzatekeen errealitate bat irudikatze soilarekin. Ez baldin badugu nahikoa hausnartzen abiatzera goazen aldaketarako bideaz eta izaeraz edota, aurrera urratsa emateko orduan, ez badugu ikusten gai garela bidean jartzen zaizkigun oztopoak gainditzeko eta baldintza egokiagoak ezarriko dizkiguten erabakiak bultzatzeko, zaila daukagu aurrera egitea. Beraz, berrikuntza eta hobekuntza xede duen aldaketa bati ekiteko funtsezko baldintza batez ari gara, eta, gai horretan aditutzat jotzen dugun Michael Fullanek azpimarratzen duen bezala, zera esan dezakegu: “Hezkuntzari begira, ez dago aldaketa funtsezkoagorik norbanakoaren eta erakundearen aldetik aldaketa ulertzeko eta aurrera egiteko gaitasunaren sentimendua lantzea eta hedatzea baino”.

Elkarrekin kateaturik aurkezten ditugun arren, berrikuntzak eta hobekuntzak badute izaera propio eta toki berezitua. Hezkuntza aldatzeko intentzio osoz irakasle batek zein irakasle-talde edo kolektibo batek curriculuma edo antolakuntza aldatzeko asmoz egiten duen prozesu bat da berrikuntza, eta gela da beraren esparru naturala. Hobekuntzak, ordea, aurreikusitako eta planifikatutako aldaketa sistematiko bat adierazten digu, ikastetxe osoak bere egiten duena, hain zuzen; kalitatea hobetzea du xede, eta, horretarako, berrikuntzak eta egokitzapenak eragiten ditu bai irakaskuntza eta ikaskuntza prozesuetan bai ikastetxe horren antolakuntzan ere. Hobekuntzaren esparru naturala, beraz, ikastetxea eta praktika da.

Horrela, bai “berrikuntza” bai “hobekuntza”, biak dira irakasleriaren jardun profesionalaren esku-hartze esparruan sartzen diren planoak eta, ondorioz, arreta berezia jarri beharrekoak. Esan bezala, kateaturik jartzen ditugu, “elkarren menpekoak” baitira, eta, horrexegatik, elkar baldintzatzen dute; kasu batzuetan, sinergiak eragiten dituzte, eta beste batzuetan, ordea, benetako aldaketa konplexuagoa eta zailagoa bihurtuko diguten baldintzak eragiten dituzte. Goian aipatutako Michael Fullan adituaren ustez, mendebaldeko herrialde aberatsetako eskolak hobetzeko arazorik nagusienetakoa ez datza berrikuntzarik ezean, baizik eta epe laburreko eta loturarik gabeko proiektu berritzaile zatikatu eta itxura aldetik ondo jantzitako (kasu batzuetan, hezkuntza administrazioetatik beretatik ere) ugariegi izatean. Horren aurrean, aldaketa sakon eta iraunkorren beharra planteatzen ari gara, benetako hobekuntza ekarriko diguten bakarrak, alegia: ur sakonetan murgiltzen gaituztenak eta hezkuntzan erreferentzia esanguratsua izateko bokazioz sortutakoak.

Jakin badakigu, hezkuntzan, aldaketek denbora hartzen dutela; prozesuak direla, eta ez bat-bateko gertaerak. Prozesua, ez bakarrik aldaketen ezarpen progresiboari begiratuz, baizik eta -eta batez ere- ikasketa-prozesu bat eskatzen dutelako: pentsatzeko eta jarduteko molde berriak ikastea, hain zuzen. Horrek, azken batean, segurtasuna ematen ziguten egiteko moduak eztabaidan jarriz, paradigma berri bat osatzea dakar, jakina, eta horrek norbanakoaren zein taldearen baitan eragiten dituen erresistentziak, nahasketak eta zalantzak ere barnean sartzen dira urrats erabakigarriak ematerakoan.

Baina egoera hori ez da berria gurean. Aspaldi ari gara Ikastolok -betidanik, agian berrikuntza eta hobekuntza bila garamatzan bidean aldaketaren filosofia zeharo barneraturik. Beharbada, egon dira ibilbide luze horretan gai eta une nabariagoak edo azkarragoak. Haietako bat, zalantzarik gabe, azkenaldian abian den Euskal Curriculumaren definizio eta garapen prozesua litzateke, eta horren isla da, hain zuzen, urteroko Jardunaldi Pedagogikoetako azken edizioetan gaiak izan duen presentzia, programaren ardatz bihurtzerainokoa.

Aurtengoan, “Berritu eta hobetu” lelopean antolatzen dugun honetan, konpetentzietan oinarritutako hezkuntzaren ikuspegitik Euskal Curriculuma planteatzerakoan ebaluazioak hartzen duen funtsezkotasunaz jardungo gara; ez bakarrik konpetentziak neurtzeko orduan duen garrantziagatik, baita erakundearen funtzionamenduaren eta emaitzen hobekuntzari neurria hartzerakoan duen garrantziagatik ere. Esan bezala, eredua eta egiteko moduak aldatzera doaz hezkuntzan; are gehiago, aldatzen ari gara, intentzio osoz, gainera. Baina zein irakasle-profil landu behar dugu eredu horrekin lan egiteko? Nolako prestakuntza beharko du, bai egun jardunean ari denak bai biharetziko irakasle belaunaldi berriak ere? Berrikuntzaren aurrean ohitura zaharrak albo batera uzteko eta egiteko modu berriei aurre egiteko behar den ausardiaz ere hitz egingo dugu bertan.

Azkenik, ezinbestekotzat jotzen dugu aparteko gogoeta tarte bat eskaintzea Informaziorako eta Komunikaziorako Teknologiei, aldaketa eta berrikuntza prozesu honetan elkarkide bilakatu eta bitarteko indartsu bezala erabili beharrean baikara teknologiok. Itsaso zabala, benetan, epe motzean mugimendu azkarrak ezagutzen ari dena; itxaropenak eta beldurrak paretsu sortzen dizkiguna, baina, zalantzarik gabe, ukaezinezko potentzialtasuna duena. Horretarako, ezinbestekoa da azpiegitura eta ekipamendu egokietatik harat, irakasleen prestakuntzarekin eta ikasmaterialekin bat datozen eduki digitalak izatea. Bide horretan ere aitzindari gara Ikastolok, eta, datorkigunari aurrea hartuz, badaukagu ortzemugan dakusagun etorkizunari begira aritzeko erronka. Bat gehiago, eta prest gaude. Bidean abiatzean soilik lurrera begiratzen badugu, harriak besterik ez dugu ikusiko; bista altxatuz, ordea, bideari antzemango diogu.

EGITARAUA

ordutegia hitzaldiak / talde lanak hzlariak/ bideratzaileak moderatzailea/ koordinatzailea 9:00-9:15 Harrera. Dokumentazio banaketa. 9:15-9:30 Irekiera ofiziala Koldo Tellitu jn. Ikastolen Elkartea. Lehendakaria Isabel Celaá and. EJ-ko Hezkuntza, Unibertsitate eta Ikerketako Sailburua Imanol Igeregi jn. Ikastolen Elkartea. Zuzendaria. 9:30-10:30 Euskal Curriculumaren garapen-prozesua. EBALUAZIOA. Mikele Aldasoro and. Ikastolen Elkartea. Curriculum arduraduna Xabier Garagorri jn. Ikastolen Elkartea. Aholkulari pedagogikoa Abel Ariznabarreta jn. Ikastolen Elkartea. Hezkuntza zuzendaria 10:30-12:00 Konpetentzien ebaluazioa arazo egoeren bidez. Xavier ROEGIERS jn. Louvain-La-Neuve-ko unibertsitateko irakaslea Jean Mixel Etxegaray jn. Ikastolen Elkartea. Seaskako hezkuntza zuzendaria. 12:00-12:30 atsedenaldia 12.30-13:00 Talde lana. Sorkunde Lekuona and. Haurtzaro ik. Iñigo Orella jn. Andra Mari-Etxarri ik. Montse Alkorta and. Urretxu- Zumarraga ik. 13:00-13:30 Batera jartzea. Abel Ariznabarreta jn. Jean Mixel Etxegaray jn. 13.30-15:00 bazkaria 15:00-16:00 “Nor dira ebaluazioetako emaitzen arduradunak? Balio Erantsiko proposamen baterantz” F. Javier Murillo jn. Irakasleen prestakuntza eta hezkuntza fakultatea. Hezkuntzaren didaktik eta teoria maila. Madrid Itziar Elorza and. Ikastolen Elkartea. Hizkuntz proiektuaren arduraduna 16:00-17:00 PISA, aitzakia gisa. Aukeraren nondik norakoak F. Javier Murillo jn. Cubelles prestakuntza eta hezkuntza fakultatea. Hezkuntzaren didaktik eta teoria maila. Madrid Maria Galdeano and. Ikastolen Elkartea. Ebaluazioa 17:00 Egunak eman duenaren bilduma eta biharamunerako aurreikuspenak Belen Baztarrika and. Ikastolen Elkartea. Jardunaldietako koordinatzailea

ordutegia hitzaldiak / talde lanak hizlariak/ bideratzaileak moderatzailea/ koordinatzailea 9:30-10:00 Irakasle profila. Ikastolen ekarpena. Manu Aurrekoetxea jn. Ikastolen Elkartea. Prestakuntza arduraduna Nagore Amondarain and. Ikastolen Elkartea. Aisia arduraduna 10:00-11:00 Irakaslea berrikuntzaren aurrean. Antonio Rodríguez de las Heras jn. Carlos III de Madrid unibertsitateko irakaslea Irene Lopez-Goñi and. Ikastolen Ellkartea. NIEko pedagogia-arduraduna 11:00-12:00 Etengabeko prestakuntza, jakinduria eta esperientziak partekatzeko gune amankomuna. Monserrat Ventura and. Hezkuntza didaktika eta antolakuntza departamendua. Bartzelonako Unibertsitate Autonomoa Erramun Martiarena jn. Ikastolen Elkartea. Ikasmaterialgintza 12:00-12:30 atsedenaldia 12.30-13:00 Talde lana. Marisa Alvarez and. Irura ik. Nagore Iturbe and. Abusu ik. Irantzu Molero and. Txintxirri ik. 13:00-13:30 Batera jartzea. Nagore Amondarain and. Irene Lopez Goñi and. Erramun Martiarena jn. 13.30-15:00 bazkaria 15:00-16:00 “Zer dagoen lanaren atzean, zer uzten duen agerian hezkuntzak” Alonso Vazquez jn. HOBEST Consultores. Estrategia eta antolakuntza aholkularia Inma Muñoa and. Ikastolen Elkartea. Hizkuntza proiektua 16:00-17:00 Fontán metodoa. Harreman bidezko ikasketa-sistema Isabel Solana jn. Santa Mª La Blanca eskolako zuzendariordea. Madrid Nerea Arregi and. Ikastolen Elkartea. Ikasmaterialgintza 17:00-17:15 Egunak eman duenaren bilduma eta biharamunerako aurreikuspenak Mari Carmen Lejarza and. Ikastolen Elkartea. Prestakuntza

ordutegia hitzaldiak / talde lanak hzlariak/ bideratzaileak moderatzailea/ koordinatzailea 9:30-10:00 Ikastolen IKT proiektua. Marko orokorra Josune Gereka and. IkastolenELkartea. IKT proiektuaren arduraduna J.Iñaki Etxezarreta jn. Ikastolen Elkartea. Onularia 10:00-10:45 IKASTOLA IREKIA. Familiaren eta ikastolaren artean zerbitzuak prtekatzeko gunea Xabier Maiza jn.. IKT proiektua. Kudeaketa aplikazioen arduraduna. San Benito (Lazkao) Juanjo Gomez jn. Ikaslolen Elkartea. Ebaluazioa 10:45-11:15 IKASYS Proiektua: DBH etaparako proposamena Maite Gomez and. IKASYS proiektuko koordinatzailea, Haurtzaro (Oiartzun) ikastolako irakaslea. Oihan Odriozola jn. IKASYS proiektuko software eta hardware arduraduna Ellande Alfaro jn. Ikastolen Elkartea. Xiba arduraduna 11:15-11:45 atsedenaldia 11:45-12:30 Gela 1. IKT konpetentziak LMHn: Txanela.net plataforma Emilio Etxabe jn. IKT proiektua. LMHko arduraduna, Aita Larramendi (Andoain) Maite Saenz and. Ikastolen Elkartea. Txanela proiektuaren koordinatzailea. Salbatore Mitxelena (Zarautz) Gela 2. IKT konpetentziak DBHn: Ostadar.net plataforma Joxin Azkue jn. IKT proiektua. DBH-Gizaret ZIentziak, Haurtzaro (Oiartzun) Ramon Gorrotxategi jn. Ikastolen Elkartea. Curriculum Garapenerako Natura-Osasun Zientzia-arduraduna. Haurtzaro (Oiartzun) 12:30-13:00 Talde lana. Roke Esnaola jn. Armentia ik. Jose Mª Erkizia jn. Oteitza ik. Joseba Bilbao jn. Bihotz Gaztea ik. 13:00-13:30 Batera jartzea. J. Iñaki Etxezarreta jn. Juanjo Gomez jn. Ellande Alfaro jn. 13.30-15:00 bazkaria 15:00-16:00 ESKOLA 2.0 egitasmoa Victor Bermejo jn. Eusko Jaurlaritza. Hezkuntza, Unibertsitate eta Ikerketa Saila-IKT aholkularia. Jose Luis Sukia jn. Ikastolen Elkartea. Egonkortasun zuzendaria . 16:00-17:00 “IKT inplementazioa ikastoletan”. Mahai-ingurua Arizmendi ik. Elgoibar ik. Bihotz Gaztea ik. Laudio ik. Iñaki Zubizarreta jn. Santo Tomas Lizeoko Zuzendaria 17:00 XVII. Jardunaldien itxiera ekitaldia. Jardunaldien ondorioak Roke Esnaola jn. Armentia ik. Jose Mª Erkizia jn. Oteitza ik. Joseba Bilbao jn. Bihotz Gaztea ik. Manu Aurrekoetxea jn. Ikastolen Elkartea. Prestakuntza arduraduna

ANTOLATZAILEAK

Datorren ekainaren 20an Agurainen ospatuko den Araba Euskaraz prestatze lanak ez dira eten azkenaldiko izozteekin. Ez horixe. Bero-bero daude eta abestia aurkezteaz gain, unitate didaktikoak ere aurki guztion eskura jarriko dituzte.

Aurkeztu duten kantaren bertsio ezberdinak eta partiturak entzuteko eta jaisteko jartzen dizkizuegu. Horretarako, ondorengo esteketan klikatu besterik ez duzue egin beharko. Jarraian, zuek erabaki zer egin nahi duzuen, entzun edota jaitsi.

Araba Euskaraz 2010 – Abestia

Araba Euskaraz 2010 – Musika

Araba Euskaraz 2010 – Musika (estribillo abestuta)

Araba Euskaraz 2010 – Partitura (PDF 562 KB)

Jaiaren web orrian irakur daitekeenez, aurtengo abestiak berezitasun batzuk ditu eta hobe izango da euren azalpenak irakurtzea:

Ekainaren 20an Agurainen ospatuko den Araba Euskaraz ediziorako egindako kantak dituen berezitasunen artean ondoko hauexek azpimarratu ditu musika egilea den Mikel Goikuriak:

-Kanta honetan ez dago talde bat kanta partehartzailea egin nahi izan delako eta horrexegatik

-Partaidetzari dagokionez Crescendo abesbatza muina dela esan daiteke. Crescendo abesbatza oso ezaguna da Euskal Herri mailan. Bakarka aritzen direnen artean Aguraingo abeslari mitikoa den Evaristorekin belaunaldi berriak ere agertzen dira, Laia eta Amaia (Lautada ikastolako bederatzi urteko ikaslea) baita ikastolako ama den Isabel ere.

-Musikalki, adin guztietako edozeinek kantatzeko moduko abestia egiten saiatu dela gaineratu du Mikelek.

-Hitzari dagokionez Juan Perez de Lazarragak idatzitako bertsoekin hasten da.

-Hitzak, oro har arabarrok harro egotea arabarrak eta euskaldunak izateaz harro egotea hain zuzen. Bestetik amodio istorio bat da “euskaraz ari banaiz, politagoa zarela”

-Maite Ortegak, Lautada ikastolako zuzendariak gaineratu du datorren astetik aurrera maila guztietako fitxa didaktikoak egongo direla www.arabaeuskaraz.net web orrian eta gaurtik bertatik abestiaren partitura ere eskuragarri egongo dela, “beraz, aurten, aukera gehiago norberak ere abestu eta jo ahal izateko”.

Gabonak ate joka ditugun honetan, Gipuzkoako Ikastolen Elkarteak ateratako postalarekin gatozkizue.

Elurrezko panpina,
alai bezain mutu;
ezpal-zotzez apaindu,
ikutuz, ikutu.
Jantzirik ez du behar,
piparik ez sutu;
gabonak pasa arte
ez dadila urtu.

Postala jaitsi:

Gabon postala jaitsi PDF 380 kb

Postala ikusi:

Potala ikusteko, klikatu azpiko irudian.

Ikastola aldizkariaren 178. alea kalean da jada eta hemen jartzen dizuegu jaisteko edo ikusteko aukera bikoitza.

Aldizkaria jaitsi:

Ikastola aldizkaria 178. alea (abendua) PDF 2,6 MB

Aldizkaria ikusi:

Klikatu azpiko irudian

Iparraldeko ikastolekin elkarlanean Antzerki emanaldia

Azkaingo ikastolako 15 gurasok sortu eta prestatu duten ekitaldia da. Azkainen eman zen lehen aldiz, oso harrera beroa izan zuen, aretoa bete jende 500 lagun inguru bildu baitziren. Harrez gero Beran, Kanbon, Urruñan eta Garazin emana izan da eta orain Lazkaon eskainiko dute emanaldia. Bihar, ostirala, abenduak 11, aratsaldeko 19:00etan Areria Kultur Etxean.

15 guraso dira, tartean ikastolako 3 andereñoak, antzerkian aritu gabeak, beraz antzerki esperientzi berri honen abenturan sartzeko ausardia izan dutenak. Lehen segundutik azkeneraino, ikuskizunak irauten duen 40 minututan bakoitzaren eta denen arteko sorkuntza lana da, keinu, dantza eta gorputz espresioa oinarri.

Izenburuari dagokionez, Putxerri Aralargo kasko bat izateaz gain, Azkaingo borda ezagun bat ere bada eta handik hartutakoa da “Putxerriko borda”tik alegia. Hango nahiz nonahiko satorren bizia agertzean gure edonoren egunerokoa islatzen du modu goxo eta hunkigarrian.

Hasiera batean haurrentzako ikuskizuna sortzea uste bazuten ere proiektuak aurrera egin ahala, nork nahik barnetik sentitzeko moduko ikuskizuna osatzen ari zirela ohartu ziren, adin eta hizkuntza mugarik gabe.

Gainera “artistak” hauek ez dira antzezle lanetara mugatu. Proiektua haratago eraman nahi izan dute eta Integrazio Batzordearen alde aritzea erabaki dute. Beraz ahalik eta “sos” gehien biltzeko asmoz, gastuak ordaintzeko sponsorrak aurkitu dituzte, afixa eta trakta xoragarriak atera dituzte, horiek banatzeaz arduratu dira, jantzi, leku… eta abar. Eta sarreretako dirua Integrazio batzordearentzat da.

Integrazio batzordea:

Ikasle elbarrituak ikastolan integratzeko proiektua garatzen du Seaska barneko batzorde honek. Hezitzaile edo Irakasle Berezitu postuak Seaskaren gain gelditzen dira, Hezkunde nazionalak ez baitu banakako integrazioentzat horrelakorik proposatzen. Beraz gisa honetako proiektuak garrantzi handikoak dira finantziazio iturriak lortzeko.