Iparraldeko ikastolei laguntzeko helburuarekin, Maiatzaren 9an ospatu zen aurtengo Herri Urrats. Euskal Herrian sarritan gertatzen den moduan, eguraldiak ez zuen asko lagundu eta nahiz eta milaka euskaltzale inguratu Senpereko aintzira, garbi dago aurre ikusi baino jende gutxiago eta noski baita ere diru gutxiago bildu zela.

Eguna amaitu aurretik entzun genuen antolatzaileen ahotan eguraldi txarrak ez zituela geldiaraziko Iparraldeko ikastolen proiektuak eta dituzten erronkekin aurrera segitzeko asmoa zutela.

Herri Urratseko antolatzaileek esaten zuten aurtengoa ez zela maiatzaren 9an amaituko, baizik eta urratsez urrats, urte osoan iraungo duela ekimenak.

Zentzu horretan eta bertara hurbiltzerik izan ez, eta diruz lagundu nahi baditugu Iparraldeko ikastolak oraintxe dugu aukera. Ondoren aipatzen dira kontu korronteko zenbakiak.

Kutxa : 2101004597 0003310786
Euskadiko Kutxa : 3035 0059 82 0590731197

Amaitzeko, egunean zehar saldutako errifen zozketaren berri ematen dizuegu. Eroski Bidaiak eskainitako saria, Asturiasen egonaldiaren irabazlea

2652

zenbakia izan da.

Kalean da Ikastola aldizkariaren azken alea. Zenbaki honetan, azpimarragarriak dira Ibilaldia eta Araba Euskarazen inguruko erreportajeak, Balmasedako ikastolako lehendakaria den Jose Mari Agirreri eginiko elkarrizketa, Seaskako ikasle ohien inguruko erreportajea, Nafarroako ikastolen urteurrenak…

Aldizkaria jaitsi nahi izanez gero, klik egin azpiko estekan. Ikusi nahi baduzue, beheko irudian klik egin.

Ikastola aldizkaria 182. alea (PDF 3 MB)

Aldizkaria ikusi:

Urtero legez, udaberria iritsi da eta martxan jarri dugu gure baratza.

Aurten ere zenbait guraso izan dira gure lur zatitxoa prestatzen, 3, 4 eta 5 urteko haurrek haien letxugak landatu ditzaten. Mila esker zuei.

Egunetan zehar letxugak ureztatuko dituzte eta pixkanaka nola handitzen diren ikusiko dute gure haurtxoek, etxera eramateko eguna iritsi arte. Marrubi landareren bat edo beste ere landatu dute, hauek nola irteten diren ikusteko.

Gure baratza irekita izango duzue ikustera pasa nahi duzuen guztientzat. Etorri ezin duzuenentzat, hemen duzue atera dugun argazki sorta. Hala ere, adi egon, argazki gehiago ere jarrito ditugu eta.

Kalean da Ikastola aldizkariaren azken alea. Zenbaki honetan, azpimarragarriak dira Isabel Celáari, Hezkuntza Sailburuari, egin dioten elkarrizketa mamitsua eta Gasteizen ospatutako Jardunaldi pedagogikoei buruz erreportaje zabala.

Aldizkaria jaisteko, azpiko estekan klik egin ezazu.

Ikastola aldizkaria 181. alea jaitsi (PDF 4,1 MB)

Ikastola aldizkaria ikusi nahi baduzu, klik egin azpiko irudian.

Kultur Astearen egitarauaren barnean, gure DBH 2ko ikasleek Goierriko bertsolarien bisita izan dute gaur. Ahozkotasunari leku zabala ematen zaio gure ikastolan eta bere barnean kokatu behar da bertsolaritzari buruz egiten den lanketa.

Azken urte hauetan LH-ko 5. eta 6. mailan lantzen da Amaia Agirre bertsolariaren gidaritzapean eta ikasturte amaieran Herri Antzokian egiten den emanaldi batekin ematen zaio amaiera ikasturteari. Nahi duenak, jarraipena izaten du DBHn, izan ere beste gauza batzuen artean, bertsolaritza lantzen da Komunikazio Tailerrean. Hain zuzen ere, Komunikazio Tailerreko gure ikasleek, aurrez prestatuta zituzten hainbat ariketa, gero bertsolariek egiteko.

Asteazkenean, aukera ederra izan dugu bertatik bertara bertsolarien eta bertsoaren sekretuak ezagutzeko. Gure areto nagusian giro ederra izan dugu bertsolariak kantuan jardun duten bitartean. Horretan bidelagun izan ditugu Mikel Mendizabal, Igor Eguren, Julen Agirre, Joseba Agirrezabala, Joanes Etxaide eta Gema Urteaga. Egia esateko, ekitaldi polita atera da eta aukera hau baliatu nahi genuke, Jakintza ikastolaren izenean, gure eskerrik beroenak emateko.

ARGAZKIAK

Ikastolen Elkarteak hilero argitaratzen duen Ikastola aldizkaria kalean da jada. 180. alea honetan, honako hauek dira jorratzen diren gai nagusiak:

• Elkarrizketa: Frantxua Maitiarekin solasean.
• Erreportajea: Mozorroak ikastolan hasi ziren.
• Araba: Armentia, markak egin dituen ikastola.
• Bizkaia: Bizkaiko hirugarren ikastolarik handiena, arkadia bat.
• Gipuzkoa: Laskorain, ikastola solidarioa.
• Iparraldea: 10. urteurrena ospatuko du aurten Lardizabal kolegioak.
• Nafarroa: Gurasoak aldamioan.

Aldizkaria jaisteko, klikatu azpiko irudian:

Ikastola Aldizkaria 180 (PDF 3,2 MB)

Aldizkaria ikusi:

Aurtengo Gestio Planeko berrikuntzetako bat zen ikasturtearen erdialdera, geletako bilerak berriro egitea. Gurasoekiko komunikazioa eta elkarlanari lotuta, azken ikasturteetan lan handia egin da gure ikastolan. Gurasoen parte hartzea eta elkarlanerako hainbat gune ditugu ezarrita Jakintzan.

Horien artean aipatu behar ditugu nagusiki, Juntako bilerak eta Funtzionamendu Batzordeko bilerak. Beste maila bateko zereginak dituzte geletako guraso ordezkariak. Gela guztietan guraso ordezkari bat edo bi daude izendatuta eta ikasturtearen bilakaeran eta jarraipenean zeregin garrantzitsua betetzen dute. Juntako gurasoak urtean hiru alditan elkartzen dira geletako ordezkariekin eta oso foro aberatsa suertatzen da ikastolaren funtzionamendua jarraitzeko eta aldi berean geletan egon daitezkeen ekarpenak bideratzeko.

Dena den, gurasoekiko komunikazio eta elkarlanean, katearen azken begia falta zitzaigun, alegia geletako guraso arruntengana iristea eta egindakoaren berri eman eta beraien ekarpenak jasotzea. Gurasoen eskaerak kontuan izanik, berrikuntza hori sartu zen aurtengo Gestio Planean eta oraintxe gauzatzera goaz. Ikasturtea aurkezteko, iraila, urriaren hasieran, gelako edo mailaka egiten diren bilerek, orain izango dute bigarren zatia. Ikastolako gela guztietako gurasoak izango dute aukera beraien ordezkarien bidez, ikasturteko gora behera esanguratsuenen berri izateko. Aldi berean beraiengandik letozkeen ekarpenak jasotzeko ere baliagarria izango da zalantzarik gabe.

Datorren asteartean, otsailak 23an emango zaie hasiera bilera hauei. Uste dugu pauso garrantzitsua izango dela Jakintza ikastolako komunitatea trinkotzeko eta aberasteko.

En el Plan de Gestión de este curso se incluía como novedad hacer una reunión de clase a mediados del curso. Durante los últimos años, Jakintza ikastola está apostando por fortalecer la comunicación y cooperación de l@s diferentes estamentos de nuestra comunidad. Como ya sabéis, la ikastola cuenta con diversos foros para fomentar la participación de padres/madres. En este sentido, tenemos que citar las reuniones de la Junta y de la Comisión de Funcionamiento. L@s padres/madres representantes de aulas tienen responsabilidades de otro tipo. En todas las clases existen uno o dos representantes y desempeñan un papel importante en la evolución y seguimiento del curso escolar.

L@s padres/madres de la Junta suelen reunirse tres veces al año con los representantes de clase y resulta muy útil para el funcionamiento de la ikastola y para tramitar las distintas sugerencias que pueden surgir en cada aula.

De todas formas, nos falta un último paso para cerrar el ciclo de comunicación entres padres/madres: llegar a tod@s l@s padres/madres para explicar lo que ya se ha hecho y recoger vuestras opiniones, aportaciones, etc. Por esta razón, queremos comenzar con una nueva tanda de reuniones de clase por estas fechas, como continuación o segunda parte de las reuniones de curso que se hacen a principios de curso (en septiembre y octubre). Tod@s l@s padres/madres tendréis opción de recibir información del curso a través de vuestros delegados. Al mismo tiempo, tendréis ocasión de hacernos llegar vuestras aportaciones.

El próximo martes, 23 de febrero se celebrara la primera reunión. Esperamos que con estas reuniones contribuyamos a enriquecer y fortalecer la comunidad de Jakintza ikastola.

Urtero legez, Euskaraz Bizi Eguna herriko txoko eta bazter guztietara eraman dugu. Egun honekin, gure ikastolak Ordiziako kale, denda eta txoko guztietara euskararen aldeko aldarrikapen garbia eraman nahi du: Euskaraz Bizi nahi dugu!!!

Gaur goizean zuzeneko emisioa eskaini dugu web orri honetan bertan eta horretaz gain, argazki sorta handi bat eta beste bideo bat ere ekoiztu dugu. Horiek guztiak jarraian ikus ditzakezue.

ZUZENEKO EMISIOKO BIDEOAK

ARGAZKIAK:

BIDEOA:

Datorren otsailaren 12an, ostiral arratsaldean, EUSKAL INAUTERIAK ospatuko ditugu.

Hona hemen nola mozorrotuko garen eta maila bakoitzak dantza non egingo duen:

Desfilea:

Olano parean elkartuko gara 15:00etan desfileari hasiera emateko eta amaiera Barandiaran plazan izango da, 16:30ean. Gogoratu haurrak bertan jaso beharko dituzuela.

Ibilbidea ondorengo hau izango da:

Villa Eugenia – Filipineta kalea – Fray Andres – Kale Nagusia – Santa Maria kalea – Barandiaran Enparantza.

Amaieran merienda goxoa izango da Barandiaran enparantzan: guztiontzat txokolate beroa!

Oharra: Eguraldi txarra eginez gero LHkoek ospakizuna frontoian egingo dute eta HHkoek Villa Eugenian ospatuko dute 15:15ak aldera.

Datorren asteartea, otsailaren 9an gure Ikastolan Euskaraz Bizi Eguna ospatuko dugu. Goiza Ikastolako eraikinetatik kanpo igaroko dugu herrian zehar, “EUSKARA GURE ALTXORRA” lemapean, gure hizkuntza eremu ezberdinetan erabiltzen: jolasean, erosketak egiten, ikuskizunez gozatzen, ondo pasatzen …

Horretarako egitaraua prest dago jadanik, baita Mertxe Aizpuruak egindako horma-irudia ere, egun horretan herriko denda eta txoko guztietan banatuko duguna.

Asteartean, 09:50etan abiatuko gara Saninazioko eraikinetik eta Plaza Nagusian bilduko gara Haur Hezkuntzako txikitxoekin jaiari hasiera emateko. Bertan Manuk hitz batzuk esango ditu eta horrela emango diogu hasiera jaiari.

Hasierako hitz hauen ondoren herrian zehar sakabanatuko gara:

• Lehen Hezkuntzako 1. eta 2. mailako ikasleak Plaza Nagusian geldituko dira jolasean.
• Bigarren ziklokoak berriz, Frontoira abiatuko dira Herri Kiroletan aritzeko, DBH4ko ikasle talde batekin.
• Hirugarren ziklokoek erosketak egingo dituzte herriko dendetan, aurretik, etxean bete beharko dute zerrenda, behar dutena bakarrik erosteko. Hauek ere laguntzaileak izango dituzte lan horretarako, DBH3ko ikasleak.
• DBH 1 eta 2ko ikasleek gure aurtengo mezua zabalduko dute herrian zehar, “EUSKARA GURE ALTXORRA”. Denda, bulego eta txoko ezberdinetan Ikastolak atera duen horma-irudia eta egutegiak banatuko dituzte.
• Haur Hezkuntzako ikasleak, DBH4ko ikasleekin batera, erosketak egingo dituzte arratsaldean merienda goxoa egiteko.

Taldeak herrian zehar ibili ondoren, 11:30etan Plaza Nagusian elkartuko dira berriro, Izaro pailazoaren ikuskizunez eta gure Ikastolako abesbatzak eskainiko dituen abestiez gozatzeko.

Festa TTIPI-TTAPA NATOR NI Argitxoren abestia kantatzen amaituko dugu, beraz, ondo ikasi. Eta ez ahaztu, egun horretan Ikastolako txandala eta Argitxoren bisera jantzita ekarri.

DBH 3 eta 4 ikasleek pilotalekuan emango diote bukaera festari kirola eginez.