Lehen Hezkuntza, DBH eta Batxilergoko gurasoentzat antolatutako Guraso Eskolarekin jarraituz, gaur bigarren saioaren berri emango dizuegu.

Aurreko mezuan, eskola tradizionalaren porrota jorratu genuen eta eskolak eman beharreko aldaketen aurrean dauden arazo, zailtasun, oztopoak… aipatzen genituen. Saio hori galdera bat eginez amaitu genuen: eskolak eman beharreko aldaketa hori, eman al dezake teknologia geletara eraman gabe?

Guk oso garbi daukagu, geletara ez ezik, ikastolako esparru guztietara ere zabaldu behar dela bai teknologia, baita lan egiteko eta komunikatzeko formula berriak ere. Izan ere, teknologiaren erabilera testuinguru horretan bakarrik ulertzen baitugu. Hau da, derrigorrezkoak ditugun lan egiteko eta komunikatzeko era berri horiek burutu ahal izateko, teknologiaren presentzia ezinbestekoa da.

Testuinguru horretan, teknologiaren erabilera horrek dakartzan ondorioetan zentratu ginen bigarren saioan, eta gurasoen kezkak argitu nahian, segurtasun eta pribatutasunean arreta berezia jarri genuen.

Saio horretan erabilitako aurkezpena, laburpenak euskaraz eta gaztelaniaz eta bideo bat jartzen dizuegu.

LEHEN SAIOARI BURUZKO INFORMAZIOA

AURKEZPENA:

BIDEOA

LABURPENA EUSKARAZ

Guraso Eskola 2. saioa - Laburpena

RESUMEN EN CASTELLANO

Guraso Eskola 2º sesión - Resumen

RESUMEN DE LA PRIMERA SESIÓN

Aurreko asteko eta aste honetako astelehen eta astearteetan Guraso Eskolako saioak burutu ditugu Lehen Hezkuntza, DBH eta Batxilergoko gurasoentzat.

Lehen saioan, gizartearen eboluzioa eta egungo eskola ereduak egoera berrietara egokitzeko dituen zailtasunak, oztopoak… aztergai izan genituen han bildutakook. Modu berean, XXI. mendeko eskolak izan beharko lituzkeen ezaugarrien inguruan ere mintzatu ginen.

Beharbada, bertaratutako gurasoak, gai honek ustekabean harrapatuko zituen, baina saioaren amaieran, ziur gaude beste ikuspegi bat izango dutela. Izan ere, arazoa ez da zer egin dezakegun IKTak gelan txertatzeko, aitzitik, eskolak XXI. mendeko gizarteak eskatzen dituen erronka berrietara egokitzeko eman beharko lukeen aldaketa sakona burutu ahal izateko, IKTak ikastetxearen esparru guztietara eraman gabe eman dezake?

Tira, gaia interesatzen bazaizue, jarraian doakizue hitzaldi horietan erabilitako lehen aurkezpena, esandako guztiaren laburpen bat eta DBH 4ko ikasle batzuekin elkarlanean ekoiztutako bideo bat.

Bigarren saioaren informazio guztia aurki jarriko dizuegu eskura web orri honetan bertan.

Laburpena ikusteko, klikatu azpiko irudiaren gainean:

LABURPENA EUSKARAZ

BIDEOA

BIGARREN SAIOARI BURUZKO INFORMAZIOA

Los lunes y martes de ésta y de la pasada semana se celebraron las sesiones de la Escuela de Padres y Madres de Primaria, Secundaria y Bachillerato.

La primera sesión abordó la evolución de nuestra sociedad y las dificultades, obstáculos… que tiene la escuela para adaptarse a la nueva situación. Del mismo modo, se analizaron las características que la escuela del siglo XXI debería tener.

Tal vez, muchos de l@s presentes se vieran sorprendidos por la temática pero estamos convencidos que al finalizar esa primera sesión su punto de vista sería diferente. Ya que el problema no se trata de cómo implementar las tecnologías en el aula, sino que la cuestión es que ante los cambios profundos que debe realizar la escuela para adecuarse a la sociedad del siglo XXI, ¿se puede realizar dicho cambio sin llevar la tecnología a todos los apartados de la vida de la escuela?.

Bueno, si os interesa el tema, como ya habéis visto, ponemos a vuestra disposición la presentación de la primera sesión, un resumen en castellano tras este texto (hacer clic en la imagen para verlo) y un vídeo elaborado en colaboración con un grupo de alumn@s de 4º de la ESO.

La información completa de la segunda sesión la publicaremos en breve en esta misma página web.

RESUMEN EN CASTELLANO

INFORMACIÓN SOBRE LA SEGUNDA SESIÓN

Datorren astelehenean, hilaren 1ean, arratsaldeko 6:00etan Saninazioko Areto Nagusian, DBHko gurasoentzat antolaturiko lehen hitzaldia ospatuko dugu. Hurrengo egunean, hilaren 2an, LHko gurasoen txanda izango da.

Teknologia Berriak, jada ez dira horren berriak. Gure egunerokotasunaren parte bat bilakatu zaizkigu eta gure seme-alabak beraiekin jaio dira. Jaiotzez digitalak dira. Etorkizunean, teknologia horiek eta iritsiko direnak bultzatuta, gure seme-alabek topatuko duten errealitate berriaren aurrean, gurasook badugu zer esan eta zer egina. Asmo horrekin, bi hitzaldi antolatu ditugu ondorengo egitaraua dutelarik:

EGITARAUAK JAITSI

• DBHko egitaraua ( PDF 1 Mb)
• LHko egitaraua ( PDF 1 Mb)

Lehen saioa (Martxoaren 1a DBHkoentzat eta 2a LHkoentzat)

• Hitzaldi hauen zergatia

• Azken urteetako eboluzioa:

• Gizartean

• Hezkuntzan

• Interneten

• XXI. Mendeko gizartea

• Behar berriak

• Lan egiteko eredu berriak

• Informazio eta ezagutza eraikitzeko bide berriak

• Komunikazio aukera berriak

• …

• Egungo egoera

• Gure errealitatea ezagutzen

Bigarren saioa (Martxoaren 8a DBHkoentzat eta 9a LHkoentzat)

• Planteatzen zaizkigun egoera / arazo berriak

• Arazo / egoera berriak

• Identitate digitala:

• Zer da?

• Zer garrantzia du?

• Nola eraikitzen da?

• Komunikazioa / inkomunikazioa

• Bazterketa / Integrazioa

• CiberBullying

• …

• Nola jokatu?

• Gurasoen erantzukizuna

• Etxerako arauak / gomendioak

Hitzaldi hauen hizlariak IKT munduan eskarmentu handia duten eta gure ikastolako irakasleak diren Jokin Lacalle eta Mikel Etxarri izango dira. Jokin izango da DBHko hitzaldien ardura eramango duena eta Mikel Lehen Hezkuntzakoa.

Gaiak, gure seme-alaben oraina eta etorkizunerako, duen garrantzia aintzat harturik, guraso guztiak animatu nahi ditugu saio hauetara etor daitezen.

Hirugarren ikasturtea dugu aurtengoarekin gure Bizikidetza Proiektua lantzen hasi ginela. Azaroaren 24ean bilera egin zuen Jakintza ikastolako Bizikidetza Taldeak. Aurreko ikasturtean zehaztutako lehentasunetatik abiatuta Urteko Bizikidetza Plana zehazteko eta adostasuna lortzeko.

Atzoko bileraren ondotik eta oraindik amaitu gabe dagoen arren aurtengo Bizikidetza Plana, aurreratu genezake zereginik nagusienen artean egongo direla ondorengoak:

• Ikastolako Araudia berritzea eta eguneratzea, bertan txertatuz Ikasleen Eskubideak eta Betebeharren dekretua.
• Ikastola barruko zein kanpoko ekintzetan Jakintza ikastolako komunitatearen partaidetza eta komunikazioa areagotzea eta hobetzea.
• Irakasle eta ikasleen arteko harremanak sustatzeko bakarkako tutoretza indartzea.

Abenduaren 1ean berriro elkartuko dira Bizikidetza Taldeko gurasoak, Jakintza ikastolako geletako ordezkari guztiekin, izan ere, beharrezkoa eta aberasgarria ikusten dute foro horretan eztabaidatzea eta denen ekarpenekin aberastea aurtengo plana.

Konpetentzietan Oinarritutako Curriculuma, ikasleak eskuratu beharreko konpetentzia orokorrak, ikaslearen irteera profila etab. dira azken aldian bueltaka, gure artean dabiltzan kontzeptuak. Konpetentzien lanketari dagokionez, gure arteko azken bi saioetan aurreko guztia gauzatu ahal izateko funtsezkoa den elementuari buruz jardun dugu, irakasle profilaz hain zuzen.

Zer irakasle mota behar da konpetentzietan oinarritutako ikuspegi berri horretarako?

Abiapuntua garbi baldin badugu, alegia, ikasleek oinarrizko konpetentziak eskuratu behar dituztela amaierako profila lortu ahal izateko, ezinbestekoa izango da irakasle konpetenteak izatea, irakasle trebeak izatea. Hezkuntza-komunitatean integratutakoak, prestakuntza pertsonal eta akademiko sendoa dutenak, eta egoera sozial berriek sorrarazitako eskakizunetara egokitzeko gai direnak.

Hezkuntza-eredu tradizionalak, irakaskuntzan oinarritzen zenak, diziplina-jakintzari edo jakintzari ematen zion lehentasuna. Aldiz, ikaskuntzan oinarritutako eredu berriarentzat, osotasun batean lau ikaskuntza-motak batzea da hezkuntza; hain zuzen ere: jakitea, egiten jakitea, besteekin izaten jakitea eta norbera izaten jakitea.

Begi bistakoa da aldaketa handia dela eta irakasle berriek zentzu honetan trebatu behar dutela eta dagoeneko irakasle eginkizunetan gabiltzanok ibilbide edo prestakuntza sakona behar dugula delako irakaslearen profilera egokitzeko.

Esan bezala, buru belarri horretan jardun dugu Jakintza ikastolako irakasleok.

Jakintza ikastolako lehentasuna da Konpetentzietan Oinarrituta Curriculumaren lanketa, horrela adierazi dugu aurkeztu berri dugun Gestio Planean. Iazko ikasturtean ere horrela izan zen, beraz konpetentzien lanketaren bidean ibilbide bat egiten ari gara. Aurtengo ikasturterako aurreikusi dugun lanketaren artean, derrigorrezko ikastaldia amaitzen duen ikasle baten irteera profila zein izan behar duen zehaztea da. Horretan ari gara egun hauetan Jakintzako irakasleria guztia.

Gure eguneroko lanketa eta ikasleak 16 urte betetzen dituenean beharrezko izango dituen ezagutzak eta konpetentziak norabide egokian ote dauden aztertzen dihardugu.
Honelako galderei erantzuten ahalegindu gara. Zeintzuk dira, nire arloko ikuspegitik, edukirik garrantzitsuenak nire ikasleentzat? Nire ikasleekin lantzen ditudan eduki horietan ba ote daude nire ikasleentzat balio berezirik izango ez duten edukiak?

Ikaslearen irteera profila dela eta, zer da ikasleak behar duena? Bakar bakarrik eremu akademikoa eta laborala? Edo baita ere pertsonaren garapenaren lanketa, bakarkako egoeretan eroso sentitzeko, berdin bizitza sozialeko egoeretan, edo bizitza fisiko eta naturaleko egoeretan? Berdin lantzen al ditugu eremu guztiak? Garrantzia berdina ematen al diegu?

Eztabaida interesgarriak izan ditugu egun hauetan gure artean. Ezin ukatu iazko ikasturtetik hasita, ari garela poliki poliki konpetentzien lanketa gure eguneroko lanean txertatzen. Dena den, batek baino gehiagok esaten du maila teorikotik maila praktikora salto handiagoa egin behar dugula eta horretarako ditugun beldurrak uxatu beharrean gaudela.

Aurreko astean, euskalgintzaren munduan hautsa arrotu duen albistearen berri eman genizuen. Gaurkoan, berriz, oso albiste pozgarria eman nahi dizuegu: AEK, EHUko IKIDE taldea eta Jakintza Ikastolako Euskaljakintza guneak, elkarlanean osaturiko gune berri bat sortu dugu: EGArako E-gela

Gune horren xedea, eta gainontzeko xehetasun guztiak hobeto ezagutzeko, eskaini zuten prentsaurrekoaren bideoa eta banatu zuten prentsa-oharrarekin uzten dizkizuegu. Amaieran, hedabide ezberdinetan, albisteak izan duen oihartzuna.

Prentsa oharra

EGA azterketa prestatu nahi duenak badu gaurtik aurrera horretarako web-gune bat doan Interneten, http://www.egela.aek.org izenekoa.

Ekimen hau AEK, Ordiziako Jakintza Ikastolako Maite Goñi eta EHUko Ainhoa Ezeiza irakasleen artean garatu da. Helburu nagusia euskara ikasle eta irakasleen esku baliabide multzo librea jartzea izan da, baina baita elkarlanerako bide berriak zabaltzea ere, ahaleginak batuz, ideiak trukatuz eta IKTeen garapenak hezkuntza helburuak lortzeko ematen dizkigun tresnak baliatuz.

Duela urte t’erdi hasi zen garatzen egitasmoa. Lanak bi alde eduki ditu. Alde batetik, bakoitzak eskura genituen baliabideak konpartitzea eta, bestetik, baliabide horiek guztiak bildu, beharrezkoa izan denean moldatu eta, batez ere, elkarren artean lotu egitura jarria emanez. Ahaleginak bilduz garatu ditugun ikastaro honek ezaugarri oso jakinak ditu:

1. Gune honetan tankera askotako materialak daude EGA azterketa prestatzen laguntzeko: aholkuak, ariketak, azalpenak, adibideak… Era askotako materialak, baliabideak eta lan proposamenak. Oso ezaugarri ezberdinetakoak eta interes oso ezberdinak asetzeko modukoak. Guztiak ordenagailu bidez egiteko prestatuak daude.
2. Erabiltzailearen autonomia garatzeko diseinatua. Askotariko ibilbideak garatzeko moduan antolatua dago gunea. Erabiltzaile bakoitzak bere ibilbide propioa egiteko modua izango du eta, era berean, idazmenaren kasuan, baita egileok proposatutako progresioa jarraitzeko aukera ere.
3. EGA azterketaren ezaugarri jakinei egokitua eta haien arabera antolatua.
4. Informazio eta Komunikazio Tresnek baliabideak konpartitu eta erabiltzaileen eskura jartzeko ematen dituzten aukerak erabili eta garatu nahi izan ditugu gune honetan.
5. Bakoitzak bere kabuz burutzeko modukoa gertatuko da. Ikastaroa inongo tutoretzarik gabe egin daiteke, bertan topatuko baititu erabiltzaileak nahitaezko azalpenak eta oinarrizko feedbackak.
6. CC lizentziapean banatuko da. Lehen urteko proba fasea pasa eta gero baliabide multzoa erabili, moldatu edota osatzeko aukera izango da. Aski izango da Moodle plataforma erabiltzea.

BERRIKUNTZAK

Orain arte oso gutxi izan dira, euskalduntzearen alorrean bederen, hezkuntzaren adar ezberdinen elkarlanaren fruitu izan diren egitasmoak. Alde horretatik, berritzailea da hain inguru ezberdineko jendeak (helduen euskalduntze alfabetatzea, ikastolak, unibertsitatea) bat egitea egitasmo komun bat bideratzeko. Lan egiteko modu honen egokitasuna azpimarratzeko modua ere bada EGA prestatzeko baliabideen gune hau. Elkarlan hau aurrera begirako lan esparru aberats eta emankorra gertatzea espero dugu, ez bakarrik euskalduntzeak, hezkuntzak ere aurrera begira dituen erronka nagusiei aurre egiteko modua izan daiteke eta.

Bai erabiltzeko, bai moldatzeko (proba fasea igaro eta gero) librea izateak ere balio garrantzitsuak dakartza, erabiltzaileari zein hezkuntza eragileei begira. Gune hau, zorionez, gero eta zabalagoa den euskara lantzeko doako tresnen zerrenda handitzera dator. Egitasmoak hartutako tamainak eta lehen aipatutako eragile ezberdinen arteko elkarlanak heldutasun mailako aurrerapauso galanta ekartzen die mota honetako egitasmoei.

Honetan ari diren ikasle eta irakasleen jardunaren osagarri interesgarria bihurtu daiteke gunea. Eskolan edo euskaltegian ikasten denaren osagarri, azterketako ariketak egiten trebatzeko. Guneak ez ditu ohiko klaseak ordeztuko, euskaraz dakitenentzat pentsatua baitago, nork bere kabuz erabiltzeko. Gunearen antolaketaren ardura partekatua izan den moduan, euskarri teknologikoen ardura ere partekatua izango da. Eduki batzuk AEKren E-gelan osatuta daude; besteak, berriz, Ordiziako Euskaljakintza Ikastolaren zerbitzarian. Alde horretatik ere berritzailea da EGA azterketa prestatzeko baliabideen gunea, hemendik aurrera oso aberasgarria gerta daitekeen hezkuntza erakundeen arteko elkarlanaren seinale. Bestalde, Moodle ikaskuntza plataforman eginda dago. Plataforma hau software askekoa da eta filosofia horri segitu nahi izan diote irakasleek ere.

MOODLE

Zergatik aukeratu Moodle plataforma? Bere ezaugarriek bultzatu gintuzten berau aukeratzera. Moodle online moldeko ikastaroak sortzeko programa-multzoa da. Garabidean dagoen kode irekiko proiektua da, eta giza konstruktibismoak gidatutako hezkuntza-egoerak bultzatu nahi ditu.

EZAUGARRI TEKNIKOAK

Helburua gunea ahal den erabiltzaile kopuru handienaren eskura jartzea da. Hori dela eta, arreta berezia jarri dugu bertan bildutako baliabideen eskuragarritasunean. Ez du erabiltzaileak ohikoa ez den tresna edota baliabide informatikorik beharko. Aski izango ditu posta elektroniko helbide bat, Internet konexioa eta oinarrizko konfigurazioa duen ordenagailua.

NOLA ERABILI

Erabiltzaileak, www.egela.aek.org helbidera jo ondoren, alta eman beharko du gunean ikasle gisa. Horretarako izen-abizenak eta posta elektroniko helbidea baino ez ditu beharko. Hori egindakoan, hortik aurrera gunean aritzeko beharko dituen izen eta pasahitz pertsonalak eskuratuko ditu bere posta elektronikoan.

Oihartzuna

• Diario Vasco
• Berria
• Gara
• El País
• Noticias de Gipuzkoa
• Argia
• Atoan
• Sustatu Prentsaurrekoaren zuzeneko jarraipena kazetaritza berritzailearen eredu bat emanez.
• Sustatu

Herrialde bakoitzak bere hezkuntza sistema propioa du. Gehiengoaren kezka hezkuntzaren kalitatean eragitea eta bide batez handitzea izan ohi da. Hori egiteko modu bat beste herrialde batzuekin esperientziak trukatzea eta elkarrengandik ikastea da. Eusko Jaurlaritzako Hezkuntza, Unibertsitate eta Ikerketa Sailak, esaterako, Kolonbiako Hezkuntza Ministerioarekin harremanak dauzka. Iban Asenjo Jaurlaritzako Hezkuntza Saileko Hezkuntza Berriztatzeko zuzendariak jakitera eman duenez duela bi urte Kolonbian izan ziren hango irakaskuntza sistema ezagutzeko. Orain Kolonbiako ikastetxeetako hamalau zuzendari gonbidatu dituzte Euskal Autonomi Erkidegoko irakaskuntza sistema ezagutzera.
Bost aste daramatzate Bizkaia, Araba eta Gipuzkoako ikastetxeak bisitatuz, eta larunbatean abiatuko dira Kolonbiarantz. Helburuak esperientziak trukatzea eta Kolonbiara eramateko zein esperientzia izan daitekeen interesgarria aztertzea dira.

Hamalau zuzendariak gehienbat eleaniztasunaren trataeran eta hezkuntza premia bereziak dituzten ikasleen integrazioan daude interesatuta. Kolonbiarrek eleaniztasunari buruz hitz egiten dutenean ingelesa erakusteari buruz ari dira. «Hango hizkuntza gaztelania da. Egia da hizkuntza indigenak egon badaudela. Jaurlaritzak badauzka programa batzuk hango ministerioarekin hizkuntza indigenak bultzatzeko eta prestijiatzeko, baita hizkuntza horiek erakutsi ditzaten irakasleak prestatzeko ere. Baina hona etorri diren zuzendariak eremu horietatik kanpo bizi dira eta eleaniztasunari buruz hitz egiten dutenean ingelesari buruz ari dira», azaldu du Asenjok.

Kolonbiarrentzako nazioarteko hizkuntza ingelesa da. AEBak Kolonbiatik oso gertu daude. «Harremanak dituzte hangoekin eta kolonbiarrentzat premizkoa da ingelesarekin trebatzea eta irakastea».

Asenjoren arabera, eurentzako «pauso handia» izango litzateke ingelesa erakustea. «Hona etorri eta ikusi dute ingelesa ez ezik euskara ere badugula. Gaztelania erakusten dela eta DBHn laugarren hizkuntza bat ere ikas daitekeela, frantsesa edo alemana. Guk hemen daukagun eleaniztasunaren ikuspegia ez dute, eta apur bat harrituta daude hizkuntzekiko gure trataerarekin», dio Asenjok.

Hizkuntza bat baino gehiago irakasteari dagokionez, ordea, arazoa bitartekoak izan daitezkeela diote zuzendariek. «Diote guk hemen ditugun bitartekorik ez dutela, eta ondorioz ezinezkoa edo oso zaila litzatekeela hemengo eredua han aplikatzea. Guk esaten diegu ez begiratzeko hainbeste bitartekoei. Gauza asko eta asko han abian jartzea posible dela ikusi dugu. Irakaskuntza sistema batean dirua eta bitartekoak ez direla guztia erakusten ari gara. Beste gauza asko daude hor: irakasleen motibazioa eta gurasoen inplikazioa esaterako», gehitu du Hezkuntza Saileko Hezkuntza Berriztatzeko zuzendariak.

Hezkuntza Saileko kideek, batez ere, sare publikoko ikastetxeak erakutsi dizkiete, baina baita bestelakoak ere. «Hezkuntza sistemaren argazki orokor bat atera nahi izan dugu, nahiz eta gero horren barruan ingelesean eta hezkuntza premia bereziak dituzten kasuetan zentratu garen, eurak batez ere bi gai horietan baitaude interesatuta».

Atzo Goierrin izan ziren hamalau zuzendari kolonbiarrak. Asenjoren arabera eskualdean, itunpeko sarean zein sare publikoan, «kalitate handiko ikastetxeak» daude. Bi ikastetxe erakutsi zizkieten atzo: Ordiziako Jakintza ikastola eta Zeraingo herri eskola, eskola txiki gisara ere izendatua (nekazaritza eremuetako herri txikietako eskolei deitzen zaie txiki).

Bisitatu beharreko ikastetxeen artean Jakintza ikastola batez ere bi arrazoirengatik aukeratu zuen Hezkuntza Sailak. «Urrezko Q-a daukatelako eta ingelesari dagokionez oso ondo garatutako irakasteko metodo berritzaile bat erabiltzen dutelako. Jakintzan bertan garatu duten programa da, oso emaitza onak ematen ari dena».

Hamalau zuzendariei harrera egin eta gero, ikastolak zer diren eta zein ezaugarri dituzten azaldu zieten Jakintzan. Ikastetxeko bertako xehetasunak eman zizkieten, eta azkenik lau urteko haurrekin hasita ingelesa nola lantzen duten azaldu zieten. Ikasle koskorrenek egindako lanak erabili zituzten esku artean.

Teorian entzundakoa praktikan ikusteko aukera izan zuten zuzenzendariek ondoren, gela batean sartuta. Irakasleak eta haurrek istorio bat interpretatu zuten kolonbiarren aurrean, guztia ingelesez eta hitzak eta kantuak sartuz.

Jakintzatik irten eta Ordiziako azokara eraman zituzten, hango berri ere jakin zezaten. Bazkaldu eta arratsaldean izan zuten hitzordua bigarren ikastetxearekin: Zeraingo eskola txikiarekin.

Albiste hau Goirreko Hitza egunkaritik atera dugu.

Goierri Telebistak eman duen albistea:

Albistea Diario Vascon

Larunbatean, 2009ko urtarrilaren 24ean, Donostiako Miramon Parke Teknologikoan, Ikastolen VI Batzarraren bigarren saioa burutu zen, eta bertan 101 ikastolatako 350 ordezkarik esku hartu zuten. Goizeko 9:30etan Euskal Herriko Ikastolen Konfederazioaren lehendakaria den Koldo Tellituk agurreko hitzekin batera Ikastolen VI Batzarraren bigarren saioaren egitekoa adierazi zuen. Koldo Tellituk gogora ekarri zuen, Ikastolen VI Batzarraren lehen saioa, iazko irailaren 27an, Hendaian egindakoa, orduan ikastola mugimenduaren etorkizun hurbila seinalatzeko, eztabaidatzeko eta adosteko egina zen txostena, IKASTOLAK ORAIN ETA GERO deiturikoa, aurkeztu zen.

Hendaiatik Donostiara bitarteko aldian, ikastola bakoitzak IKASTOLAK ORAIN ETA GERO txostenean egiten ziren proposamenak aztergai izan ditu, baita zuzenketa-proposamenak egin ere, eta horiek jaso ostean Euskal Herriko Ikastolen Konfederazioak azken proposamen ofiziala prestatu du, eta larunbatean Ikastolen VI Batzarraren bigarren saioan bozkatu zen. Bi ikasturte oso, 2006/07koa eta 2007/08koa eman dituzte ikastolek gaurdaino, IKASTOLAK ETA ETORKIZUNA izenburupean gogoeta prozesuari ekin ziotenetik azken proposamenera heldu arte.

Lau gai jarri ziren bozkan:

1. Nolako ikastola-eredua nahi da? Gaurko eredutik etorkizuneko eredura zein ezaugarri gorde behar dira? Eta zein elementu berri txertatu behar dira? Eta honi Ikastola 2020 deitu zaio.
2. Nolako hezkuntza-aukera egin nahi da? Gaurko hezkuntza-aukeratik zein hezkuntza-aukerara pasatu nahi da? Ikastolek 1996ko urrian hasi zuen curriculumari buruzko ikerketaren emaitza, alegia, Euskal Curriculuma, beste eskola eta ikastetxe batzuekin batera Euskal Herrian egin den heziketa-ikerketa zabalena bilakatu dena.
3. Nolako antolaketa kolektiboa izan behar dute ikastolek? Federazioak ikastolen bazkidetzaren erakundeak izanez, eta haien bidez Euskal Herriko Ikastolen Konfederazioan esku hartu badute ere, urrats bat, pausu kualitatiboa egin behar zutela uste zuten (egungoa hobetzeko, errazagoa eta eraginkorragoa bihurtzeko, ikastolatik hurbilago jarduteko eta zuzenagoko esku hartzea ahalbidetzeko) ikastolek behar zituzten zerbitzuak denentzat, denonak eta hobeto eskainiak izan daitezen, eta azken finean erakunde argia, ulertzen erraza, bai kanpokoentzat, baita etxekoentzat ere, aitzingidaria, buru bakarrekoa. Eta honi Antolaketa Kolektiboa 2009-2014 deitu zaio.
4. Eta nolako izan behar du ikastolen hurrengo plan estrategikoak? Iazko irailean I. PLAN INTEGRALA bukatu zen, eta segidakoa behar zuten, lehenak eman zizkien fruitu oparoak ugaltzeko eta hobetzeko. Bost ikasturteetan zehar kudeatu behar duten plan estrategiko honi, 2009-10 ikasturtean hasi eta 2013-2014 ikasturtean amaituko litzatekeenari, II Plan Integrala deitu diote.

Lau gai nagusiok, elkarri lotuak, IKASTOLAK ORAIN ETA GERO titulu nagusiarekin, erabaki ziren lau bozketa bereziren bidez.

Bozketen emaitzak

Bilduak

Ikastola 2020

Ikastolen oinarrizko Curriculum komuna

Antolaketa kolektiboa

II. Plan Integrala

Ondorioak

IKASTOLAK ORAIN ETA GERO txostena onesteak, Ikastolen mugimenduaren sendotasuna erakusten du. XXI mendearen lehen hamarkadetan ikastolen proiektuaren berritzea ekarri du Ikastolen VI. Batzarrak. Besteak beste, Euskal Herriko ikastola guztiak erakunde bakar batean bazkidetuta biltzen dituen Europar Kooperatiba da nobedaderik handietarikoa. XXI mendean Europan onetsitako eredua, eta ikastolen mugimenduak baliatuko eta egokituko duen eredua. XXI. mendekoa, beraz.

1950. hamarkadaren amaiera aldean abian jarri zen ikastola mugimendu berriak, berrogeita hamar urte betetzen duen garaiotan, 2009an, oso ezaugarri bereziak, oreka bizi eta dinamikoa biltzen du, hots, haurraren ilusioa eta mugikortasuna, gaztearen eraldaketa gogoa eta helduen eskarmentua.

Ikastolak etapa luze baten helmugara iritsiak dira, eta etapa berria urratzera doaz.

Ikastolak euskal hezkuntzaren erreferentzia izan dira eta orain ere badira. Ikastola bakoitzak eta ikastolek elkarrekin osatu duten sareak ez du bizi izan gaur bezalako unerik, ez Pirinioen Iparraldeko lurraldean, ez Hegoaldekoan, ez Euskal Herriko mendebaldean, ezta Ekialdean ere.

Euskal Hezkuntza utopia izatetik euskal lurralde guztietako haur eta gazteen aukera nagusia izatera pasatu da. Eta horren barruan, ikastolek Euskaldun Hezkuntza indartu dute, eguneroko jardun praktikoaz eta sarean sortu duten hezkuntza-zerbitzuen enpresa modernoa eta abangoardistaren bidez, hau da, Ikastolen Elkartearen bidez, hain zuzen ere.

Euskal Herria mundu zabalera inoiz baino irekiago dagoen sasoi honetan, IKASTOLAK ORAIN ETA GERO txosten onetsian ezartzen dituen helburu eta jardueren bidez ikastola mugimendua Euskal Herrian eta Mundu zabalean jokatzeko prest da:

IKASTOLA eredua ikertuz, garatuz eta berrituz, 2020 urterako proiektua duelako
Heziketa lanean, IKASTOLA ereduari lotutako Euskal Curriculuma duelako
Bere proiektuak abian jartzeko eta kudeatzeko Europar Kooperatiba berria duelako
Eta pausurik pausu, bost urtetarako helmuga, II. Plan Integrala bidez, jarri duelako

Honaino iristeko, ez da makala izan eztabaidaren eta kontrastearen bidea. Bi ikasturte oso eman dute, ideiak biltzen, ordenatzen, adosten eta testu batean jasotzen. Ikastoletako ordezkariak, federazioetakoak, ikastoletako zuzendariak, zerbitzu kolektiboetako arduradunak eta teknikariak, federazioetako zuzendariak … izan dira protagonista, parerik gabeko auzolanean.

Ikastolei aurkezpenak egin, ez behin bakarrik, birritan baizik, eskatu diren guztietan, euskal lurraldeetako txoko eta bazter guztietan izan dira. Adosteko bilkurak, elkarrizketak, banan-banakoak, bitarikoak … egin dira, konpromisoak, joan-etorriak, hitz hartzeak, testuetan ñabardurak … egin dira. Guztira, ikastolekin eta federazioekin 48 saio kolektibo egin dira, ikastolek 284 saio partikular burutu dituzte eta orotara baliatu diren orduak 1.300tik gora izan dira.

Ikastolek erakundea direla eta sen instituzionala dutela frogatu eta egiaztatu dute, lanaren eta eskarmentuaren emaitza, beren habitus kolektiboa da, beren estiloaren lekukotza erakusten duena.

Ikastolak Eredu dira. Eredu bat dute. Heziketarako eredua. Ikastola bakoitzean aritzeko eta Ikastolen Elkartean jarduteko eredua. Tokian tokiko ingurunean, auzoan, herrian, lurraldean, Euskal Herrian eta mundu zabalean egiten dutena agertzeko eta beste batzuen lankidetzatik ikasteko eredu bat dute. IKASTOLA EREDUA.

Larunbatean, 2009ko urtarrilaren 24ean, Donostiako Miramon Parke Teknologikoan, Ikastolen VI Batzarraren bigarren saioa burutu da, eta bertan 101 ikastolatako 350 ordezkarik esku hartu dute. Goizeko 9:30etan Euskal Herriko Ikastolen Konfederazioaren lehendakaria den Koldo Tellituk agurreko hitzekin batera Ikastolen VI Batzarraren bigarren saioaren egitekoa adierazi du. Koldo Tellituk gogora ekarri du, Ikastolen VI Batzarraren lehen saioa, iazko irailaren 27an, Hendaian egindakoa, orduan ikastola mugimenduaren etorkizun hurbila seinalatzeko, eztabaidatzeko eta adosteko egina zen txostena, IKASTOLAK ORAIN ETA GERO deiturikoa, aurkeztu zen.

Hendaiatik Donostiara bitarteko aldian, ikastola bakoitzak IKASTOLAK ORAIN ETA GERO txostenean egiten ziren proposamenak aztergai izan ditu, baita zuzenketa-proposamenak egin ere, eta horiek jaso ostean Euskal Herriko Ikastolen Konfederazioak azken proposamen ofiziala prestatu du, eta gaur Ikastolen VI Batzarraren bigarren saioan bozkatu da. Bi ikasturte oso, 2006/07koa eta 2007/08koa eman dituzte ikastolek gaurdaino, IKASTOLAK ETA ETORKIZUNA izenburupean gogoeta prozesuari ekin ziotenetik azken proposamenera heldu arte.

Lau gai jarri dira bozkan:

1. Nolako ikastola-eredua nahi da? Gaurko eredutik etorkizuneko eredura zein ezaugarri gorde behar dira? Eta zein elementu berri txertatu behar dira? Eta honi Ikastola 2020 deitu zaio.
2. Nolako hezkuntza-aukera egin nahi da? Gaurko hezkuntza-aukeratik zein hezkuntza-aukerara pasatu nahi da? Ikastolek 1996ko urrian hasi zuen curriculumari buruzko ikerketaren emaitza, alegia, EUSKAL CURRICULUMA, beste eskola eta ikastetxe batzuekin batera Euskal Herrian egin den heziketa-ikerketa zabalena bilakatu dena.
3. Nolako antolaketa kolektiboa izan behar dute ikastolek? Federazioak ikastolen bazkidetzaren erakundeak izanez, eta haien bidez Euskal Herriko Ikastolen Konfederazioan esku hartu badute ere, urrats bat, pausu kualitatiboa egin behar zutela uste zuten (egungoa hobetzeko, errazagoa eta eraginkorragoa bihurtzeko, ikastolatik hurbilago jarduteko eta zuzenagoko esku hartzea ahalbidetzeko) ikastolek behar zituzten zerbitzuak denentzat, denonak eta hobeto eskainiak izan daitezen, eta azken finean erakunde argia, ulertzen erraza, bai kanpokoentzat, baita etxekoentzat ere, aitzingidaria, buru bakarrekoa. Eta honi ANTOLAKETA KOLEKTIBOA 2009-2014 deitu zaio.
4. Eta nolako izan behar du ikastolen hurrengo plan estrategikoak? Iazko irailean I. PLAN INTEGRALA bukatu zen, eta segidakoa behar zuten, lehenak eman zizkien fruitu oparoak ugaltzeko eta hobetzeko. Bost ikasturteetan zehar kudeatu behar duten plan estrategiko honi, 2009-10 ikasturtean hasi eta 2013-2014 ikasturtean amaituko litzatekeenari, II PLAN INTEGRALA deitu diote.

Lau gai nagusiok, elkarri lotuak, IKASTOLAK ORAIN ETA GERO titulu nagusiarekin, erabaki dira lau bozketa bereziren bidez.

Bozketen emaitzak

1. IKASTOLA 2020 deitu zaio.
2. EUSKAL CURRICULUMA, beste.
3. ANTOLAKETA KOLEKTIBOA 2009-2014 deitu zaio.
4. II PLAN INTEGRALA deitu diote.

IKASTOLA 2020
IKASTOLEN OINARRIZKO CURRICULUM KOMUNA
ANTOLAKETA KOLEKTIBOA 2009-2014
IKASTOLEN II PLAN INTEGRALA

Ondorioak
IKASTOLAK ORAIN ETA GERO txostena onesteak, Ikastolen mugimenduaren sendotasuna erakusten du. XXI mendearen lehen hamarkadetan ikastolen proiektuaren berritzea ekarri du Ikastolen VI. Batzarrak. Besteak beste, Euskal Herriko ikastola guztiak erakunde bakar batean bazkidetuta biltzen dituen Europar Kooperatiba da nobedaderik handietarikoa. XXI mendean Europan onetsitako eredua, eta ikastolen mugimenduak baliatuko eta egokituko duen eredua. XXI. mendekoa, beraz.

1950. hamarkadaren amaiera aldean abian jarri zen ikastola mugimendu berriak, berrogeita hamar urte betetzen duen garaiotan, 2009an, oso ezaugarri bereziak, oreka bizi eta dinamikoa biltzen du, hots, haurraren ilusioa eta mugikortasuna, gaztearen eraldaketa gogoa eta helduen eskarmentua.

Ikastolak etapa luze baten helmugara iritsiak dira, eta etapa berria urratzera doaz.

Ikastolak euskal hezkuntzaren erreferentzia izan dira eta orain ere badira. Ikastola bakoitzak eta ikastolek elkarrekin osatu duten sareak ez du bizi izan gaur bezalako unerik, ez Pirinioen Iparraldeko lurraldean, ez Hegoaldekoan, ez Euskal Herriko mendebaldean, ezta Ekialdean ere.

Euskal Hezkuntza utopia izatetik euskal lurralde guztietako haur eta gazteen aukera nagusia izatera pasatu da. Eta horren barruan, ikastolek Euskaldun Hezkuntza indartu dute, eguneroko jardun praktikoaz eta sarean sortu duten hezkuntza-zerbitzuen enpresa modernoa eta abangoardistaren bidez, hau da, Ikastolen Elkartearen bidez, hain zuzen ere.

Euskal Herria mundu zabalera inoiz baino irekiago dagoen sasoi honetan, IKASTOLAK ORAIN ETA GERO txosten onetsian ezartzen dituen helburu eta jardueren bidez ikastola mugimendua Euskal Herrian eta Mundu zabalean jokatzeko `prest da:

• IKASTOLA eredua ikertuz, garatuz eta berrituz, 2020 urterako proiektua duelako
• Heziketa lanean, IKASTOLA ereduari lotutako Euskal Curriculuma duelako
• Bere proiektuak abian jartzeko eta kudeatzeko Europar Kooperatiba berria duelako
• Eta pausurik pausu, bost urtetarako helmuga, II. Plan Integrala bidez, jarri duelako

Honaino iristeko, ez da makala izan eztabaidaren eta kontrastearen bidea. Bi ikasturte oso eman dute, ideiak biltzen, ordenatzen, adosten eta testu batean jasotzen. Ikastoletako ordezkariak, federazioetakoak, ikastoletako zuzendariak, zerbitzu kolektiboetako arduradunak eta teknikariak, federazioetako zuzendariak … izan dira protagonista, parerik gabeko auzolanean.

Ikastolei aurkezpenak egin, ez behin bakarrik, birritan baizik, eskatu diren guztietan, euskal lurraldeetako txoko eta bazter guztietan izan dira. Adosteko bilkurak, elkarrizketak, banan-banakoak, bitarikoak … egin dira, konpromisoak, joan-etorriak, hitz hartzeak, testuetan ñabardurak … egin dira. Guztira, ikastolekin eta federazioekin 48 saio kolektibo egin dira, ikastolek 284 saio partikular burutu dituzte eta orotara baliatu diren orduak 1.300tik gora izan dira.

Ikastolek erakundea direla eta sen instituzionala dutela frogatu eta egiaztatu dute, lanaren eta eskarmentuaren emaitza, beren habitus kolektiboa da, beren estiloaren lekukotza erakusten duena.

Ikastolak Eredu dira. Eredu bat dute. Heziketarako eredua. Ikastola bakoitzean aritzeko eta Ikastolen Elkartean jarduteko eredua. Tokian tokiko ingurunean, auzoan, herrian, lurraldean, Euskal Herrian eta mundu zabalean egiten dutena agertzeko eta beste batzuen lankidetzatik ikasteko eredu bat dute. IKASTOLA EREDUA