Hiri Hezitzailea proiektuaren barnean, hirugarren ekitaldia burutu dugu gaur, maiatzaren 31an, Jakintza ikastolako DBH 2ko komunikazio taldeak.

Hasi aurreko urduritasunak soinetik kenduta, arratsaldeko 15:30ean, dotore dotore jantzita, agertu dira gure artistak Jubilatuen Batzar Aretora. Gaur egun arrotza egiten zaigun eskola zaharra, une batez, begien bistan izan genuen, bere janzkera, ohitura eta erritoekin. Entzuleen artean zegoen jendeari barre algara bat baino gehiago eragin dio antzezpenak.

Gertuagoko bizipenak izan dira, gaur egungo eta etorkizuneko eskola azaldu dutenekoak. Dena den publiko artean zegoen bakarren batek komentatu du antzerki honetan gertatutako aldaketak baino handiagoak gertatuko direla etorkizuneko eskolan.

Beti bezala, denbora izango da horren lekuko eta egindako aipamenari arrazoia eman edo kenduko diona.

Apirilaren 26an iragarrita bezala, Jakintza ikastolako DBH 1eko komunikazio taldea, Maider Bartolomeren gidaritzapean Ordiziako jubilatuen etxera hurbildu zen.

Gure ikasle taldeak bazuen bete beharreko eginkizun garrantzitsu bat arratsalde horretan. Azken bi urte hauetan lantzen joan da Ordizian Hiri Hezitzailearen proiektua. Ordiziako Udala eta Euskal Herriko Unibertsitatearen gidaritzapean partaide izan gara Ordiziako eskola, elkarte edo eragile ezberdinak. Proiektuaren lehen fasea egin den honetan, iritsi da ekintza ezberdinak garatzeko unea.

Arratsaldeko 15:30etarako, jubilatuen etxeko Batzar Aretoa leporaino beteta zegoen eta gure ikasleen zain zeuden bertara hurbildutako aiton amona eta/edo gurasoak.

Oholtza gainean, antzerki mutuak eskaini ziren eta gorputz espresioaren bidez, bertara hurbildutakoen arreta lortu zuten gure antzezleak.

Esango genuke gustura irten zirela aiton amonak eta baita gure ikasleak ere. Zalantzarik ez dago belaunaldi ezberdinen arteko proiektuak, harremanak edo transmisioak oso interesgarriak direla. Denok ikasten baitugu besteengandik, kasu honetan gure ikasleak hurbildu dira jubilatuen etxera eta hurrengoan jubilatuak etorriko dira gure ikastolara, izan ere, sekulako altxorra eta jakinduria baitute beraiekin. Esan dugunaz gain, garrantzitsuak diren beste balore batzuk lantzeko oso baliagarriak dira lanketa hauek. Saioaren amaieran horixe izan zen azpimarratu genuena, batez ere ikasleek jarri zuten gogoa, arreta eta interesa aiton amonak gustura uzteko.

Amaitzeko, ekitaldian ateratako argazki sortarekin uzten zaituztegu.

DBH 1eko ikasleok, apirilaren 14an, Arriarango urtegia eta Legorretako araztegia ezagutzera joan ginen.

Eguraldi ederra lagun genuela, goizean Arriarango urtegira joan ginen eta bertako arduradunek esplikatu ziguten nola biltzen den ura eta edangarria bihurtzeko zer prozesu edo tratamendua egiten duten.

Arratsaldean, Legorretako araztegira joan ginen eta bertan ikusi ahal izan genuen Goierriko herrietatik iristen diren ur poluituak (zikinak) nola garbitzen diren Oria ibaira isuri aurretik.

Ingurunea zaintzea denon eta norbanakoen eginkizuna izanik, egun horretan ikasitakoa, gure egunero bizitzan aplikatzea eta praktikan jartzea da benetan garrantzitsua.

Horra hor egun horretan atera genituen argazki batzuk.

Eguraldiak bat ere lagundu ez duen arren, urtero bezala, euskal inauteriak Ordiziara iritsi dira Jakintza Ikastolaren eskutik. Hotzak, elurrak, hezetasunak eta giro desatseginak ez dute lortu gure ikasleen animoa zapuztea eta, azkenean, emanaldi politak eskaini dizkigute bai Haur Hezkuntzako ikasleek baita Lehen Hezkuntzakoek eta DBH 1ekoek ere.

Lehen Hezkuntzako ikasleak Beti Alai frontoian aritu dira eta Haur Hezkuntzakoak Villa Eugeniako barruko jolastokian. DBH 1eko ikasleen Akelarrea, berriz, bi emanaldietan ikusteko aukera izan dugu.

Zakuzaharrak, Miel-Otxin, Sorginak, Txorimaloak, Kotilungorriak, Baserritarrak, Iñudeak eta artzainak, Luzaideko bolantak, Txori-izugarriak, Abaltzisketako txantxoak, Joaldunak… denak bikain aritu dira eta bildutako ikusleen errekonozimendua jaso dute txalo zaparrada beroen bitartez. Gure ikasleen ahalegina eta ilusioa ez zen gutxiagorako. Zorionak guztiei!!!

Grabatutako bideo eta argazkiekin uzten zaituztegu.

Bideoa:

Bideo hau Full HD kalitatean ekoiztu eta igo dugunez, kalitate osoz ikusteko, “Play” botoia sakatu eta gero, erreproduzigailuaren barraren eskuinaldean “360p” agertzen dela ikusiko duzue. Bada, sagua bere gainean jartzerakoan, beste aukera batzuk agertzen direla ikusiko duzue. Zenbakia zenbat eta altuagoa orduan eta kalitate hobea. Hori bai, bideoa kargatzeko ere zenbat eta kalitate handiagoa orduan eta denbora gehiago bideoa kargatzeko. Konexio ona baduzue edo denbora baduzue, merezi duelakoan gaude. Pantaila osoan jarri eta gozatu!!!

Goierri Telebistak argitaratu duen bideoa:

Goierri Telebistaren web orrian argitaratu duten bideoa

Argazkiak:

Aurreko asteazkenean, urtarrilaren 13an,   Dbh 3ko ikasleak Belaguako iraupen eski pistetan jo eta su ibili ziren eskiatzen.

Goizeko 07:30ean Arboledatik irten eta 11:00etan Larrako eski pistetan materiala hartuta prest zeuden ikastaroa burutzeko. Hiru orduko ikastaroaren ondoren, beraiek zioten moduan, denak eskiatzaile “pro” bihurtu ziren. Goizean ikasitakoa praktikan jarri asmoz, arratsaldean ere gozatu handia hartu zuten, oraingo honetan bere kaxa.

Pena handiz baina etxera itzultzeko garaia iritsi zen eta egun polita igaro ondoren iluntze aldera itzuli ziren Ordiziara. Nolako eguna pasa zuten jabetzeko nahikoa duzue argazkiak ikustea. Datorren urtean 2 egun?

Gaur Xiker inoiz baino urduriago etorri da ikastolara, izan ere, Kultura Garaikideko lanaren aurkezpena egin behar du goizeko lehen orduan. D.B.H. 4B gelako ikasleak beren tokiak hartu eta Xikerri entzuteko prest jarri dira. Proiektorea piztu orduko, bere “pendrive”a atera eta dena prest dauka aurkezpenarekin hasteko!

Bideo honetan ikus dezakezue ederki egin duela bere lana. Bejondeizula Xiker!!!

Urriaren 27an hasitako formazio saioari jarraipena eman diogu gaurkoan DBHko etapan. Denok dakigu DBHko etapak bere zailtasun propioak badituela elkarbizitza eta bizikidetza arloan. Gaurko saioan, DBHko irakasleok jardun dugu hain garrantzitsuak diren elkarrekin bizitzen ikasi eta norbera izaten ikasi bezalako konpetentzia orokorrekin erlazionatutako hainbat jarduera aztertzen eta lantzen. Jakintza ikastolaren komunitatean sortzen diren gatazkak behar diren bezala kudeatzeko eta bertatik ondorio positiboak ateratzeko, trebatzen jardun dugula esan behar dizuegu.

Gatazka baten aurrean, benetako interesetan oinarritutako negoziazioa, bere fase ezberdinak. Bertan erabili beharreko doinu edo tonu positiboa, kontuan izan beharreko arauak, era askotako irtenbideak proposatzea….etab izan dira landu ditugun eremuak.

Hiruko taldeak egin eta ariketa praktiko bat landu dugu. Egia esateko, gaurko gatazkak nahikoa ondo kudeatu ditugulakoan gaude, ez da oso konplikatua izan. Jakin badakigu gatazka errealak ez direla hain modu xamurrean kudeatuko. Halere zalantzarik ez dugu trebakuntza hau guztiz baliagarria izango zaigula gatazka errealetarako ere.

Eusko Jaurlaritzako Hezkuntza Sailak Derrigorrezko Bigarren Hezkuntzako 2. Zikloko eta Batxilergoko ikasleentzat atzerrian alemana, frantsesa eta ingelesa ikasteko kurtsoetarako plazen deialdia kaleratu du.

Laguntza hori eskatzeko aginduan adierazitako ondorengo baldintzak bete behar dira:

a) 2008-2009 ikasturteko beken deialdi orokorreko beka-onuraduna izatea. Plazak betetzen ez badira bekadun ikasleekin, bekadun ez direnek ere, lurralde eta txanda bakoitzean geratu diren plaza horiek betetzeko aukera izango dute, baldin eta gainontzeko baldintzak betetzen badituzte eta puntuaziorik handienak atera badituzte.

b) Hezkuntza, Unibertsitate eta Ikerketa Sailak aurreko urteetan atzerrian ikastaroak egiteko deitu dituen plazen onuradun ez izatea.

c) Eskatutako plazari dago(z)kion hizkuntza(k) 2007/2008 eta 2008/2009 ikasturteetan ikasi izana, azkeneko hau Autonomi Erkidegoko Bigarren Hezkuntzako ikastetxe batean.

d) Eskatutako hizkuntzan gutxienez 6ko puntuazioa izatea, eta gutxienez 15eko puntuazioa izatea nota hau eta 2008/2009 ikasturteko batazbesteko nota batuta.

e) 2010. urtean 19 urte betetzea, gehienez.

Internet bidez bete beharko du eskatzaile bakoitzak bere eskaria (http://www.hezkuntza.ejgv.euskadi.net edo www.ikasle.net helbidean BEKAK, UNIBERTSITATEZ KANPOKO IKASLEAK atalean) eta ikastetxean entregatu aita, ama edo legezko tutoreak izenpetuta eta NAN edo pasaportearen kopiarekin batera.

Eskaera aurkezteko epea azaroaren 30ean amaituko da. Interesaturik zaudetenok zuen eskaera ikastolako administrazio bulegoan (Altamira auzoan) aurkeztu behar duzue.

Azken urteotan, hezkuntza munduan gehien entzuten den hitza, zalantzarik gabe, “konpetentzia” da. Guk, gai horren inguruan eta curriculum ezberdinen inguruan sortzen ari diren informazio guztiak arreta handiz jarraitzen ditugu eta dokumentazioa gure web orri honen atal honetan argitaratzen dugu. Oraingo honetan, Hezkuntza Sailak gune honetan argitaratu dituen dokumentu interesgarriak dakarzkizuegu.

Argitaratu berri duten dokumentazio honetan, horrenbeste entzun dugun konpetentzien gaia jarduera didaktikoetan nola gauzatzen den ikusteko eredu bat dugu. Beharbada, eredu hobeak edota ezberdinak egon daitezke, baina euskaraz ekoiztutako material gutxi dagoen honetan, oso ongi egon daiteke ikastolako komunitatea osatzen dugun guztiok gaiaren nondik norakoa ezagutzeko.

DOKUMENTAZIOA

Dokumentazioa ikusi

Oinarrizko konpetentziak EAEko hezkuntzan / Competencias básicas en la educación de la CAV

D.B.H. (Derrigorrezko Bigarren Hezkuntza)

Zientzia, teknologia eta osasun kulturarako gaitasuna

Orientabideak / Orientaciones

Sekuentzia didaktikoak

Hizkuntza-komunikaziorako gaitasuna

Orientabideak / Orientaciones

Sekuentzia didaktikoak

Matematikarako gaitasuna

Orientabideak / Orientaciones

Sekuentzia didaktikoak

LEHEN HEZKUNTZA

Oinarrizko gaitasunak 1 (zientzia, teknologia eta osasun kultura, matematika, hizkuntza-komunikazioa): orientabideak / orientaciones

Oinarrizko gaitasunak. Material didaktikoa 1
Oinarrizko gaitasunak. Material didaktikoa 2

Dokumentazioa jaitsi PDF formatuan

Oinarrizko konpetentziak EAEko hezkuntzan / Competencias básicas en la educación de la CAV

D.B.H. (Derrigorrezko Bigarren Hezkuntza)

Zientzia, teknologia eta osasun kulturarako gaitasuna

Orientabideak / Orientaciones

Sekuentzia didaktikoak

Hizkuntza-komunikaziorako gaitasuna

Orientabideak / Orientaciones

Sekuentzia didaktikoak

Matematikarako gaitasuna

Orientabideak / Orientaciones

Sekuentzia didaktikoak

LEHEN HEZKUNTZA

Oinarrizko gaitasunak 1 (zientzia, teknologia eta osasun kultura, matematika, hizkuntza-komunikazioa): orientabideak / orientaciones

Oinarrizko gaitasunak. Material didaktikoa 1
Oinarrizko gaitasunak. Material didaktikoa 2

Badira zenbait urte Guraso Eskola ekimenaren barnean hitzaldi ziklo ezberdin antolatu izan direla Jakintza Ikastolan . Aurten ere esperientziari jarraipena eman nahi diogu, eta horretarako 2008-09 ikasturteko ekitaldiekin hasteko garaia iritsi zaigu.

Oraingo honetan DBHko gurasoei iritsi zaie txanda eta egingo diren bi saioen berri eman nahi dizuegu. Ohartxo honen bidez, bilera hauetarako gonbitea luzatuko dizuegu.

Datozen bi astearteetan, maiatzak 26 eta ekainak 2, Aitziber Aierdik zuzenduko dituen hitzaldietan gure seme-alaben heziketak familia osoko harremanetan duen eragina aztertuko da. Jarraituko den gidoia honako hau izango da.

1. Bikoteak pasatzen dituen fase ezberdinak eta etapa bakoitzaren ezberdintasunak.
2. Gurasoen rola. Familia ikasi eta gozatzeko gunea.
3. Nola egiten dira familian lotura afektiboak eta bitzitzan zehar hauen eragina.
4. Komunikazio asertiboaren garrantzia familia barnean.
5. Babes errekurtsoak familian.

Noiz: Maiatzaren 26 eta ekainaren 2an (asteartea) arratsaldeko 05:30ean
Non: San Inazioko Aretoa
Gaia: Seme-alabaren heziketa eta familia
Norentzat: DBHko gurasoentzat
Hizlaria: Aitziber Aierdi

LA EDUCACIÓN DE NUESTROS HIJOS Y LA FAMILIA

Desde hace varios años la Ikastola Jakintza lleva impulsando diferentes actividades dentro de la Escuela de Padres. Durante el curso actual 2008-09 queremos continuar con dicha iniciativa y para ello es nuestra intención comenzar próximamente con dos reuniones dirigidas expresamente a los padres de EDUCACIÓN SECUNDARIA.

Por medio de esta nota queremos invitaros a las charlas que se celebrarán los días 26 de mayo y 2 de junio (martes), para todos los padres y madres de Secundaria. Aitziber Aierdi nos asesorará sobre la influencia que la educación de nuestros hijos tiene en las relaciones entre todos los integrantes de la familia. El esquema o guión será el siguiente:

1. Diferentes fases y etapas en la pareja.
2. Función de los padres. La familia como lugar educativo y de placer.
3. Lazos afectivos en la vida familiar.
4. La asertividad en la familia.
5. Recursos de apoyo para la familia.

Día y hora: 26 de mayo y 2 de junio ( martes) 05:30 de la tarde
Lugar: Salón de Actos de San Ignacio
Tema: La educación de nuestros hijos y la familia
Dirigido a: Padres y madres de Secundaria
Ponente: Aitziber Aierdi