Kosta egingo zaigu aurreko larunbatean ikastolan bizi izandakoa ahaztea. Duela 16 urte gure ikastolan jakintzaren ibilbidea hasitako ikasleen agurra bizi izan genuen eta ibilbide hori beste esparruetan burutzera joan aurretik, orain arte bidelagun izan diren ikaskide, irakasle eta gurasoekin ekitaldi berezi eta hunkigarria antolatu ziguten.

Ekitaldiak, ikastolan izan duten ibilbidearen antzean, denetarik izan zuen; malkoak, barre algarak, besarkadak… Hori guztia bideo batean jasotzea ezinezkoa bada ere, jarraian doakizuen bideo sorta horrekin, ideia bat egin ahal izango duzue.

Jakintza Ikastolaren izenean, mila esker 92ko ikasle guztiei ikastolatik alde egin baino lehenago horrelako ekimen goxoa antolatzeagatik. Orain hastera zoazten bide berri horretan hoberena opa nahi dizuegu eta gogorarazi nahi dizuegu Jakintzan familia bat izango duzuela nahi duzuenerako.

IKASLEEK EKOIZTUTAKO MUNTAIA

TELEFONO BATEZ GRABATUTAKOA

Informazio gehiago Batxilergoko blogean

Gure ikastola sortu zenetik gurekin izan dugun Rosa Lasa (Rosarito) jubilatu egin zaigu. Lan gogorra egitea egokitu zitzaion, batez ere hasierako urte gogor eta zail haietan, baina bere adore eta kemenari esker aurrera egiten lortu zuen eta gure herriko belaunaldi askoren euskaldunizazio eta alfabetizazioan egundoko lana egin zuen.

Orain, ongi merezitako atsedena iritsi zaio, baina gertu daukagu eta beti esku bat botatzeko prest izango dugula, jakin badakigu. Bejondeizula!!!