Aurreko astean, gure mendizaleek Somportera eginiko asteburuko irteeraren kronika argitaratu genuen. Kronikarekin batera, bertan ateratako argazki bilduma ere jarri genizuen.

Bada, gaurko honetan, bertan grabatutako bideoaren berri eman nahi dizuegu. Ohitzen hasita gaude, baina itzelak iruditzen zaizkigu gure Spielberg honek egiten dituen bideo zoragarriak. Beldur gaude Hollywood-etik ez ote dioten deituko.

Zorionak Imanol eta horretan ari zareten guztiok egiten duzuen lan eredugarri eta bikain honengatik. Jakintza Ikastolako komunitatearen izenean, mila esker!!!

Berdinen arteko Ikaskuntzari buruzko Bartzelonako Unibertsitate Autonomako Ikerketa Taldeak bultzatutako Proiektu honen burua den David Duran Gisbert-en eskutik “Bikoteka Irakurtzen” egitasmoa ikasturte honetan abian jarri dugu Lehen Hezkuntzako 6. mailan.

Proiektu honen helburuen artean, ikasle eta familiekin berdinen arteko tutoretza burutzea irakurmen konpetentzia hobetzeko nabarmentzen bada ere, bizikidetza sustatzeko eta beste baloreen lanketa burutzeko aukera paregabea eskaintzen du.

Hemen ez dugu proiektuaren xehetasun guztiak azalduko, baina ideia bat egiteko, jarraian, proiektuaren ezaugarri gutxi batzuk eta ikasleei ematen zaizkien aholkuetako batzuk ipintzen dizkizuegu. Horien azpian, saio arrunt batean bi geletan grabatutako bideoa eta ateratako argazki sorta bat uzten dizuegu.

EGUNERAKETA:

Proiektuko arduradunek (UABkoek) argitaratutako DVDtik bideo bat atera dugu eta ikastolako bideoaren azpian jarri dizuegu.

EZAUGARRIAK

• Proiektua ikasle, senide eta irakasleentzat zuzenduta dago. Guztiek prozesuaren ardura hartzen dute.
• Ikasleek rol ezberdinak betetzen dituzte: irakasle eta ikaslearen rola.
• Testuinguru ezberdinetako testuak hautatzen dira.
• Irakaslearen rola duenak testuaren prestakuntza etxean burutuko du.
• Gelan, elkarrekin irakurriko dute eta zuzentasuna bilatuko dute.
• Ulermena jorratzeko jarduerak burutuko dituzte.
• …

AHOLKUAK

• Etxean, ekintzen orrialdea prestatu. Zure ikasleak izan ditzakeen zailtasunak pentsatu eta bilatu nola konpondu.
• Ikasleak bakarrik irakurtzen duenean eta zuk PPP metodoa erabiltzen duzunean, gogoratu Pausa markatzen duzunean, emaiozu denbora berak bakarrik zuzentzeko. Pistekin, berdin. Eta beti bukatu behar duzu sarirako den P erabiliz, irakurtzen jarraitzeko animatuz.
• Ikasleak ahal dizu ez dakizun zerbait galdetu. Ez da ezer gertatzen. Esan argi eta garbi ez dakizula eta bien artean bilatu erantzuna. Hiztegia gertu edukitzea baliagarria da. Ahal diozu andereñoari / maisuari galdetu edo hurrengo saiorako utzi edota zuk bilatu erantzuna, zure kabuz.
• Gogoan eduki beti: erakustea ikasteko modurik hoberena da. Kontuan hartu zure ikaskideari lagunduz zuk ere hobetzen duzula.

BIDEOAK

ARGAZKIAK

Berriro ere, gure mendizaleen kronika batekin gatoz. Ikusiko duzuen bezala, gure mendizale ausart hauek ez dira erraz kikiltzen diren horietakoak eta elurra eta izotzari aurre eginez, igandean ez zuten barkatu eta Arabako lautada izoztuaren barrena ibili ziren. Horra hor eguneko kronika:

Igandean, Olano mendira igotzeko asmoak elurraren erruz zapuztu zitzaizkigun, baina ordainetan edo, lautada izoztuaz gozatzeko aukera izan genuen. Asparrena udalerriko Egino eta Araia arteko zelai zabalek Siberia aldeko paisaien antza zuten:

Burruntziak nonahi eta antzigarra zuhaitzetako adarretara itsatsita. Abereak eta basapiztiak buru makur, apal, gosez eta hotz, muturren aurrean pasatzen zihoan “hankabidunen” taldeari begira. Tropel koloretsu hartako txikienen jolasgura ulergaitz izango zuten.

Haurrak eta otsokumeak elurra pozez hartzen duten bakarrak direla aspaldi entzun nuen…

Bideoa:

Argazkiak:

Asko gustatu zaigu Goierri Telebistak Ordiziari buruz eskaintzen digun bideoa eta hori dela eta, hona ekartzea erabaki dugu. Gainera, gure herria aurkezteko aukeratutako Eñaut Gereñu, gure ikasle ohia izanik, ez dugu ezkutatuko ilusio handia egin digula eta harrotasun puntu bat ere sentiarazi digula.

Goierri telebistak bideoa txertatzeko koderik eskaintzen ez duenez, bideo jaitsi eta beste gune batera igo dugu hona ekartzeko eta zuen esku jarri ahal izateko.

Bideo honetan, Eñautek duen ikuspegitik, Ordiziako txokoak, ezaugarriak, ohiturak… azaltzen dizkigu. Ea zuei guri bezain beste gustatzen zaizuen.

Eguraldiak bat ere lagundu ez duen arren, urtero bezala, euskal inauteriak Ordiziara iritsi dira Jakintza Ikastolaren eskutik. Hotzak, elurrak, hezetasunak eta giro desatseginak ez dute lortu gure ikasleen animoa zapuztea eta, azkenean, emanaldi politak eskaini dizkigute bai Haur Hezkuntzako ikasleek baita Lehen Hezkuntzakoek eta DBH 1ekoek ere.

Lehen Hezkuntzako ikasleak Beti Alai frontoian aritu dira eta Haur Hezkuntzakoak Villa Eugeniako barruko jolastokian. DBH 1eko ikasleen Akelarrea, berriz, bi emanaldietan ikusteko aukera izan dugu.

Zakuzaharrak, Miel-Otxin, Sorginak, Txorimaloak, Kotilungorriak, Baserritarrak, Iñudeak eta artzainak, Luzaideko bolantak, Txori-izugarriak, Abaltzisketako txantxoak, Joaldunak… denak bikain aritu dira eta bildutako ikusleen errekonozimendua jaso dute txalo zaparrada beroen bitartez. Gure ikasleen ahalegina eta ilusioa ez zen gutxiagorako. Zorionak guztiei!!!

Grabatutako bideo eta argazkiekin uzten zaituztegu.

Bideoa:

Bideo hau Full HD kalitatean ekoiztu eta igo dugunez, kalitate osoz ikusteko, “Play” botoia sakatu eta gero, erreproduzigailuaren barraren eskuinaldean “360p” agertzen dela ikusiko duzue. Bada, sagua bere gainean jartzerakoan, beste aukera batzuk agertzen direla ikusiko duzue. Zenbakia zenbat eta altuagoa orduan eta kalitate hobea. Hori bai, bideoa kargatzeko ere zenbat eta kalitate handiagoa orduan eta denbora gehiago bideoa kargatzeko. Konexio ona baduzue edo denbora baduzue, merezi duelakoan gaude. Pantaila osoan jarri eta gozatu!!!

Goierri Telebistak argitaratu duen bideoa:

Goierri Telebistaren web orrian argitaratu duten bideoa

Argazkiak:

Kalean dira jada Ikastolen Ekarteak ekoiztutako bideoak 2010eko matrikulazio kanpainarako.

Argitaratu berri duten bideoa euskaraz eta gazteleraz argitaratu dute eta hona dakarzkizuegu ikus ditzazuen.

BIDEOA EUSKARAZ

Ya están en la calle los videos producidos por la Asociación de Ikastolas para la campaña de matriculación 2010.

VIDEO EN CASTELLANO

Egun hauetan, matrikulazio kanpaina dela eta, bideo ezberdinak aurkeztu dizkizuegu (Bat eta Bi). Bideo horiekin, gure ikastolaren errealitatea beste ikuspegi batetik erakutsi nahi izan dizuegu.

Guztiok ditugun ametsak egia bihurtzeko ikastolak ahalegin guztiak egiten ditu guztiongandik ahalik eta gertuen egoteko eta ametsak gauzatze prozesuan laguntzarik egokiena eskaintzeko. Aurreko bideo horiekin eta orain aurkezten dizuegun azken honekin, horixe da irudikatu nahi izan duguna. Ordu asko eta ekintza ugari dira grabatuta ditugunak eta guztia hemen agertzea ezinezkoa denez, hautatutako zatitxoak baino ez ditugu jarri. Normala denez, ikasle eta ekintza ugari ez dira agertzen, baina ikasturtea oso luzea da eta izango dugu horretarako aukera.

Beraz, oraingoarekin geldituko gara eta ikasturtean zehar joango gara abanikoa zabaltzen. Ikusi, entzun eta gozatu.

Aurtengo matrikulazioari buruz argitaratu dugun guztia.

Todo lo publicado sobre la matriculación de este año.

Aurreko ostegunean, urtarrilaren 28an, ETB 3ko 4. Denbora saioan, erreportaje bat eskaini zuten Ordiziako Errugby Taldeak ikastetxeetan, harrobia sustatzeko, egiten duen lanari buruz.

Erreportajea grabatzeko gure ikastola aukeratu eta DBH 1eko talde batekin Majori Kiroldegian eginiko saioa grabatu zuten. Bideo originalean bestelako gaiak jorratzen dira eta oso luzea izan zitekeenez, aipatutako erreportajea (ia 10 minutukoa) atera dugu eta hemen jartzen dizuegu.

Zure ametsak egia bihurtzeko, Jakintza Ikastola beti aldamenean daukazu. Bideo honetan, ikastolaren egunerokotasuna jasotzeaz gain, ikasleek amesten dutena eta gure ikastolak Ordizian eta Goierrin dituen sustraiak ere irudikatu nahi izan ditugu.

Nolanahi ere, irudi eta musikaren indarraren aurrean gure hitzak soberan daude. Entzun ikusi eta gozatu.

Aurtengo matrikulazioari buruz argitaratu dugun guztia.

Todo lo publicado sobre la matriculación de este año.

Aurreko mezu batean esan genizuen bezala, 2010eko matrikulazio kanpainarako erabiltzen genuen iragarkia kentzea eta berri bat prestatzea erabaki genuen. Bada, jada, kalean dugu eta hemen aurkeztu nahi dizuegu.

Bideoa ekoizteko, Stop motion izeneko teknika erabili dute lan horretan aritu diren irakasleek. Baliabide eta denbora faltari aurre eginez, ilusioz gainezka aritu zirenek gainontzeko lankideen eta parte hartu duten ikasleen laguntza eskertu nahi dute, beraien jarrera bikain hori gabe, hau guztia ezinezkoa izango bailitzateke.

Iragarkia, beharbada, ez da ikastetxeok ekoizten dugun ohiko iragarki horietako bat non ikasleak gauza zoragarriak egiten azaltzen diren. Gurean, ikasleek ikastolan egiten duten ibilbidea modu ezberdin batean irudikatu nahi izan dugu, besterik ez. Ibilbide horretan amestutakoa egia bihurtzeko ikastolak eskaintzen dituen aukerak, gainditu beharreko oztopoak, hartu beharreko erabakiak, norbanakoaren esfortzua nahiz elkarlana… dira gure errealitatearen ikur garrantzitsuak eta fantasiazko bideo batekin adierazi nahi izan ditugu.

Ez dakigu hori guztia adieraztea lortu dugun, baina bideoa ikusteko aukera izan dugunok harrituta gelditu gara gure irakasle hauek egin duten lanarekin eta transmititzen duen mezuarekin. Txapela kentzeko modukoa iruditu zaigu eta espero dezagun zuei ere gustatzea.

Zuen iritziaren zain, hortxe uzten dizuegu gure produkzio berri hau bi neurri ezberdinetan: