Ordiziako Hitzaro Euskara Elkartearen web orrian jaso dugu ekitaldi honen berri eta hemen jartzen dizuegu.

Ikusi Makusi egitasmoaren lehen emanaldia izango da eta martxoaren 17an, asteazkenean, ospatuko da.

Rosa Martinezen “Rosa ipuin bat kontaidazu” txotxongiloen emanaldiarekin hasiko da Ikusi Makusiren aurtengo edizioa. Ikuskizuna 3 urtetik 8 urtera bitarteko neska-mutilei zuzenduta dago eta Barrenako Batzar Aretoan izango da, arratsaldeko 17:00etan.

Aspaldiko kontua bada ere, gure ustez, mezua lau haizetara zabaltzeko unea iritsi da. Ezazu Internet Explorer erabili!!!

Interneten etengabe zabaltzen diren mota guztietako arriskuak saihesteko, aukera ezberdinak dauden arren, lehenengoa eta garrantzitsuena nabigatzaile segurua erabiltzea da. Gure web orria bisitatzera zatozten zuetako askok (%45) Internet Explorer erabiltzen duzue eta horietatik %15ak nabigatzaile horren bertsiorik arriskutsuenarekin (Internet Explorer 6) jarraitzen duzue. Sarean, etengabekoak dira nabigatzaile horren arriskuak agerian uzten dituzten albisteak (1, 2, 3…), baina deigarriena, zalantzarik gabe, Frantzia eta Alemaniako gobernuek euren hiritarrei Internet Explorer nabigatzailea ez erabiltzeko luzatutako gomendioa izan da.

Horretaz gain, nabigatzaile horren 6. bertsioarekin jarraitzen duzuenok, segurtasun arazo larriak izateaz gain, web orri asko behar bezala ikustatzeko ezintasuna gehitzen zaizue. Adibidez, gure web orri honen funtzio guztiek ez dute behar bezala funtzionatzen bertsio horrekin, Youtube gune ezaguna eta arrakastatsuak, bihartik aurrera nabigatzaile horren 6. bertsioa ez du onartuko. Beraz, beste arrazoi bat nabigatzaile txar hori alde batera utzi eta beste batekin hasteko.

Dakizuenez, gure ikastolak software librearen aldeko apustua egin du eta ez dugu inongo erreparorik Firefox nabigatzaile moderno, seguru eta librea aholkatzeko. Kalitatearen arrazoiaz gain, gure hizkuntzan edo nahi duzuen hizkuntzan topa dezakegu, doakoa da, Euskalbar eta Xuxen bezalako gehigarriak gehitzeko aukera sinple eta oso erabilgarria eskaintzen digu.

Hori gutxi balitz, gure ikastolako IKT dinamizatzaileak, software libreari buruz ezarritako gunean, nabigatzaile honen inguruan behar duzuen informazioa, gidak, tutorialak, bideo-tutorialak… jarri dizkigu guztion esku, aldaketa arazorik gabe eman ahal izateko.

Beraz, badakizue, ez dago aitzakiarik: nabigatzaile seguruago bat, etengabe eguneratzen dena, azkarragoa eta euskaraz dakiena nahi baduzue, zalantzarik ez izan: Firefox erabili!!!

Ordiziako Euskara Zerbitzuak antolaturiko ikastaro honen berri jaso dugu Goierriko Hitza egunkariaren bitartez, eta bere interesa dela bide, hona dakarkizuegu oso osorik:

Udaleku irekietan aritu nahi duten begiraleei eta hezitzaileei zuzenduta Aisialdian euskararen erabilera sustatzeko programak izeneko ikastaroa antolatu du Ordiziako Euskara Zerbitzuak. Apirilaren 6, 7 eta 8an izango da ikastaroa Barrena kultur etxean, 10:00etatik 13:00etara. Hilaren 30ean bukatuko da izena ematekoa epea. Ordiziako herritarrek (10 euro) izango dute lehentasuna ikastaroan , baina matrikulazio epea bukatuta lekurik balego, inguruko herrietakoak (20 euro) ere onartuko dituzte.

Helburuak eta edukiak

Begiraleentzat eta hezitzaileentzat ez ezik, dinamizatzaile soziokulturalentzat eta erakundeetako teknikarientzat ere egokia izan daiteke ikastaroa. Aisialdiko ekipamenduetan euskara sustatzea, euskararen erabilera areagotzeko motibazio-estrategiak lantzea eta erabilera handitzeko tresnak ikastea da helburua. Sei gai landuko dituzte, batik bat: soziolinguistika aisialdian; hezitzaileen eginkizuna hizkuntzaren normalizazioan; hizkuntza normalizaziorako tresnak; hezitzaileen portaera egokiak; talde baldintza egokiak; eta baloreak eta jarrerak.

Aurreko asteko eta aste honetako astelehen eta astearteetan Guraso Eskolako saioak burutu ditugu Lehen Hezkuntza, DBH eta Batxilergoko gurasoentzat.

Lehen saioan, gizartearen eboluzioa eta egungo eskola ereduak egoera berrietara egokitzeko dituen zailtasunak, oztopoak… aztergai izan genituen han bildutakook. Modu berean, XXI. mendeko eskolak izan beharko lituzkeen ezaugarrien inguruan ere mintzatu ginen.

Beharbada, bertaratutako gurasoak, gai honek ustekabean harrapatuko zituen, baina saioaren amaieran, ziur gaude beste ikuspegi bat izango dutela. Izan ere, arazoa ez da zer egin dezakegun IKTak gelan txertatzeko, aitzitik, eskolak XXI. mendeko gizarteak eskatzen dituen erronka berrietara egokitzeko eman beharko lukeen aldaketa sakona burutu ahal izateko, IKTak ikastetxearen esparru guztietara eraman gabe eman dezake?

Tira, gaia interesatzen bazaizue, jarraian doakizue hitzaldi horietan erabilitako lehen aurkezpena, esandako guztiaren laburpen bat eta DBH 4ko ikasle batzuekin elkarlanean ekoiztutako bideo bat.

Bigarren saioaren informazio guztia aurki jarriko dizuegu eskura web orri honetan bertan.

Laburpena ikusteko, klikatu azpiko irudiaren gainean:

LABURPENA EUSKARAZ

BIDEOA

Los lunes y martes de ésta y de la pasada semana se celebraron las sesiones de la Escuela de Padres y Madres de Primaria, Secundaria y Bachillerato.

La primera sesión abordó la evolución de nuestra sociedad y las dificultades, obstáculos… que tiene la escuela para adaptarse a la nueva situación. Del mismo modo, se analizaron las características que la escuela del siglo XXI debería tener.

Tal vez, muchos de l@s presentes se vieran sorprendidos por la temática pero estamos convencidos que al finalizar esa primera sesión su punto de vista sería diferente. Ya que el problema no se trata de cómo implementar las tecnologías en el aula, sino que la cuestión es que ante los cambios profundos que debe realizar la escuela para adecuarse a la sociedad del siglo XXI, ¿se puede realizar dicho cambio sin llevar la tecnología a todos los apartados de la vida de la escuela?.

Bueno, si os interesa el tema, como ya habéis visto, ponemos a vuestra disposición la presentación de la primera sesión, un resumen en castellano tras este texto (hacer clic en la imagen para verlo) y un vídeo elaborado en colaboración con un grupo de alumn@s de 4º de la ESO.

La información completa de la segunda sesión la publicaremos en breve en esta misma página web.

RESUMEN EN CASTELLANO

Sortzen ditugun hondakinak ahalik eta hoberen birziklatzearren, aurten erronka berri bati heldu diogu gure ikastolan:

GAI ORGANIKOEN KUDEAKETA

Kudeaketa honen barruan ekintza batzuk burutzen ari gara:

Lorategitik sorturiko adar, orbel, hosto e.a sagastian jarritako konpostagailuan botatzen ditu Nikolasek.
Jangelan sorturiko barazki eta fruta azalak ikasleen bitartez bildu eta konpostagailuan botatzen ditugu.

Ikasleen parte hartze zuzena bultzatzearren, astean bitan atsedenerako fruta ekartzera animatzen ditugu, eta sortutako azalak, besteekin batera, konpostagailura botatzera. Bide batez, hamaiketako osasuntsua bultzatzen ari gara tarte batzuetan.

KONPOSTA, NOLA LORTZEN DA?

Konposta adarrak, hostoak eta janari-hondarrak naturalki deskonposatuz lortzen da. Prozesu horretan mikroorganismoek (bakteriek, onddoek…) eta organismo txikiek (zizare eta kakalardoek) beren lana egiten dute.
Materia organikoa konpost bihurtzeko konpostagailua erabil daiteke.

Egunean sortzen den zaborraren %33a materia organikoa da eta birzikla daiteke, KONPOSTA sortuz. Ondoren, lurrera itzuliko da berriro landare edo laboreentzako ongarri moduan.

Gure ikastetxean, sortutako konpostagailua urtarrilean zabaldu zen eta sortutako konposta bertako fruta-arbolak eta gainontzeko landareak indartzeko erabilitzen dugu. Bide horri eutsiz, hondakin gutxiago iritsiko da zabortegira.

Azalpen txiki hau eman ondoren, proiektu berri honetan parte hartzera gonbidatzen eta animatzen zaituztegu. Bide batez, mugikortasuna dela eta, “ikastolara oinez” lantzen jarraitzen dugula gogorarazi nahi dizuegu. Zorionak parte hartzen duzuen guztioi, eta ANIMO beste guztiei.

Lazkao Txiki hil zela 17 urte igaro dira, baina goierritarrok ez dugu ahaztu eta Lazkaomendiko Lartxai Elkartean Bertso-Afari bikaina antolatu da urteurrena ospatzeko.

Horra hor informazio guztia:

• BERTSOLARIAK: Xebastian Lizaso eta Amets Arzallus.
• MENUA: txorixoa, saiheskia, bakailaoa eta mamia.
• NOIZ: martxoaren 26an, ostirala, gaueko 8:30ean.
• NON: Lazkaomendiko Lartxai Elkartean.
• IZENA EMATEKO EPEA: martxoaren 23 baino lehen. Gerriko Liburudendan (943-88 65 00)
• PREZIOA: 22,00 €
• ANTOLATZAILEA: GOIERRIKO EUSKAL ESKOLA KULTUR ELKARTEA, LAZKAO-TXIKI TALDEA

Gauza jakina da gure artean gero eta etorkin gehiago dagoela. Horietako asko ostalaritzan ari dira lanean, eta bezeroek euskaraz eskatzen dutenean ezin erantzunda geratzen dira, edota gaztelaniaz hitz egiteko esaten diete bezeroei.

Horretaz jabeturik, euskaraz ez dakiten Ostalaritza ikastaroa antolatu du Ordiziako Udalak. Zerbitzua euskaraz bideratu ahal izateko bitartekoak eskaini nahi dizkie herriko tabernei eta jatetxeei, Ordiziako ostalaritzak eskaintzen duen zerbitzu ona are gehiago hobetuko duelakoan.

Ikastaroan, besteak beste, honakoak ikasiko dituzte ikasleek: edariak eta pintxoak euskaraz zerbitzatzen, bezeroak kontua eskatzen duenean ulertzen eta kobrantza egiten, mahaiaren erreserba egiten, eguneko menua eskaini eta eskaera ulertzen, eta abar.

Hona, labur-labur, ikastaroari buruzko informazioa:

• 60 ordukoa izango da ikastaroa.
• Astean bi orduko bost saio emango dira: astelehenetik ostiralera, 9:00etatik 11:00etara.
• Ikastaroa apirilaren 12an hasiko da eta maiatzaren 20ean amaitu.
• Ikastaroa Ordizian bertan emango da, Goiztiri-AEK euskaltegian (Dorrea etxea).
• HABEk argitaratutako Ostalaritza liburua erabiliko da.
• Matrikula: 10€. Baina %80ko gutxieneko asistentzia duenari 10€ horiek itzuli egingo zaizkio.
• Izen-ematea: Ordiziako Udaleko Euskara Zerbitzuan (Herritarren Arretarako Udal Bulegoan, Kale Nagusia 24; 943 80 56 22), martxoaren 31a baino lehen.

Inguruetako herrietako bizilagunak ere onartuko dira ikastaroan, lekua dagoen neurrian. Hargatik, inguruetako Udaletara informazioa bidali du Ordiziakoak, haien taberna/jatetxeetan eragin dezaten.

Aurreko astean, Lehen Hezkuntza, DBH eta Batxilergoko gurasoentzat bi saio antolatu ziren “Teknologia, ikaskuntza, sare sozialak…” bezalako gaiak jorratuz eta, aste honetan, bi saio horien jarraipena izango dugu. Gainera, Haur Hezkuntzako gurasoen txanda ere iritsi da, ostegunean hasiko baitira bizikidetzari buruz antolatutako saioak.

Antolatuta dauden saio guztien egitarauak jaitsi nahi izanez gero, jarraian horretarako aukera eskaintzen dizuegu:

EGITARAUAK JAITSI

• DBHko egitaraua (PDF 1 Mb)
• LHko egitaraua (PDF 1 Mb)
• HHko egitaraua (PDF 1,4 Mb)

Saioen kronologia errespetatuz, honako hau izango da aste honetan izango dugun egitaraua:

Bigarren saioa (Martxoaren 8an, astelehena, DBHkoentzat eta 9an, asteartea, LHkoentzat)

Ordua: 18:00etan

Tokia: Saninazioko Areto nagusian

Hizlariak: Jokin Lacalle (astelehenean) eta Mikel Etxarri (asteartean)

• Planteatzen zaizkigun egoera / arazo berriak

• Arazo / egoera berriak

• Identitate digitala:

• Zer da?

• Zer garrantzia du?

• Nola eraikitzen da?

• Komunikazioa / inkomunikazioa

• Bazterketa / Integrazioa

• CiberBullying

• …

• Nola jokatu?

• Gurasoen erantzukizuna

• Etxerako arauak / gomendioak

HAUR HEZKUNTZAKO GURASOENTZAT

BIZIKIDETZA

Lehen saioa (Martxoaren 11n, osteguna)

Ordua: 18:00etan

Tokia: Villa Eugenian

Hizlaria: Beatriz Ezeiza

Une honetan, eskolaren erronketako bat harreman hobeak bilatzea eta sortzea da. Bizikidetza positiboa ez da bat batean sortzen, gizarteak eta taldeak eraiki behar baitu. Gutxieneko baldintza sozial eta instituzional batzuk behar ditu, askoren artean lortutako akordioaren eta adostasunaren emaitza delako. Hori dela eta, gure ikastolan ahalegin berezi bat egiten ari gara hori jorratzeko eta antolaturiko saio hauek, horren lekuko garbi bat baino ez dira.

EGITARAUA

Zer da bizikidetza?

• Zergatik du gaur egun horrenbesteko garrantzia?
• Bizikidetza egoki bat izatearren haurrak hainbat arau barneratu behar ditu. Zergatik eta zertarako?
• Zeintzuk balore bereganatu beharko lituzke ikasleak besteekin bizitzen ikasteko?
• Egunerokotasunean edozein gatazken aurrean aurkitzen garenean, emozioen identifikazio eta erregulazioaren garrantzia,Hainbat teknika.
• Gatazken konponketarako osagai garrantzitsuenak:
  • Trebetasun sozialak
  • Entzute aktiboa
  • Kontzientzia soziala edo enpatia.
  • Elkarrizketa
  • Asertibitatea
  • Hainbat gatazka konpontzeko prozesua

La pasada semana, organizamos dos sesiones sobre temas como “Tecnología, aprendizaje, redes sociales…” para las familias de Primaria, Secundaria y Bachillerato y esta semana tendrán continuación con otras dos sesiones. Además, llega el turno para las familias de Educación Infantil ya que este jueves a las 6 de la tarde comenzará la primera sesión organizada sobre el tema de la convivencia.

Si deseais descargar los programas de las sesiones, a continuación tenéis la opción:

DESCARGAR PROGRAMAS

• Programación de ESO-Bachillerato (PDF 1 Mb)
• Programación de Primaria (PDF 1 Mb)
• Programación de Infantil(PDF 1,4 Mb)

Respetando la cronología de las sesiones, este es el programa de esta semana:

Segunda sesión (8 de marzo, lunes, para ESO y 9 de marzo, martes, para Primaria)

Hora: 18:00

Lugar: Salón de actos de San Ignacio

Ponentes: Jokin Lacalle (lunes) y Mikel Etxarri (martes)

• Situaciones y problemas nuevos
• Identidad digital
• Integración, incomunicación…
• Ciber Bullying
• Papel y responsabilidad de los padres y madres
• Recomendaciones

PARA LAS FAMILIAS DE EDUCACIÓN INFANTIL

CONVIVENMCIA

Primera sesión (11 de marzo, jueves)

Hora: 18:00

Lugar: Villa Eugenia

Ponente: Beatriz Ezeiza

En estos momentos, uno de los retos de la escuela es buscar una mejor convivencia, pero la convivencia positiva no surge de manera espontánea, es la sociedad y sus grupos quienes la deben generar. Para ello, son necesarias un mínimo de condiciones tanto sociales como institucionales ya que para un buen fruto es preciso el acuerdo de much@s. Es por ello por lo que la ikastola está haciendo un esfuerzo especial para desarrollar dicho tema y estas sesiones son un claro ejemplo de ello.

PROGRAMACIÓN

¿Qué es la convivencia?

• ¿Porqué tiene tanta importancia?
• Para una correcta convivencia se deben interiorizar unas normas. ¿Porqué y para qué?
• ¿Qué valores hay que interiorizar para aprender a convivir?
• Ante cualquier conflicto de la vida cotidiana, identificar y regular las emociones. Técnicas.
• Componentes principales de la resolución de conflictos:
  • Habilidades sociales
  • Escucha activa
  • Conciencia social o empatía.
  • Diálogo
  • Asertividad
  • Proceso de resolución de conflictos

Gaur goizean, Goierriko Hitza egunkari digitalean jaso dugun albistea, gainean ditugun Aste Santuko oporretarako interesgarria egingo zaizuela iruditu zaigu, eta hona ekartzea erabaki dugu.

Horra hor albistea:

Ordiziako Hitzaro euskara elkartean Plan, plin, plan ekimena antolatu du Aste Santurako, sei goizetan aisia ekitaldiak eskaintzeko haurrentzat. Martxoaren 24a arte eman behar da izena (hitzaro@gmail.com, 943 16 23 66). Plaza mugatuak dira. Hitzaroko bazkideen seme-alabentzat 30 euro eta gainontzekoentzat 35 euro da matrikula.

Aurreko astean, gure mendizaleek Somportera eginiko asteburuko irteeraren kronika argitaratu genuen. Kronikarekin batera, bertan ateratako argazki bilduma ere jarri genizuen.

Bada, gaurko honetan, bertan grabatutako bideoaren berri eman nahi dizuegu. Ohitzen hasita gaude, baina itzelak iruditzen zaizkigu gure Spielberg honek egiten dituen bideo zoragarriak. Beldur gaude Hollywood-etik ez ote dioten deituko.

Zorionak Imanol eta horretan ari zareten guztiok egiten duzuen lan eredugarri eta bikain honengatik. Jakintza Ikastolako komunitatearen izenean, mila esker!!!