JAKINTZA IKASTOLA ORDIZIA

Ordiziako Udalak, EBPNaren (Euskara Biziberritzeko Plana) barruan, jaioberrientzako masaje tailerra antolatu du.

Masaje tailerra, EBPNaren (Euskara Biziberritzeko Plan Nagusia) barruko ekintza da eta familia bidezko hizkuntzaren transmisio bideak indartzea du helburu. Izan ere, antolatzaileen esanetan, masajea haurrekin komunikatzeko beste modu bat da eta, eskuen teknikak ez ezik, hizkuntzak ere badu hor zerikusia.

Hona, labur-labur, ikastaroaren gainekoak:

Hartzaileak: urtebetez azpiko haurrak eta horien gurasoak
Egunak: apirilak 14, 16, 21, 23, 28 eta 30, eta maiatzak 5 (zazpi saio)
Ordua: 10:00-11:10
Lekua: Barrena kultur etxeko 7. gela
Izen-emateko azken eguna: apirilak 7a
Matrikula: 30€

Oharrak:

1) Jone Beitialarrangoitia psikoterapeuta legazpiarrak emango du masaje tailerra.
2) Ikastaroan parte hartu nahi dutenek, Herritarren Arretarako Udal Bulegoan (Kale Nagusia 24) utzi behar dute matrikula-orria, finantza erakundeak emandako ziurtagiriarekin batera.
3) Gehienez ere hamabi guraso eta haur onartuko dira tailerrean eta, lekuak mugatuak izanik, ordiziarrek izango dute lehentasuna.
4) Iazko azaroaren 1etik hona haurra izan duten herriko bikoteei gutunez eman die ikastaroaren berri Udaleko Euskara Zerbitzuak. Guztira, 44 ume jaio dira Ordizian aipatu sei hilabeteetan.