Kilometroak 09 – Informazio guztia
Bihar Donostian, Zurriola Ikastolak antolatuta, Kilometroak 09 ospatuko da eta jende asko informazio bila gure web orrira sartzen ari denez, antolatzaileek argitaratutako informazio garrantzitsuena hemen jartzea erabaki dugu.
KILOMETROAK KANTA
Kilometroak 09 abesti ofiziala jaitsi
EGITARAUA
Kiolmetroak 09 – Egitaraua PDF (1,9 MB)
Kilometroak o9 – Egitaraua ikusi
Egitarauan denak dauden arren, kontzertuak eta eskaintza kulturala atera eta hemen zerrendatzen dizkizuegu:
KONTZERTUAK ETA ESKAINTZA KULTURALA
1. gunea: Zurriola ikastola
09:30 – Zirkuitu irekiera
10:00 – Goizaldi dantza taldea
11:00 – Txorimaloak soinu taldea
12:30 – Mikel Laboari omenaldia
12:30 – Gari, Montxo eta Joselontxo pailazoak
14:30 – Peter Roberts taldea “Marratxo”
16:00 – Hipo eta Tomax “Herri kirolak”
17:30 – Jalisko Band
2. gunea: Kotxerak
10:00 – Zeren Zai
11:30 – Xarma
12:30 – Mikel Laboari omenaldia
13:00 – Kauta
14:30 – Asgarth
16:00 – Mendeku Itxua
17:30 – Triki ta Ke
3. gunea: Uliako haztegiak
10:00 – Potxin Patxin artistak “Kresalaren usaina”
11:30 – Txan Magoa “Txan……….txetan?”
12:30 – Mikel Laboari omenaldia
13:00 – Zirika Zirkus taldea “Ilargian”
14:30 – Poxpolo, Mokolo eta Konpania “Mekatxis Mariatxi
16:00 – Betizu “Karaoke”
17:30 – Laket
4. gunea: Manteo
10:00 – Xikinkei
11:30 – Aiko “Dantzaldi erromeria”
12:30 – Mikel Laboari omenaldia
13:00 – Damba
14:30 – Mak
16:00 – Ze Esatek “Mirentxu Tour 2009?
17:30 – Trikizio
Hip-Hop txokoa
10:00 – Graffiti tailerra
11:00 – Skratx tailerra
11:30 – Break dantza tailerra
12:30 – Mikel Laboari omenaldia
12:30 – Hip-Hop dantza finala
13:00 – Hip-Hop dantza tailerra
15:30 – Hip-Hop dantzak D’game
16:00 – Rap abeslari gonbidatuak
16:30 – Norte Apache rap taldea
17:00 – Bertso Sound System
5. gunea: Sagues
10:00 – Barrenadore eta harri jasotzaileak
11:00 – Betagarri
12:30 – Mikel Laboari omenaldia
12:30 – Gertrudis
14:00 – Oinarri abesbatza
15:00 – Naixan
16:00 – Esne Beltza
17:30 – Akelarre
6. gunea: Kursaal
10:00 – Donostiako Udal Musika eskolako Big Banda
11:30 – Easoko Araoz gazte abesbatza “Mariren Labirintoa I. Peña 8 Extractos”
12:30 – Mikel Laboari omenaldia
12:30 – Donostiako Orfeoiaren Orfeoi txikia eta oferoi gazte.
13:30 – Txirri, Mirri eta Txirbiton eta Txirri, Mirri eta Txirbiton Junior
15:00 – Xabi San Sebastian
16:30 – Mac Jeara’s Band
18:00 – Anje Duhalde
Zirkuituan: Alkarkide txaranga, Incansables txaranga, Triskele, Kantu jira, Zpeiz Mukaki, haurrentzako astotxoak, Usurbilgo batukada, Zurriolako trikitixa, Corrado Masachi, Senzala capoeira taldea, artisautza azoka…
IBILBIDEA ETA GUNEAK
Kilometroak-09ko ibilbideak sei gune ikusgarri izango ditu eta bertara sartzeko bost sarrera. Lehenengo gunea Zurriola ikastolan bertan, Indianoene kalean, egongo da. Handik Galtzada zaharretik barrena bigarren guneraino iritsiko gara: Kotxeretara. Beherako bidea hartuko du ibilbideak ondoren, eta Intxaurrondo kalean zehar aurrera egin eta gero ezkerretara bihurgune bat eginez, Uliako haztegietara helduko gara. Hortxe dago hirugarren gunea. Elosegi etorbide zabaletik behera gatozela Ategorrietako frontoitik berriz ere gora egingo dugu Rodil zeharbidetik barrena Manteoko laugarren gunera iritsi arte. Ordurako itsasoko kresala usaintzen hasiak izango gara, eta Okendo kulturetxe paretik behera eginez, aurrez aurre Zurriola hondartzarekin egingo dugu topo. Eskuinera joz gero, Sagues-ko gunea aurkituko dugu, bosgarrena, Ulia mendiaren magalean. Handik hasita, hondartzaren beste alderainoko ibilbidea Zurriola hondartzaren pasealekua zeharkatuz, Kursaaleraino doa eta seigarren guneraino helduko gara.
ZIRKUITURAKO SARRERAK:
Zirkuituan sartzeko bost sarbide egongo dira:
1. Donostiako mendebaldetik datozenentzat, Kursaaleko zubian.
2. Bigarren zubiti, edota Gros nahiz Egia-Loiolatik datozenentzat, Nafarroako etorbidearen erdi-erdian dagoen errotondan.
3. Kotxeretako gunea. Intxaurrondo auzotik eta Garbera eta 27. Poligonoko aparkalekutik datozenentzat.
4. Ategorrietako tren-geltokian, (Renfe) trenez datozen guztientzat.
5. Uliako Haztegietan, Trintxerpe-Pasaiako aparkalekutik datozenentzat.
OHARRA: Sarrera-txartelarekin batera, Eroski Bidaiak agentziak antolatutako hiru bidaien zozketan parte hartzeko txartelak oparituko dituzte. Gorde egin behar da, beraz, papertxo hori.
GUNEAK:
1go GUNEA: ZURRIOLA IKASTOLA Gune honetan, jantokia eta edoskitze gunea egongo da.
2. GUNEA: KOTXERAK Gune honetan jantokia eta zirkuiturako sarreretako bat egongo da.
3. GUNEA: HAZTEGIAK Gune honetan zirkuiturako sarreretako bat egongo da.
4. GUNEA: MANTEO Gune honetan, jantokia eta osasun karpa egongo da.
5. GUNEA: SAGUES Gune honetan Bluetooh konexioa egongo da.
6. GUNEA: KURSAAL Gune honetan zirkuiturako sarreretako bat egongo da.
OMENALDIAK
Kilometroak jaiak omenaldi berezi-berezia eskainiko dio MIKEL LABOA abeslari donostiarrari. Egitarauan argi azalduta ageri den bezala, eguerdiko 12:30etan Txoria txori abestuko dugu denok guztiok elkarrekin.
Txoria txori
Hitzak: J.A. Artze / Musika: M. Laboa
Hegoak ebaki banizkio
neria izango zen
ez zuen aldegingo,
bainan,
honela,
ez zen gehiago txoria izango
eta nik…
txoria nuen maite
Bestalde, Kursaaleko Kubo Kutxa aretoan Zurriola-Barandiaran batze egitasmoa omenduko da, Kilometroak-09eko antolatzaile diren Zurriola Ikastola eta Barandiaran Lizeoaren partaide diren ikasle, irakasle, guraso eta langile guztien lankidetza azpimarratuz.
Ekitaldi honetan bertan, beti egin ohi den bezala, hurrengo Kilometroak jaiaren antolatzaileen berri emango da. Lekukoa Pasaia-Lezo Lizeoak hartuko du.
NOLA IRITSI
Garraio publikoa
Donostiara etortzeko garraio publikoa erabiltzea gomendatzen dugu, aukera zabala dago eta.
Renfe
Zerbitzu bereziak izango dira egun osoan Brinkola eta Irun lotzen dituen linean, goizeko 6ak aldera hasi eta gaueko lehen orduak arte. Donostiara etortzeko Tolosatik eta Irundik goizeko 10:00etatik eguerdira arte 15 minutuz behin. Donostiatik irteteko 18:00etatik aurrera Irunerantz 40 minutuz behin eta Tolosarantz 20 minutuz behin.
Garrantzitsua:
Donostiara iristean, Ategorrietako geltokian jaistea gomendatzen da, bertan zirkuiturako sarrera nagusietako bat dago eta.
Donostiatik irteteko berriz, Norteko geltokia erabiltzea eskatzen dugu, jende pilaketak saihesteko.
Euskotren:
Euskotreneko zerbitzuak ugaritu egingo dira: Zumaiatik Donostiara 30 minuturo eta Irundik Donostiara 15 minuturo egongo dira, Easo Plazako geltokiraino. Bertatik, D-Buseko 28, 26 eta 21 lineak erabil daitezke Okendo kaleraino edo Boulevard-eraino, Kursaaleko zubian egongo den zirkuituaren sarreratik gertu.
Autobusez
Donostia inguruko herri, eskualde eta hiriburuekin lotzen dituzten konpainia guztiek ohiko zerbitzuak eskainiko dituzte, eta Herribus konpainiak (Pasai Donibane, Oiartzun eta Errenteria Donostiarekin lotzen dituena) eta Interbus konpainiak (Hondarribia-Donostia) zerbitzu bereziak gehituko dituzte.
Amarako autobus geltoki nagusira iristen diren autobus lineen erabiltzaileek D-bus-eko 28, 26 eta 21 lineak erabil ditzakete, Kursaaleko zubiko zirkuiturako sarrerara gerturatzeko.
Oinez joan nahi dutenentzako ere, Amaratik zirkuiturainoko bidea ondo markatuta izango da.
Garraio pribatua
Donostian sartzeko, A8-N1 saihesbideko 5. irteera (Intxaurrondo-Merkatal Zentroa) erabiltzea gomendatzen dugu, aparkalekuetara iristeko biderik errazena baita.
Aparkalekuak
Autoentzat:
Garbera merkataritza zentroko parkina. Hori betetakoan, autoak 27. poligonora bideratuko dira.
Autobus partikularrentzat:
Herrera gunean (Pasaiako portuko sarreran)
Aparkaleku hauetatik zirkuitura joan-etorriko autobusak ibiliko dira:
- Garberatik Kotxeretako sarrerara: 6 minuturo, 9:00etatik 20:00etara
- 27. poligonotik Kotxeretako sarrerara: 24 minuturo, 11:00etatik 20:00etara
- La Herreratik Haztegietako sarrerara: 6 minuturo, 9:00etatik 11:00etara, eta 18:00tik 20:00etara
Mugikortasun mugatua duten pertsonentzat:
Ramon Maria Lili kalean eta Nafarroa Hiribidean
Motorrentzat:
Zurriola Etorbidean eta Nafarroa Hiribidean
Bizikletentzat:
Zurriola Etorbidean
SABELA BETETZEKO
Non aurkitu Donostian baino jaki hoberik? Donostia gastronomiaren hiriburua izaki, hiru menu bereizi eskainiko dira plater gozoak dastatzeko:
Zurriola menua (1.go GUNEA-IKASTOLA)
Barazki budina edo makarroiak
Arkumea saltsan
Azkenburukoak
Ogia, ura, ardoa eta sagardoa
Prezioa: 16 euro
Ategorrieta menua (2. GUNEA-KOTXERAK)
Paella
Oilaskoa
Azkenburukoak
Ogia, ura, ardoa eta sagardoa
Prezioa: 12 euro
Sagardotegi menua (4. GUNEA-MANTEO)
Bakailao tortilla
Idi-txuleta
Gazta, irasagarra eta intxaurrak
Ogia, ura, ardoa eta sagardoa
Prezioa: 23 euro
Eta jakina, pintxoak
MANTEO, 4. gunean Euskolabel pintxoak: oilaskoa, txahala, tomatea…
KURSAAL, 6. gunean Pintxo bereziak eta Arabako ardogileen elkarteak ekarritako ardoak dastatzeko aukera paregabea.
INGURUMENA ZAINDU
Ingurumenaren zaintzari arreta berezia eskaini nahi diogu KMK-09an. Garbitasunaren gaia denon ardura den neurrian dei egin nahi diegu egun horretan gozatzera datozen guztiei zirkuitua aurkitu bezain garbia utzi behar dugula gogoan har dezaten. Horretarako baliabide ugari jarriko dira.
Ohikoa den bezala, edalontzi berrerabilgarriak eskainiko dira. Baina, horretaz gain, beirazko botilak txosnetan itzuliz gero, euro bat jasoko da trukean.
PRIMERAN PASA, PASATU GABE
Festa guztietan bezala, Gipuzkoako hiriburura hurbiltzen den orok giro alaian egun polita igarotzeko aukera izango du. Baina, ongi pasatzeaz gain, arduratsu izatea ere beharrezkoa da. Hori dela eta, Askagintza erakundea Ikastolen Elkartearekin lankidetzan, Primeran pasa, pasatu gabe kanpainarekin iritsiko da urriaren 4an Donostiara.
Beraz, haur eta gazteei jaia eta aisia ulertzeko modu bat ere eskaini nahi zaie, ondo pasatzeko eta musikaz, jai giroaz gozatzeko hamaika aukera aurkeztuz. Hori dela eta, Askagintzak aholkua eta laguntza emango die gazteei.
Informazio guztia Kilometroak duen gune ofizialetik hartuta: www.kilometroak.net
